अष्टपैलू क्रिकेटपटू अ‍ॅलन डेव्हिडसनचा १९५० आणि १९६०च्या दशकात दबदबा होता. सहा फूट उंची, ऑस्ट्रेलियाच्या माऱ्याला प्रारंभ करणारी डावखुरी वेगवान गोलंदाजी, मधल्या फळीत फटकेबाजी करण्याची क्षमता असलेली डावखुरी फलंदाजी ही डेव्हिडसन यांची वैशिष्ट्ये. जशी त्यांची गोलंदाजीची शैली खास होती, तसाच त्यांचा वेग आणि लेट स्विंगही लक्षवेधी होता. याशिवाय नजीकच्या क्षेत्ररक्षणाच्या चापल्यामुळे ‘द क्लॉ’ हे टोपणनाव त्यांना प्राप्त झाले होते. डेव्हिडसन यांनी ४४ कसोटी सामन्यांत फलंदाज १,३२८ धावा केल्या, तसेच १८६ बळी त्यांच्या खात्यावर होते. परंतु २०.५३ धावांची त्यांची सरासरीसुद्धा आश्चर्यकारक होती. एका कसोटीत १०० धावा आणि १० बळी घेण्याची किमया साधणारे ते पहिले क्रिकेटपटू. मधल्या फळीतील फलंदाज म्हणून नऊ शतकेही त्यांच्या खात्यावर होती. त्यांच्या अष्टपैलुत्वाचा कर्णधार रिची बेनॉ यांना अभिमान वाटायचा.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
