रिकामा, निर्मनुष्य ध्वनिमुद्रण स्टुडिओ तेथील वापर होत नसलेल्या उपकरणांसह दिसतो आहे. कॅमेरा त्या निश्चेष्ट उपकरणांवरून फिरतो आहे. या दृश्यांना पार्श्वसंगीत म्हणून अशा रिकाम्या स्टुडिओत ऐकू येऊ शकणारे अगदी दूरस्थ ‘आवाज’ दृश्य पाहणाऱ्या-ऐकणाऱ्याला ऐकू येत आहेत. हळूहळू पडद्यावर इंग्रजी अक्षरे उमटतात, ‘एआय (कृत्रिम बुद्धिमत्ता) कंपन्यांची खुलेआम संगीतचोरी ब्रिटिश सरकारने कायदेशीर करू नये’ – अशा अर्थाची. ‘इज धिस व्हॉट वुई वॉण्ट’ नावाचा, नवाकोरा संगीत अल्बम २५ फेब्रुवारीला प्रदर्शित झाला, त्याचे हे वर्णन. तब्बल चार मिनिटे हे पाहिले-ऐकल्यानंतर हतबुद्ध व्हायला होते. पण त्याचबरोबर नीरवाचा ध्वनी किती परिणामकारक असतो, याची मनात जाणीव रुजू लागते. कृत्रिम बुद्धिमत्तेचा अर्थात ‘एआय’चा व्यापार-वापर करू इच्छिणाऱ्या कंपन्यांना आपले हात-पाय सहज पसरू दिल्याचे काय दुष्परिणाम होतील हे दाखवून, आपल्याला हे हवे आहे का, असा प्रश्न विचारणारा हा अल्बम आहे. त्या शांततेत निषेधाचा ठाम सूर आहे आणि जे दाखवले जात आहे, ते भविष्य असेल, तर मानवाची सर्जनशीलता आता अशी गंजत जाणार का, असा रोकडा सवालही आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
