‘येथे जमलेल्या माझ्या जिवाभावाच्या चाळीस आमदार मित्रांनो, केवळ एका संदेशावरून तुम्ही सर्व एकत्र आल्याने अल्प सूचनेवरून कुठेही जाण्याची तुमची सवय मोडलेली नाही हे दिसले. त्याबद्दल आभार. आपल्यातलेच एक असलेले कळमनुरीचे आमदार संतोषभाऊ यांनी निवडणूक जिंकण्यासाठी नुकतीच एक क्रांतिकारी कल्पना जन्माला घातली. ती नेमकी कशी राबवायची हे समजून घेण्यासाठी व त्यांचा सत्कार करण्यासाठी आपण छत्रपती संभाजीनगरीत जमलोत. अतिशय धडाडीचे, कर्तबगार, कार्यकुशल, कार्यसम्राट म्हणून राज्यभरात ओळख निर्माण करणारे संतोषभाऊ कल्पकही आहेत हे यातून दिसून आले. त्यामुळे आता जास्त वेळ न दवडता मी भाऊंना त्यांच्या कल्पना विस्तारासाठी आमंत्रित करतो.’ हे ऐकताच भाऊ अंगावर लपेटलेली भगवी शाल सावरत दोन्ही हात जोडून सर्वांना नमस्कार करत ध्वनिक्षेपकाचा ताबा घेतात. ‘औंढा नागनाथजवळच्या ‘लाख’ गावातील शाळेत मी मांडलेल्या कल्पनेला प्रसिद्धी मिळाल्यापासून राज्यभरातील शेकडो विद्यार्थ्यांचे फोन मला येत आहेत.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
