अमेरिकन कादंबरीकार डॅन ब्राऊनची नवी कादंबरी, ‘इन्फेनरे’ प्रकाशित होऊन आज चारच दिवस झाले आहेत, पण या कादंबरीची जी तडाखेबंद विक्री जगभर सुरू आहे, त्यावरून ती खपाच्या बाबतीत लवकरच नवा विक्रम प्रस्थापित करण्याची शक्यता नाकारता येत नाही. पुठ्ठाबांधणी, ई-बुक आणि ऑडिओ सीडी अशा तिन्ही प्रकारांत ही कादंबरी आता बाजारात एकाच वेळी उपलब्ध आहे.‘इन्फेनरे’ ही ब्राऊनची रॉबर्ट लँगडन मालिकेतली चौथी कादंबरी. ‘अँजल्स अँड डेमॉन्स’, ‘द दा विन्ची कोड’, ‘द लॉस्ट सिम्बॉल’ या तीन आधीच्या कादंबऱ्या. या तिन्ही कादंबऱ्यांचा नायक रॉबर्ट लँगडनच आहे. ‘इन्फेनरे’ ही कादंबरी फ्लॉरेन्समध्ये घडते आणि ती इटालियन कवी डान्टेचे प्रसिद्ध महाकाव्य ‘डिव्हाइन कॉमेडी’वर आधारित आहे. ब्राऊनच्या आधीच्या तिन्ही कादंबऱ्यांचे जगभरातल्या अनेक भाषांमध्ये अनुवाद झाले. ‘२०० मिलियन प्रती विकला गेलेला कादंबरीकार’ अशी ब्राऊन यांची ओळख झाली. त्यामुळे डबलडे या प्रकाशनसंस्थेने ‘इन्फेनरे’साठी मोठी मोहीम हाती घेतली होती. अॅमेझॉन डॉट कॉमवर गेले काही दिवस तिची विक्रमी प्रकाशनपूर्व नोंदणी सुरू होती. फ्रेंच, तुर्कीश, डच, जर्मन, स्पॅनिश, कॅटॅलन, इटालियन, पोर्तुगीज, नॉर्वेजियन, स्वीडिश आणि डॅनिश या अकरा भाषांमध्ये ‘इन्फेनरे’चे अनुवाद इंग्रजी पुस्तकाबरोबरच प्रकाशित झाले आहेत. त्यासाठी अकरा अनुवादकांची टीम डबलडेच्या मुख्यालयात अतिशय कडकोट बंदोबस्तात, पण गुप्तपणे गतवर्षीपासून अनुवाद करत होती. ‘टेम्पलर इन्फेनरे - नाइट्स ऑफ रिबिलियन’ या नावाने ब्राऊनची एक कादंबरी याआधीच प्रकाशित झाली आहे, तर ‘इन्फेनरे डिकोडेड’ ही कादंबरी जून महिन्यात प्रकाशित होईल. ‘इन्फेनरे’ ही रहस्यमय कादंबरी येत्या काही दिवसांत काय काय विक्रम नोंदवते ते कळेलच. भारतात ही कादंबरी सध्या तरी इंग्रजीतच उपलब्ध आहे. पण लवकरच तिचा इतर भारतीय भाषांमध्ये अनुवाद होईल, अशी आशा बाळगायला हरकत नाही.फ्रंट शेल्फटॉप ५ फिक्शनइन्फेर्नो : डॅन ब्राऊन, पाने : ५२८७५० रुपये.अ वॉन्टेड मॅन : ली चिल्ड, पाने : ४४०३५० रुपये.द होप फॅक्टरी : लावण्या शंकरन, पाने : ३६८५५० रुपये.शोज ऑफ द डेड : कोता नीलिमा, पाने : २८८४९५ रुपये.बॉडी ऑफरिंग : मकरंद परांजपे, पाने : ३६४३९५ रुपये.टॉप ५ नॉन-फिक्शनइंडिया - द फ्युचर इज नाऊ : संपा. शशी थरुर, पाने : १८४४९५ रुपये.द रिल्कटंट फंडामेंटलिस्ट - फ्रॉम बुक टू फिल्म : मीरा नायर, पाने : २००४९९ रुपये. अवायडिंग अर्मागेडॉन - अमेरिका, इंडिया अँड पाकिस्तान टू ब्रिंक अँड बॅक : ब्रुस रिडेल, पाने : २४८४९९ रुपये.द पिटी पार्टिशन - मंटोज् लाइफ, टाइम्स अँड कर्क्स अॅक्रॉस द इंडिया-पाकिस्तान डिव्हाइड : आयेशा जलाल, पाने : २६५/५९९ रुपये.टेक वन अॅरेंज्ड मॅरेज : शोमा नारायणन, पाने : ११०१२५ रुपये.सौजन्य : फ्लिपकार्ट डॉट कॉम
