व्यक्तिवेध : रविचंद्रन अश्विन

हेही वाचा >>> संविधानभान : देशाचा प्राणवायू!

आणखी वाचा

विरोधी पक्षनेतेपदासाठी अद्याप अर्जच नाही, विधानसभा अध्यक्ष राहुल नार्वेकर यांचे स्पष्टीकरण

सूर्यप्रकाश भरपूर प्रमाणात असूनही भारतीयांमध्ये ‘Vitamin D’ची कमतरता…

लोकजागर : वैदर्भीय पक्षांची ‘वंचना’

गुकेशच्या नवचैतन्याची कसोटी!

गुलाबराव देवकर यांच्या पक्ष प्रवेशास अजित पवार गटाच्या स्थानिक नेत्यांचा विरोध, पक्ष प्रवेशाच्या विरोधात फलक झळकला

प्रभारी आयुक्त रमेश मनाळे यांची समाजमाध्यमावर बदनामी

अमरावती : नवनीत राणा म्‍हणतात, “…तर रवी राणा देखील राजीनामा देतील”

ईव्हीएम विरोधातील लढाईची दिशा मारकडवाडीने देशाला दिली: अतुल लोंढे

अश्विनने नुकताच कसोटी क्रिकेटमध्ये ५०० बळींचा टप्पा ओलांडला. असा पराक्रम करणारा तो जगात नववा आणि दुसराच भारतीय गोलंदाज. भारताला उत्तम फिरकी गोलंदाजांची परंपरा आहे. या पार्श्वभूमीवर भारतीय संघात स्थान मिळवणे, ते टिकवणे अधिकच आव्हानात्मक ठरते. ऑफस्पिनर अश्विनने या प्रत्येक टप्प्यावर हुन्नर दाखवले. पारंपरिक ऑफस्पिनच्या जोडीला अनेक प्रयोग करण्याची हिंमत दाखवली. त्याबद्दल त्याच्यावर अनेकदा टीकाही झाली. परंतु अभ्यासू अश्विनने या टीकेचा फार विचार केला नाही. त्याचा ५००वा बळी परवा राजकोटमध्ये इंग्लंडविरुद्ध नोंदवला गेला. आता रांचीमध्ये सामना जिंकून भारतीय संघाने मायदेशात सलग १७वा कसोटी मालिका विजय नोंदवला. ही विजय मालिका २०१२नंतर अव्याहत सुरू आहे. अश्विनने २०११मध्ये कसोटी पदार्पण केले. त्यामुळे या विजयगाथेचा अश्विन केवळ साक्षीदार नव्हे, तर शिल्पकारही ठरतो. कसोटी पदार्पणापूर्वीच अश्विनने आयपीएलमध्ये चमक दाखविली होती. चेन्नई सुपरकिंग्जकडे त्यावेळी मुथय्या मुरलीधरनसारखा निष्णात गोलंदाज होता. तो नवा चेंडू वापरण्याविषयी उत्सुक नव्हता. त्यामुळे ती जबाबदारी युवा अश्विनवर सोपवण्यात आली. त्या संधीचे अश्विनने सोने केले. तो काळ अनिल कुंबळेच्या निवृत्तीचा आणि हरभजन सिंगच्या उतरणीचा होता. या दोहोंपश्चात भारतीय फिरकी गोलंदाजीची धुरा बराच काळ अश्विनने सांभाळली. मर्यादित षटकांच्या क्रिकेटमध्ये चमक दाखवणारा अश्विन पुढे कसोटी क्रिकेटमध्ये रुळला. निव्वळ गोलंदाजी न करता, बऱ्यापैकी उपयुक्त फलंदाजी करणारा अश्विन ५०० बळी आणि ५ कसोटी शतके नोंदवणाऱ्या दुर्मिळातील दुर्मीळ क्रिकेटपटूंपैकी एक. अनेकदा संघाबाहेर राहूनही अश्विन खचला नाही आणि फिरकी चिंतनालाही त्याने कधी अंतर दिले नाही. त्याच्या यशस्वी आणि प्रदीर्घ कारकीर्दीचे हेही एक कारण.