आता भारतरत्न जाहीर झालेले भाजपचे ज्येष्ठ नेते लालकृष्ण अडवाणी यांच्या आयुष्यात विरोधाभासांची मालिकाच आहे, असे म्हटले तर ते वावगे ठरणार नाही. त्यांचा जन्म भारताचा सतत द्वेष करणाऱ्या पाकिस्तानातील. पण आता त्यांना जाहीर झाला आहे, भारतरत्न हा भारतातील सर्वोच्च नागरी पुरस्कार. व्यक्तिगत आयुष्यात अत्यंत मृदू असलेल्या अडवाणींचे वर्णन एकेकाळी भारताचे ‘लोहपुरुष’ असे केले जात असे. ज्या श्रेयसासाठी आयुष्य दिले ते समोर दिसत असताना बाजूला होऊन दुसऱ्याला वाट करून द्यावी लागणे, हादेखील त्यांच्या आयुष्यातील एक विरोधाभासच. आता त्याचे वर्णन काहींनी ‘काव्यगत न्याय’ असे करणे ही गोष्ट वेगळी. नव्वदच्या दशकात रथयात्रा काढून राममंदिराचा मुद्दा टिपेला नेणाऱ्या आणि लोकसभेत अवघ्या दोन जागांवर असलेल्या भाजपचा सत्तेचा मार्ग प्रशस्त करून देणाऱ्या अडवाणींना एकेकाळी त्यांचे नेतृत्व जहाल असल्याकारणाने पंतप्रधानपदावर पाणी सोडावे लागले होते, हे आता अगदी ‘जहालपणा’ची नवलकथा वाटावे असे. तेव्हा ‘अब की बारी अटलबिहारी’ म्हणत ते बाजूला झाले खरे, पण तेव्हा हुकलेले पंतप्रधानपद त्यांना नंतर कधीच मिळू शकले नाही. असे असले तरी ‘भारताचा लोहपुरुष’ हे बिरुद घेऊनच ते राजकारणात वावरले.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
