उलटा चष्मा: बुद्धी वाढवून मिळेल का?

सरकार उंची वाढवून देतं आहे म्हटल्यावर वजन कमी करण्यासाठी घाम गाळणाऱ्या आणि सतत डाएट करावं लागणाऱ्या स्थूल महिलाही पुढे सरसावल्या आहेत. कमी उंची असलेल्या महिलांना हे सरकार न्याय देतं आहे आणि त्यांची उंची दोन दोन इंचाने वाढवून देतं आहे ही चांगलीच गोष्ट आहे. पण मग आमच्यासारख्या स्थूल महिलांवर होणाऱ्या अन्यायाकडेही या सरकारने लक्ष द्यावं आणि आमचंही दोन दोन किलो वजन कमी करून द्यावं अशी जोरदार मागणी त्यांनी केली आहे. त्यांचा हा पुढाकार बघून स्थूल पुरुषही पुढे सरसावले आहेत आणि त्यांनीही सरकारने आमचं दोन दोन किलो वजन कमी करून द्यावं अशी मागणी केली आहे. याउलट, सरकारनंच आमचं वजन वाढवून द्यावं, अशी मागणी करणाऱ्यांचीही रीघ हरियाणाकडे लागली आहे म्हणतात.

आणखी वाचा

यूपीएससीची तयारी : CSAT ची तयारी

Pompeii: २५०० वर्षांपूर्वी भारतीय लक्ष्मी इटलीमध्ये कशी पोहोचली?

वडील तिसरी उत्तीर्ण तर आई निरक्षर, मुलगा शास्त्रज्ञ झाला, आता परदेशी शिक्षणासाठी निवड

संघाविषयी आंबेडकरांच्या ‘आपुलकी’चे सर्व दावे संशयास्पद! 

Maharashtra Politics : भाजपा आमदार सुरेश धस हे धनंजय मुंडेंना लक्ष्य का करत आहेत?

अग्रलेख: विक्रमी आणि वेताळ

भविष्य हे युद्धाचे नसून, बुद्धांचे! प्रवासी भारतीय दिनानिमित्त पंतप्रधान नरेंद्र मोदी यांचे प्रतिपादन

किरिट सोमय्यांच्‍या आरोपानंतर खळबळ… अमरावतीत आता बांगलादेशींच्या…

आपला रंग कसा असेल हे कुणाच्याच हातात नसतं, पण गोऱ्या रंगवाल्यांच्या वलयापुढे आपण कुणालाच दिसत नाही, ही खंत घेऊन जगणाऱ्या सावळय़ा, कृष्णवर्णीय लोकांच्या मनामध्येदेखील आपला रंग बदलण्याची क्षमता मोदी सरकारच्या कार्यकाळामध्ये आहे, अशी आस निर्माण झाली आहे. जो उंची वाढवू शकतो तो रंग का बदलू शकत नाही, असा बिनतोड सवाल घेऊन ते काही वर्तमानपत्रवाल्यांना भेटलेत आणि टीव्ही वाहिन्यांवर या विषयावर चर्चा घडवून आणण्यासाठी त्यांनी दबाव निर्माण करायला सुरुवात केली आहे, असे समजते.

या सगळय़ा रांगा, मागण्या आणि त्यांचा जोर बघून भांबावलेले पत्रकार आणखी एका रांगेचा शोध घेत आहेत. पण ‘बुद्धी वाढवून मिळेल का?’ अशी मागणी करणाऱ्या रांगेत एकही जण नाही, असे कळते.