व्यक्तिवेध : थांगा डारलाँग

हेही वाचा >>> व्यक्तिवेध: सॅण्ड्रा डे ओ’कोनूर

आणखी वाचा

आत्मनिर्भरतेने भारत सागरी शक्ती ; पंतप्रधान नरेंद्र मोदी यांचे प्रतिपादन, दोन युद्धनौका, एका पाणबुडीचे लोकार्पण

Jalgaon Train Accident : कर्नाटक एक्स्प्रेसच्या चालकाने भोंगा वाजवला…

PM Narendra Modi : “विस्तारवाद नाही, विकासवादाच्या भावनेने काम सुरू”, मुंबईत युद्धनौका आणि पाणबुडीचे उद्घाटन केल्यानंतर मोदींची प्रतिक्रिया

लोकमानस : आम्ही गावकी, भावकी कधीच सोडली

साहित्याच्या मांडवात राजकारण्यांची ‘सरबराई’!

दीड कोटी भाविकांचे पवित्र स्नान; भक्तिमय वातावरणात महाकुंभाला सुरुवात

भोगीचा सण केव्हा साजरा केला जातो? जाणून घ्या सर्व काही एका क्लिकवर…

‘झेड मोढ’ बोगद्याभोवती सुरक्षा व्यवस्थेत वाढ; पंतप्रधान मोदी यांच्या हस्ते उद्या उद्घाटनाची शक्यता

डारलाँग हे थांगा यांच्या जमातीचे नाव. ही जमात मूळची मणिपूरमधली आणि (आज हिंसाचारात अडकलेल्या) कुकी समाजापैकी. त्या जमातीचे वैशिष्टय़ म्हणजे ‘रोसेम’ हे सुषीरवाद्य! कमंडलूत मधूनच बासऱ्या खोवल्यासारखा याचा आकार दिसतो आणि तंबोऱ्यापासून बीनपर्यंतची अनेक वाद्ये जशी भोपळय़ापासून बनतात, तसेच हे रोसेमही दुधीभोपळय़ाच्या पोकळीचा वापर करणारे असते. खालच्या, तुलनेने मोठय़ा आकाराला एका बाजूस भोक पाडून त्यात बासरीसारखे बांबू रोवलेले असतात आणि यापैकी मोठय़ा बासऱ्या वरून बंदही केल्या जातात. बीनच्या भोपळय़ात फार तर दोन बासऱ्या खोवलेल्या दिसतील, पण इथे रोसेममध्ये किमान पाच.. आणि त्याही बॅगपाइपसारख्या निरनिराळ्या दिशांना! तोंडाने फुंकत असताना एकाच वेळी दोन-दोन बासऱ्या हाताळत सुरावट निर्माण करायची, असे या वाद्याचे तंत्र थांगा डारलाँग यांच्या घराण्यात पिढीजात होते. त्यांचे वडील आणि आजोबा, थोरले काका हेच त्यांचे गुरू. पुढे ही परंपरा टिकवण्याचा ध्यास त्यांनी घेतला, तोवर ‘रोसेमवादक’ ही त्यांची ओळख सर्वदूर पसरली होती.. राज्य आणि केंद्र सरकारने आयोजित केलेल्या लोककला उत्सवांचीही निमंत्रणे त्यांना येऊ लागली होती. मग पन्नाशीनंतर काही काळ त्यांनी स्वत:चा (बहुश: कुटुंबीयांचाच) संगीत-चमूही स्थापन केला. वयपरत्वे ते घरीच राहू लागले तरी ‘रोसेम’वादन सुरूच राहिले! त्रिपुरात गेल्या १२ वर्षांपासून लोकसंगीत महाविद्यालय सुरू आहे. पण तेथे जाण्याऐवजी त्रिपुराच्या ऊनाकोटी जिल्ह्यातील कालियासहर शहरानजीकच्या मुरारीबाडी या सुदूर वस्तीतच राहणे थांगा डारलाँग यांनी पसंत केले. ‘मी आज थांगा डारलाँग यांना घर बांधण्यासाठी दीड लाख रुपयांची मदत केली’- ‘मी कोविडकाळातली मदत म्हणून थांगा डारलाँग यांना दहा किलो तांदूळ दिला’ अशा समाजमाध्यमी जाहिरातींमधून राजकारणाची इयत्ता त्रिपुरातले सत्ताधारी दाखवत राहिले असतानाच्या फोटोंमध्येही, थांगा डारलाँग मात्र स्वत:तच हरवल्यासारखे दिसतात.. कलावंताचा सच्चेपणा हाच असतो का?