निवडणुका पार पडून नवीन सरकार स्थिरस्थावर होताच रिक्षा, टॅक्सी तसेच एसटी बस भाडेवाढीचा बोजा राज्यातील रहिवाशांवर पडला. रिक्षा आणि टॅक्सी भाड्यात येत्या शनिवारपासून प्रत्येकी तीन रुपये वाढ होणार असतानाच, राज्य परिवहन मंडळाच्या (एसटी) बसच्या भाड्यात १४.९५ टक्के वाढ अमलातही आली. ‘एसटीला प्रति दिन तीन कोटी म्हणजे महिन्याला ९० कोटींचा तोटा सहन करावा लागत असल्याने भाडेवाढ अटळ होती, असा युक्तिवाद नवे परिवहनमंत्री प्रताप सरनाईक यांनी केला. मात्र या तोट्यात एसटीच्या ढिसाळ सेवेचाही वाटा आहे; तो कारभार भाडेवाढीनंतर सुधारावा ही अपेक्षा. आजवर अनेक उपाय योजूनही एसटीची सेवा सुधारू शकलेली नाही. सार्वजनिक वाहतूक व्यवस्था बळकट करण्याचा विचार धोरणकर्त्यांकडून नेहमी मांडला जातो. पण ही सेवा सक्षम होऊ नयेच अशीच व्यवस्था राज्यकर्ते- नोकरशहा- खासगी ठेकेदारांची साखळी करीत असते. अशाच या अभद्र साखळीमुळे राज्याच्या सर्वसामान्य जनतेची ‘लाल परी’ एसटी गाळात गेली.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
