व्यक्तिवेध: सी. आर. राव

ते मूळचे गणिती, पण गणिताची पदव्युत्तर पदवी मिळवल्यानंतर संख्याशास्त्रातही त्यांनी अशी पदवी मिळवली (१९४३), त्यासाठी १९४१ पासूनच त्यांचा संबंध कोलकात्याच्या भारतीय संख्याशास्त्र संस्थेशी (आता महालनोबिस संस्था) आला. तिथे परिमिती व परिगणन यांविषयीचा शोधनिबंध सादर करून लंडनच्या किंग्ज कॉलेजात ते डॉक्टरेटसाठी गेले. तेथून पुन्हा कोलकात्यातील याच संस्थेत येऊन १९७९ पर्यंत तिथल्या प्रमुखपदासह विविध पदांवर त्यांनी काम केले. महालनोबिस यांच्या सूचनेनुसार राज्याराज्यांत ‘संख्याशास्त्र विभाग’ स्थापणे- उभारणे आणि तिथे माणसे तयार करणे हे यापैकी प्रमुख काम! तर वयाच्या साठीत अमेरिकेतील पिट्सबर्ग विद्यापीठाचे प्राध्यापक पद त्यांनी स्वीकारले. १९८८ पासून पेनसिल्व्हानिया विद्यापीठात ते प्राध्यापक झाले आणि इथेच २००१ पासून ‘सुप्रतिष्ठ (तहहयात) प्राध्यापक’ पदाचा मान त्यांना मिळाला.

आणखी वाचा

ठरलं तर मग : सायलीच्या मदतीला आले २ नवीन पाहुणे! पंढरपुरातून आणली ‘ही’ खास वस्तू, अर्जुनला ‘असं’ पळवून आणणार…; पाहा प्रोमो

Maharashtra Politics : नाराज एकनाथ शिंदे भाजपासाठी अडचणीचे?

जिल्हा परिषद शाळेतील शिक्षकाची पाठ्यवृत्तीसाठी निवड… राज्यातून ठरले एकमेव…

नवी मुंबई : शहराच्या वैभवात भर घालणाऱ्या विज्ञान केंद्राचे ९० टक्के काम पूर्णत्वास

अखेर बेस्टला मुहूर्त सापडला, विद्युतपुरवठा विभागात भरती सुरू

नोकरीची संधी: ‘एम्स’मध्ये महाभरती

काळा घोडा महोत्सवात सृजनशीलतेची उधळण; महोत्सवाचे २५ विशीत पदार्पण

भारतीय वास्तुविशारद संस्थेच्या महाकॉन ला सुरुवात

उमेदीचा काळ स्वदेशातच घालवून नंतर प्रगत देशांत नाव कमावण्याचा हा लौकिक प्रवासही थक्क करणारा असला तरी, संख्याशास्त्रीय सिद्धान्तनात त्यांनी घातलेली भर ही अलौकिक आहे. त्या शास्त्रात ‘क्रेमर-राव इनइक्वॅलिटी’, ‘राव-ब्लॅकवेलायझेन’, ‘राव-मेट्रिक’, ‘राव्ज यू-टेस्ट’, ‘राव्ज जनरलाइज्ड इन्व्हर्स ऑफ मेट्रायसेस’ अशा संज्ञा वापरल्या जातात, त्यातले हे राव! त्यांच्या नावातील ‘सी. आर.’ म्हणजे कल्यमपुडी राधाकृष्ण’वगैरे माहिती जगाच्या दृष्टीने बिनमहत्त्वाची आणि विकिपीडियापुरतीच; तर त्या संज्ञांचे अर्थदेखील गणित वा संख्याशास्त्राच्या जगाबाहेर अगम्य. पण संख्याशास्त्रीय मापन-पद्धती, अनुमानपद्धती अधिक अचूक होण्यासाठी त्या चुकतातच कशा याचा विचार करून – म्हणजे अनुमानपद्धतीतल्या ‘फटी’ ओळखून- त्या अचूकपणे बुजवण्याचा ध्यास राव यांनी घेतला होता. त्यांचे ‘स्टॅटिस्टिक्स अ‍ॅण्ड ट्रुथ’ हे पुस्तक इंग्रजीत भारतातही मिळत असले तरी फ्रेंच वा जर्मनखेरीज तैवानी आणि चिनी तसेच जपानी, तुर्की भाषांतही त्याचे अनुवाद झाले आहेत! मराठीसह अन्य भारतीय ‘ज्ञानभाषां’त हे पुस्तक आले, तर लोक शहाणे होऊन कदाचित सत्ताधाऱ्यांची संख्याशास्त्र-विषयक अनास्थाही कमी होईल आणि ती राव यांना खरी आदरांजली ठरेल.