नादाव लापिडची ‘लायकी’ काय आहे?

गोव्यात नुकत्याच पार पडलेल्या आंतरराष्ट्रीय चित्रपट महोत्सवाच्या ज्युरीचा प्रमुख नादाव लापिड याने ‘कश्मीर फाइल्स’विषयी केलेल्या विधानामुळे अचानक त्याचे नाव भारतीय प्रसारमाध्यमांत आणि समाजमाध्यमांत चर्चेत आले. त्याच्या विधानामुळे त्याच्यावर आग पाखडणाऱ्या किंवा त्याच्यावर खूश झालेल्या बऱ्याचशा लोकांना त्याच्याविषयी आणि त्याच्या चित्रपट कारकीर्दीविषयी काहीही माहीत नाही, हे अगदी उघड आहे. ताज्या गाजणाऱ्या मुद्द्यावर व्यक्त होण्याआधी तसे कष्ट घेण्याची गरजही बहुतेक लोकांना वाटत नाही. मात्र, ज्यांना या निमित्ताने तरी या व्यक्तीविषयी विकी वगैरे नेहमीच्या स्रोतांपलीकडे जाऊन काही जाणून घेण्याची इच्छा झाली आहे त्यांच्यासाठी हा लेख.