‘अगं बाई, अरेच्चा’ असले नवलमिश्रित किंवा ‘काय हे’ असे विषादयुक्त उद्गार काढत राज्यातील महिला नेत्यांच्या ‘एक्सवॉर’कडे बघण्याची काहीच गरज नाही. मुळात हे राजकीय युद्ध अथवा भांडण नाहीच तर ‘सभ्य’ शब्दांत केलेला वादप्रतिवाद आहे. यात ‘उच्च’ दर्जाची अभिव्यक्ती दडली आहे. अशा अभिरुचीसंपन्न वादाला भांडणाची फोडणी देणे हा या नेत्या, प्रवक्त्यांवरील अन्याय ठरेल याची जाणीव सर्वांनी बाळगणे इष्ट. पूर्वी, देश मागास होता तेव्हा महिलांमध्ये भांडणे व्हायची तीही प्रामुख्याने सार्वजनिक नळावर. कारण तेव्हा या वर्गाच्या अभिव्यक्तीला वाव देणारी तीच एकमेव जागा होती. कालौघात पाणवठा हरवला, त्याची कसर आता आभासी माध्यमांवर भरून काढली जात आहे, असा तर्क लावण्याची मुळीच आवश्यकता नाही. ‘‘राजकारणातले पुरुष बघा कसे ‘मर्दा’सारखे भांडतात, नाही तर या महिला..’’ अशी तुलना करून या वर्गाचा अपमान करण्याची आगळीक तर कुणी करूच नये. या वादाकडे ‘स्त्रीवादी’ भूमिकेतून बघायला शिकणे केव्हाही योग्य. मग तो वाद किशोरीताई व शीतलताईंमधला असो वा चित्राताई, रूपालीताई, सुषमाताई, मनीषाताई यांच्यामधला असो. ‘‘याने इतके मनोरंजन होते की टीव्हीवरचे हसवणुकीचे कार्यक्रम बघायची वेळच येत नाही,’’ असले कुजकट शेरे अजिबात नकोत. या साऱ्या ताईंनी आपले उभे आयुष्य पक्षासाठी खर्ची घातले आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
