विजय तेंडुलकर, महेश एलकुंचवार आणि सतीश आळेकर या तिघांनी मराठी रंगभूमीला राष्ट्रीय आणि आंतरराष्ट्रीय पातळीवर ओळख मिळवून दिली. यापैकी तेंडुलकर हे या दोघांचे प्रेरणास्थान. अगदी तरुण वयात अवतीभोवतीच्या वास्तवावर वैविध्यपूर्ण नाटके रचून या तिघांनीही आपली सर्जनशीलता आणि प्रगल्भता दर्शवली. लेखनाव्यतिरिक्त आळेकर दिग्दर्शक आणि अभिनेतेही आहेत. आणि आजही सक्रिय दिसतात. आत्ता-आत्ताच त्यांचे ‘ठकीशी संवाद’ हे करोना-काळात लिहिलेले नाटक रंगभूमीवर आले आहे. अनेक चित्रपटांतून ते तरुणाईच्या उत्साहाने भूमिकाही करताना दिसतात. तरुणपणीच, महाविद्यालयीन जीवनात नाटकांत काम करण्याची गोडी त्यांना लागली. महाविद्यालयीन स्पर्धांसाठी ते एकांकिका लिहू लागले. त्यांच्या ‘झुलता पूल’, ‘यमूचे रहस्य’, ‘दार कुणी उघडत नाही…’ यांसारख्या अनेक एकांकिका गाजल्या; ‘भिंत’ आणि ‘बस स्टॉप’ या एकांकिकांचे प्रयोग तर पुढल्या पिढीतही अनेक महाविद्यालयीन विद्यार्थ्यांकडून होत राहिले.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
