उत्तर अटलांटिक करार संघटना अर्थात नाटोच्या लिथुआनियात नुकत्याच झालेल्या परिषदेकडून युक्रेनला बरेच काही अपेक्षित होते. युक्रेनच्या प्रस्तावित नाटो समावेश प्रक्रियेचे वेळापत्रक जारी करावे, अशी त्या देशाचे अध्यक्ष वोलोदिमिर झेलेन्स्की यांची सुरुवातीस अपेक्षा होती. त्यांची अगतिकता समजण्यासारखी आहे. कारण रशियाचा युक्रेनभोवतालचा विळखा पूर्ण आवळला गेला नसला, तरी दक्षिण-आग्नेयेकडील चार प्रांत आणि क्रिमिया असे पाच प्रांत कमी-अधिक प्रमाणात रशियाच्या ताब्यात आहेत. ती पकड सोडवण्यासाठी शर्थीची लढाई सुरू आहे. यासाठी निधी, मनुष्यबळ आणि शस्त्रसामग्रीची युक्रेनला नितांत गरज वाटते. मनुष्यबळ म्हणजे सैनिक युक्रेनला पुरवण्यासाठी आवश्यक कायदेशीर चौकट म्हणजे अर्थातच नाटोचे सदस्यत्व सध्या अस्तित्वात नाही. पण निव्वळ निधी आणि शस्त्रसामग्रीपेक्षा ते झेलेन्स्कींना अधिक महत्त्वाचे वाटते. यासाठीच ऐन परिषद सुरू असतानाच त्यासंबंधीची प्रक्रिया तातडीने पूर्ण करावी, असा काहीसा घाईचा संदेश त्यांनी प्रसारमाध्यमांवर प्रसृत केला होता.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
