शाश्वत विकासावर भर

सलग दोन वर्षे कोरोनासाथीने ग्रासलेल्या अर्थव्यवस्थेच्या अपेक्षांचे प्रचंड ओझे असलेला २०२२ सालचा अर्थसंकल्प अखेर संसदेमध्ये, मंगळवारी सादर झाला. कृषी क्षेत्रामध्ये मूल्यसाखळीमधील प्रत्येकाकडून मोठय़ा प्रमाणावर मागण्या केल्या गेल्या होत्या. अर्थमंत्र्यांच्या भाषणात  बऱ्याच मागण्यांचा उल्लेख असला तरी त्याबाबत ठोस पावले उचलण्याबाबत उल्लेख नसल्यामुळे अनेकांनी हा अर्थसंकल्प कृषी क्षेत्रासाठी निराशाजनक असल्याची प्रतिक्रिया व्यक्त केली.