सध्या सर्वत्र वृत्तपत्र विविध माध्यमे राजकारणात सर्वत्र महाराष्ट्राच्या दुष्काळी परिस्थितीवर चर्चा, लेख चालू आहेत. त्यावरील राजकीय कुरघोडीत एक महत्त्वाचा मुद्दा दुर्लक्षित होतो आहे, तो म्हणजे नद्यांमधील वाळू उपसा. राज्यातील अनेक लहान-मोठय़ा नद्या, नाले, ओढे जेथे म्हणून वाळू असेल तेथून वाळू उपसण्याचे काम गेली २० वर्षे सतत चालू आहे. गेल्या १० वर्षांपासून तर या व्यवसायाने कळस गाठला आहे. त्यातून गुंडगिरीचे अनेक प्रकार राज्यात घडले. जमिनीचे पूर्ण भरणे करावे- पाणी अडवावे- पाणी जिरवावे यांबाबत सर्वत्र व्याख्याने झडतात; वाळू नदी पात्रात पाणी धरून ठेवणारा महत्त्वाचा घटक, तो सर्वत्र नाहीसा होत चालला. नैसर्गिकरीत्या नदीचे पाणी पावसाळ्यात जमिनीत मुरत मुरतच पुढे सरकायचे, आसपासच्या जमिनीत पाण्याचे पुनर्भरण नैसर्गिकरीत्या व्हायचे, ते बंद झाले आणि दुसरेच खर्चिक उपाय शोधले जाताहेत.
बांधकामासाठी वाळू लागते ही बाब खरी असली तरी त्यावर वेगळा पर्याय शोधणे आवश्यक आहे. सिमेंट पूर्वी नव्हते, तेदेखील पर्यायी साधन म्हणून आले. तशा प्रकारे वाळू उपसा थांबवता येईल.
– डॉ. हिरालाल खैरनार, खारघर, नवी मुंबई.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
