AR Rahman wife Saira Banu says they not officially divorced
1 / 31

“आमचा घटस्फोट झालेला नाही”, विभक्त होण्याच्या घोषणेनंतर एआर रहमान यांच्या पत्नीचा खुलासा

ऑस्कर विजेते संगीतकार ए आर रहमान यांना डिहायड्रेशनमुळे रुग्णालयात दाखल करण्यात आले होते, मात्र आता त्यांची प्रकृती सुधारली आहे. त्यांच्या पत्नी सायरा बानो यांनी व्हॉइस नोटद्वारे सांगितले की, रहमान यांची अँजिओग्राफी करण्यात आली असून ते ठीक आहेत. सायराने स्पष्ट केले की त्यांचा घटस्फोट झालेला नाही आणि ते अजूनही पती-पत्नी आहेत. रहमान रमजानच्या उपवासामुळे डिहायड्रेशन झाले असावे.

Swipe up for next shorts
star pravah Ude Ga Ambe serial will off air
2 / 31

‘स्टार प्रवाह’ वाहिनीवरील ‘ही’ लोकप्रिय मालिका लवकरच प्रेक्षकांचा निरोप घेणार

‘स्टार प्रवाह’ वाहिनीवर काही महिन्यांपूर्वीच प्रेक्षकांच्या भेटीस आलेली एक मालिका लवकरच ऑफ एअर होणार असल्याची माहिती सुत्रांकडून मिळाली आहे. या मालिकेतील ‘स्टार प्रवाह’चे बरेच जुने कलाकार मंडळी पाहायला मिळत आहेत. लवकरच प्रेक्षकांचा निरोप घेणारी ‘स्टार प्रवाह’ची लोकप्रिय मालिका म्हणजे ‘उदे गं अंबे’. कोठारे प्रॉडक्शनची निर्मिती असलेली ‘उदे गं अंबे’ ही पौराणिक मालिका ११ ऑक्टोबर २०२४पासून प्रेक्षकांच्या भेटीस आली होती. साडेतीन शक्तिपीठांचं महत्त्व आणि इतिहास या मालिकेतून मांडण्यात आला आहे.

Swipe up for next shorts
Eknath Shinde on Nagpur Case
3 / 31

“नागपुरातील घटना पूर्वनियोजित कट?”, उपमुख्यमंत्री एकनाथ शिंदेंना संशय

नागपुर हिंसाचारावर उपमुख्यमंत्री एकनाथ शिंदे यांनी प्रतिक्रिया दिली आहे. त्यांनी या घटनेला पूर्वनियोजित कट म्हटले आहे. १७ मार्च रोजी नागपुरातील महाल परिसरात दगडफेक आणि जाळपोळ झाली, ज्यात मोठ्या प्रमाणात वित्तहानी झाली आणि काही पोलीस व नागरिक जखमी झाले. शिंदे यांनी समाजकंटकांच्या भ्याड हल्ल्याचा निषेध केला आणि औरंगजेबाच्या उदात्तीकरणाला विरोध दर्शवला. अबू आझमींनी याची सुरुवात केली असून, त्यांच्यावर कारवाई करण्यात आली आहे.

Swipe up for next shorts
Alka Yagnik reacts to Osama bin Laden being her fan
4 / 31

ओसामा बिन लादेनच्या मृत्यूनंतर पाकिस्तानातील घरात सापडलेली अलका याज्ञिकची ही गोष्ट

९० च्या दशकातील लोकप्रिय गायिका अलका याज्ञिक यांच्या आवाजाचे चाहते जगभरात आहेत, ज्यात ओसामा बिन लादेनचाही समावेश होता. २०११ मध्ये ओसामाच्या एन्काउंटरनंतर त्यांच्या घरातून अलका याज्ञिक, कुमार सानू आणि उदित नारायण यांच्या गाण्यांच्या कॅसेट सापडल्या. अलका याज्ञिक यांनी यावर प्रतिक्रिया देताना म्हटलं की, "ओसामा कोणताही असो, त्याला माझी गाणी आवडत असतील तर हे चांगलंच आहे."

Shweta Shinde new serial hukumachi rani hi coming soon in sun marathi
5 / 31

‘देवमाणूस ३’नंतर श्वेता शिंदेने आणखी एका नव्या मालिकेची केली घोषणा, पाहा पहिली झलक

सत्य घटनेवर आधारित असलेल्या ‘देवमाणूस’ मालिकेने प्रेक्षकांच्या मनात अढळ स्थान निर्माण केलं आहे. या मालिकेत किरण गायकवाडने साकारलेला डॉ. अजितकुमार देव ( देवीसिंग ) खूप गाजला. स्वतःच्या फायद्यासाठी गावातल्या लोकांच्या जीवाला धोका निर्माण करणारा असा हा देवीसिंग पुन्हा एकदा प्रेक्षकांच्या भेटीस येणार आहे. ‘देवमाणूस ३’ मालिका लवकरच सुरू होणार आहे. अभिनेत्री श्वेता शिंदे या मालिकेची निर्मितीची धुरा सांभाळणार आहे. अशातच श्वेताने आणखी एका नव्या मालिकेची घोषणा केली आहे.

Sanjay Raut
6 / 31

“सरकारने जाऊन कबर उद्ध्वस्त करावी”, संजय राऊतांचं आवाहन, RSS चा उल्लेख करत म्हणाले…

संजय राऊत यांनी नागपूर हिंसाचारावरून राज्य सरकारवर टीका केली आहे. औरंगजेबाच्या कबरीवरून दंगली का होत आहेत, हा संशोधनाचा विषय असल्याचे त्यांनी म्हटले. त्यांनी सरकारवर आरोप केला की, भाजपाच्या सत्तेतही दंगली होत आहेत. राऊतांनी आरएसएसवरही टीका करताना छत्रपती शिवाजी महाराज आणि संभाजी महाराजांचे महत्त्व कमी करण्याचा आरोप केला.

Maharashtra CET Exam 2025 Dates in Marathi
7 / 31

महाराष्ट्रात CET परीक्षांचं कसं असेल वेळापत्रक? १९ मार्च ते ३ मे या कालावधीत…

राज्यातील १३ लाख ४३ हजार ४१३ विद्यार्थ्यांसाठी CET परीक्षा १९ मार्च ते ३ मे दरम्यान होणार आहेत. १९ व्यावसायिक अभ्यासक्रमांसाठी प्रवेश परीक्षा घेतली जाणार आहे. MHT-CET परीक्षेला एमएड व पीएचडी अभ्यासक्रमांच्या परीक्षेने सुरुवात होईल. सर्वाधिक नोंदणी MHT-CET साठी ७ लाख ६५ हजार ३३८ विद्यार्थ्यांनी केली आहे. परीक्षांचे वेळापत्रक प्रशासनाने जाहीर केले आहे.

Adult Horror Movies on OTT
8 / 31

OTT वरील ५ अडल्ट भयपट! तुम्ही कुटुंबासह पाहू शकत नाही अन् एकटे पाहिल्यास वाटेल भीती

आजकाल प्रेक्षकांमध्ये हॉरर चित्रपटांची क्रेझ वाढली आहे. अडल्ट हॉरर सिनेमे मात्र कुटुंबासोबत पाहता येत नाहीत. 'स्पेशियस' (१९९५) हा सायन्स फिक्शन हॉरर थ्रिलर आहे, 'प्लॅनेट टेरर' (झॉम्बी हल्ला), 'ब्लडी मर्डर 2' (सिरीयल किलर), 'मॅनियाक' (सीरियल किलर) आणि 'फ्रायडे द 13th' (२००९) हे चित्रपट प्राइम व्हिडिओ आणि यूट्यूबवर उपलब्ध आहेत.

Aamir khan daughter Ira khan crying video viral
9 / 31

Video: आमिर खानला भेटून रडत निघाली लेक आयरा, नेटकरी म्हणाले…

बॉलीवूड अभिनेता आमिर खानने ६० व्या वर्षी पुन्हा प्रेमात पडल्याची बातमी शेअर केली. त्याने गर्लफ्रेंड गौरी स्प्रॅटची ओळख माध्यमांशी करून दिली. त्याचवेळी, आमिरची लेक आयरा खानचा रडवेला व्हिडीओ समोर आला आहे. आयराच्या व्हिडीओवर चाहत्यांनी विविध कमेंट्स केल्या आहेत. गौरी ही बंगळुरूची असून आमिर खान प्रॉडक्शनमध्ये काम करते. आमिर व गौरी दीड वर्षापासून डेट करत आहेत.

Nagpur Violence
10 / 31

नागपुरात संचारबंदी लागू, पोलिसांना प्रभावित रस्ते बंद करण्याचे आदेश; अधिसूचना जारी!

नागपुरात कबर हटवण्याच्या मागणीवरून दोन गटांमध्ये झालेल्या दगडफेक आणि जाळपोळीनंतर तणाव निर्माण झाला आहे. त्यामुळे नागपूर शहरातील अनेक भागात संचारबंदी लागू करण्यात आली आहे. पोलीस आयुक्त रविंदर कुमार सिंगल यांनी रहिवाशांना आश्वासन दिले की परिस्थिती नियंत्रणात आहे. मुख्यमंत्री देवेंद्र फडणवीस यांनीही कठोर कारवाईचे आदेश दिले आहेत. नागपूरची शांतता राखण्यासाठी सर्वांना सहकार्याचे आवाहन करण्यात आले आहे.

Vande Bharat Train Speed
11 / 31

वंदे भारत एक्सप्रेसचा वेग कमी का केला? रेल्वे मंत्री अश्विनी वैष्णव म्हणाले…

वंदे भारत एक्सप्रेसने देशातील रेल्वे प्रवासात नवे युग सुरू केले आहे. चेन्नईच्या इंटीग्रल कोच फॅक्टरीत तयार झालेली ही ट्रेन ताशी १६० किमी वेगाने धावण्यासाठी सक्षम आहे. मात्र, तिचा वेग कमी असल्याची तक्रार खासदारांनी केली आहे. रेल्वे मंत्री अश्विनी वैष्णव यांनी वेग कमी होण्याचे कारण सांगितले.

Mughal emperor Aurangzeb Grave
12 / 31

‘दुर्दैव, आम्हाला औरंगजेबाच्या कबरीचं संरक्षण करावं लागतं’, देवेंद्र फडणवीसांची भूमिका

मुघल शासक औरंगजेबाची कबर छत्रपती संभाजीनगर जिल्ह्यातील खुलताबाद येथे आहे. हिंदुत्ववादी संघटनांनी ती कबर उखडून टाकण्याची मागणी केली होती, परंतु राज्य सरकारने इथे सुरक्षा पुरविली आहे. मुख्यमंत्री देवेंद्र फडणवीस यांनी कबरीचे महिमामंडन होऊ देणार नाही असे सांगितले. तसेच दुर्दैवाने कबरीचे रक्षण करावे लागत असल्याचेही म्हटले.

Success story of tea seller mahadeo nana mali
13 / 31

चहा विक्रेता करतोय लाखोंची कमाई! या अनोख्या पद्धतीने जिंकली लोकांची मने

Success story of Tea Seller: चहा हे अनेकांसाठी रोजचं पेय असलं तरी महाराष्ट्रातील धाराशिव येथील एक स्थानिक चहा विक्रेता त्याच्या अनोख्या व्यवसाय मॉडेलमुळे सगळ्यांचच लक्ष वेधून घेत आहे. तेर गावातील रहिवासी महादेव नाना माळी यांनी चहा विकण्याची एक वेगळी पद्धत अवलंबली आहे, जी खूप फायदेशीर ठरली आहे.

sidhu moosewala Little brother shubhdeep celebrated his first birthday watch video
14 / 31

Video: सिद्धू मुसेवालाचा भाऊ झाला एक वर्षाचा, ‘असा’ केला साजरा पहिला वाढदिवस

दिवंगत पंजाबी गायक सिद्धू मुसेवालाच्या घरी गेल्यावर्षी पाळणा हलला. सिद्धू मुसेवाला हा त्याच्या आई-वडिलांसाठी एकुलता एक मुलगा होता. त्यामुळे सिद्धूच्या हत्येनंतर त्याच्या वयोवृद्ध आई-वडिलांना कोणाचाही आधार नव्हता. म्हणून घराला वारस असण्यासाठी सिद्धू मुसेवालाच्या आई-वडिलांनी दुसऱ्या मुलाचा विचार केला. आयव्हीएफच्या मदतीने सिद्धूच्या आईने गोंडस मुलाला जन्म दिला. शुभदीप असं त्याचं नाव ठेवलं. आज शुभदीप एक वर्षाचा झाला असून त्याचा मोठ्या थाटामाटात पहिला वाढदिवस साजरा केला. याचा व्हिडीओ सोशल मीडियावर खूप व्हायरल होतं आहे.

Saanvi sudeep On Salman Khan
15 / 31

सुपरस्टारच्या लेकीने सलमान खानच्या फार्महाऊसवर घालवले ३ दिवस; म्हणाली, “ते मला जंगलात…”

कन्नड अभिनेता किच्चा सुदीपची मुलगी सान्वीने 'दबंग ३' चित्रपटाच्या शूटिंगदरम्यान सलमान खानबरोबरच्या आठवणी सांगितल्या. सान्वी १५ वर्षांची असताना वडिलांसोबत शूटिंगला आली होती. सलमानने तिचे खूप लाड केले, तिला गाणं गाण्यास सांगितलं आणि तिचा आवाज रेकॉर्ड करण्यासाठी संगीत दिग्दर्शकाला फोन केला. सलमानबरोबर जिम, पोहणे आणि जंगल सफारीचे अनुभव सान्वीने शेअर केले.

samya samya maifilit mazya
16 / 31

सम्या सम्या मैफिलीत माझ्या! कसा आहे समीर चौघुलेचा एकपात्री कार्यक्रम? सॅबी परेरा म्हणतात..

मराठी नाट्य आणि सिनेसृष्टीतील आघाडीचा अभिनेता समीर चौघुले 'सम्या सम्या मैफिलीत माझ्या' या एकपात्री कार्यक्रमातून प्रेम ते लग्न या प्रवासावर भाष्य करतो. पुलंच्या 'वाऱ्यावरील वरात'च्या धर्तीवर असलेल्या या प्रयोगात नेपथ्य, प्रकाशयोजना, संगीताचा भपका नसून, निर्विष विनोद आणि किस्से आहेत. समीरचा अभिनय, गाणं, कॉमेडी सेन्स आणि प्रेक्षकांशी संवाद साधण्याची कला यामुळे हा शो अत्यंत मनोरंजक ठरतो.

American company ready to fly air taxi for office workers
17 / 31

आता उडत उडत जाल ऑफिसला! वाढत्या ट्रॅफिकमुळे या देशाने केली खास तयारी; वाचून व्हाल चकित

ऑटो 20 hr ago

Air Taxi in America: पेट्रोल-डिझेल कारनंतर लोक इलेक्ट्रिक कारकडे वळू लागले. आता काही अमेरिकन कंपन्यांनी लोकांना एअर टॅक्सीद्वारे हवेत प्रवास करायला संधी देण्याच्या दृष्टीनं तयारी सुरू केली आहे. अमेरिकेत अशा अनेक कंपन्या आहेत, ज्या एअर टॅक्सीवर वेगानं काम करत आहेत. सामान्यतः ड्रोनसारखं तंत्रज्ञान किंवा लहान विमानासारखी असणारी ही एअर टॅक्सी वाहतूक कोंडी टाळण्यास आणि जलद प्रवास करण्यास मदत करते.

Sumukhi Suresh took the 14-day no-sugar challenge
18 / 31

१४ दिवस साखर खाणं पूर्णपणे बंद केलं तर शरीरावर काय परिणाम दिसून येईल?

Sumukhi Suresh's 14-day no-sugar challenge : तुम्ही कधी विचार केला का, जर काही दिवस साखरेचे सेवन केले नाही तर काय होईल. स्टँडअप कॉमेडियन सुमुखी सुरेशने नुकताच हा प्रयोग करून पाहिला आहे. तिने १४ दिवस साखरेचे सेवन न करण्याचे आव्हान स्वीकारले होते.

Veteran actress Bindu Ghosh passed away
19 / 31

आर्थिक विवंचना, आजारपण अन् मुलाने सोडली साथ; ज्येष्ठ अभिनेत्रीचं निधन

दाक्षिणात्य अभिनेत्री बिंदू घोष यांचे ७६ व्या वर्षी निधन झाले. त्यांनी तेलुगू व तमिळ चित्रपटांमध्ये विनोदी भूमिकांसाठी ओळख मिळवली होती. बिंदू घोष मागील काही वर्षांपासून आजारी होत्या आणि आर्थिक अडचणींनी त्रस्त होत्या. त्यांच्या मुलांनी निधनाची पुष्टी केली आहे. बिंदू यांनी १९६० साली कमल हासनसोबत अभिनयात पदार्पण केले होते. तमिळ कलाकारांनी त्यांच्या निधनावर शोक व्यक्त केला आहे.

Producer Ravi Shankar shared details about Pushpa 3: The Rampage
20 / 31

‘पुष्पा ३’ चित्रपटाबद्दल निर्मात्याने दिली मोठी अपडेट, ‘या’ वर्षी होणार प्रदर्शित

सुकुमार दिग्दर्शित आणि अल्लू अर्जुन, रश्मिका मंदाना स्टारर ‘पुष्पा: द राइज’नंतर ‘पुष्पा २: द रुल’ चित्रपटाने बॉक्स ऑफिसवर अक्षरशः धुमाकूळ घातला. ५ डिसेंबर २०२४ला प्रदर्शित झालेल्या ‘पुष्पा २: द रुल’ चित्रपटाला देशातचं नाहीतर जगभरातील प्रेक्षकांचं भरभरून प्रेम मिळालं. सध्या या चित्रपटाला ओटीटी प्लॅटफॉर्मवर प्रेक्षकांचा चांगलाच प्रतिसाद मिळताना दिसत आहे. अशातच आता ‘पुष्पा ३: द रॅम्पेज’ चित्रपटासंदर्भात मोठी अपडेट समोर आली आहे.

While doing online transactions now threat of digital arrest new cyber fraud arisen
21 / 31

सर्वात मोठा डिजिटल अरेस्ट स्कॅम; मुंबईतल्या ८६ वर्षीय महिलेची २० कोटींची फसवणूक

डिजिटल अरेस्ट स्कॅमद्वारे सायबर चोरट्यांनी देशभरात हजारो लोकांची कोट्यवधीची फसवणूक केली आहे. मुंबईतील ८६ वर्षीय महिला या घोटाळ्याला बळी पडली असून २०.२५ कोटींची फसवणूक झाली आहे. आरोपींनी पोलीस अधिकारी असल्याचे भासवून महिलेला फोन केला आणि तिच्या खात्यातील पैसे विविध बँक खात्यात वळवले. मुंबई क्राइम ब्रँचने दोन आरोपींना अटक केली असून आणखी एक आरोपी फरार आहे.

What is the International Space Station
22 / 31

आंतरराष्ट्रीय अंतराळ स्थानक कसं आहे?

इंटरनॅशनल स्पेस स्टेशन म्हणजेच आंतरराष्ट्रीय अंतराळ स्थानक हे पृथ्वीभोवती फिरणारं एक मोठं अंतराळयान आहे. येथे अंतराळवीर राहतात आणि विज्ञानातील नवनवे प्रयोग करतात. भारतीय वंशाची सुनीता विल्यम्स येथे ९ महिने राहिली आहे. हे स्थानक पृथ्वीपासून सुमारे ४०३ किलोमीटर उंचीवर आहे आणि १७,५०० मैल प्रतितास वेगाने प्रवास करते. १९९८ मध्ये याचा पहिला भाग प्रक्षेपित झाला आणि २०११ मध्ये बांधकाम पूर्ण झाले. हे स्थानक पाच बेडरूमच्या घराइतके मोठे आहे.

delnaaz irani boyfriend percy age gap
23 / 31

१४ वर्षांचं लग्न मोडलं, १० वर्षांनी लहान बॉयफ्रेंड; अभिनेत्री घटस्फोटाबद्दल म्हणाली, तो…

अभिनेत्री डेलनाज इराणीने १३ वर्षांनंतर तिच्या घटस्फोटाबद्दल व्यक्त होताना सांगितलं की, राजीव पॉलसोबतच्या नात्यात प्रेम व आदर उरला नव्हता. २०१२ मध्ये त्यांचा घटस्फोट झाला. सध्या ती पर्सीला डेट करत आहे, जो तिच्यापेक्षा १० वर्षांनी लहान आहे. डेलनाज सध्या 'मन्नत' या टीव्ही शोमध्ये काम करत आहे आणि याआधी 'कल हो ना हो' व 'द आर्चीज'मध्ये दिसली होती.

Orry Allegedly Drinks Near Vaishno Devi Base Camp Police Case Filed
24 / 31

ओरीसह ७ जणांविरोधात तक्रार दाखल, वैष्णोदेवीमध्ये केलेल्या ‘त्या’ कृत्यामुळे अडचणीत

बॉलीवूड सेलिब्रिटींचा मित्र ओरहान अवत्रामणी (ओरी) वादात सापडला आहे. जम्मू-कश्मीरच्या कटरा येथील हॉटेलमध्ये मद्यप्राशन केल्याबद्दल ओरीसह आठ जणांविरुद्ध एफआयआर नोंदवण्यात आला आहे. वैष्णोदेवी बेस कॅम्प परिसरात मद्यपान आणि मांसाहारावर बंदी असूनही त्यांनी नियम मोडले. एसएसपी रियासी परमवीर सिंह यांनी या आठ जणांना ताब्यात घेण्याचे आदेश दिले आहेत. ओरीने अद्याप या प्रकरणावर प्रतिक्रिया दिलेली नाही.

Kim Kardashian lost $1 zillion diamond from her massive necklace at the anant Ambani wedding
25 / 31

अनंत अंबानीच्या लग्नात किम कार्दशियनने १ दशलक्षचा हिरा हरवला? खुलासा करत म्हणाली…

किम कार्दशियन व क्लोई कार्दशियन या दोघींनी अनंत अंबानींच्या लग्नात खास हजेरी लावली होती. ११ जुलैला दोघी मुंबईत दाखल झाल्या होत्या. अंबानींकडून दोघींचं पारंपरिक पद्धतीने भव्य स्वागत करण्यात आलं होतं. याच किम कार्दशियन व क्लोई कार्दशियन सध्या खूप चर्चेत आल्या आहेत. अमेरिकेची लोकप्रिय टीव्ही रिअ‍ॅलिटी सीरिज ‘द कार्दशियन’च्या सहाव्या सीझनमध्ये दोघींनी अनंत अंबानींच्या लग्नातील अनेक खुलासे केले आहेत. अनंतच्या शाही लग्नसोहळ्यात किमच्या नेकलेसमधला महागडा हिरा हरवलेला, हा नवा खुलासा किमने केला आहे.

Ajit Pawar Speech Budget Session
26 / 31

“ब्रह्मदेव आला तरी हे…”, अजित पवारांची विधानसभेत टोलेबाजी

राज्याचे अर्थसंकल्पीय अधिवेशन सुरू असून अर्थमंत्री अजित पवार यांनी १० मार्च रोजी अर्थसंकल्प मांडला होता. विधानसभेत अर्थसंकल्पावर चर्चा झाली आणि अजित पवार यांनी उत्तर दिले. त्यांनी विरोधकांना शेरोशायरीतून टोला लगावला.

Amritsar temple grenade attack
27 / 31

अमृतसरमधील मंदिरावर ग्रेनेड हल्ला करणाऱ्या आरोपीचा पोलिसांकडून एन्काऊंटर

पंजाबच्या अमृतसरमधील खांडवाला येथे ठाकुरद्वारा मंदिराबाहेर तीन दिवसांपूर्वी ग्रेनेड हल्ला झाला होता. दुचाकीवरून आलेल्या हल्लेखोरांनी ग्रेनेड फेकून पळ काढला. सोमवारी पोलिसांनी एका हल्लेखोराला चकमकीत ठार केले, तर दुसरा फरार आहे.

Ajit Pawar and Devendra Fadnavis
28 / 31

“तुमचा रात्रीशी संबंध नाही”, फडणवीस आणि पवारांच्या संवादामुळे सभागृहात पिकला हशा

राज्याचे उपमुख्यमंत्री अजित पवार यांनी विधानसभेत अर्थसंकल्पावरील चर्चेला उत्तर देताना कृषी क्षेत्रातील एआय तंत्रज्ञानाच्या वापरामुळे उत्पादन वाढणार असल्याचे सांगितले. उसाच्या उत्पादनाचे उदाहरण देत असताना, अजित पवार आणि मुख्यमंत्री देवेंद्र फडणवीस यांच्यात मिश्किल संवाद झाला. पवारांनी उसाचे टनेज १०० च्या पुढे गेल्याचे सांगितले, त्यावर फडणवीसांनी "तुमचा रात्रीशी संबंध नाही" असे मिश्किलपणे म्हटले, ज्यामुळे सभागृहात हशा पिकला.

Ajit Pawar Budget session
29 / 31

“ऐकल्या शिव्या दुनियेच्या, जाहली बदनामी…”, अजित पवारांची विरोधकांवर मिश्किल टोलेबाजी!

राज्याचे उपमुख्यमंत्री अजित पवार यांनी विधानसभेत अर्थसंकल्पावरील चर्चेला उत्तर दिले. त्यांनी सत्ताधारी आणि विरोधकांचे आभार मानले व काव्यांजली सादर करत विरोधकांवर निशाणा साधला. पवार म्हणाले की, अर्थसंकल्पावर विविध प्रतिक्रिया आल्या असून, विरोधकांची टीका नेहमीचीच आहे. त्यांनी मंत्र्यांनी शरण जाण्याच्या वक्तव्यावर टीका केली आणि सरकारमध्ये एकी असल्याचे सांगितले. पवारांनी काव्याच्या माध्यमातून आपल्या भावना व्यक्त केल्या.

Rakshit Chaursaiya
30 / 31

भरधाव कारने महिलेला चिरडलेल्या तरुणाच्या रक्तात अंमली पदार्थांचे अंश

वडोदरा येथे भरधाव वाहन चालवून तीन वाहनांना धडक देऊन एका महिलेच्या मृत्यूसाठी कारणीभूत ठरलेल्या रक्षित चौरसियाच्या रक्तात ड्रग्स सापडल्याचे पोलिसांनी सांगितले. चौरसियाने फोक्सवॅगन व्हर्टस गाडी चालवत तीन दुचाकींना धडक दिली, ज्यामुळे हेमाली पटेल यांचा मृत्यू झाला आणि अनेक जण जखमी झाले. चौरसियाचा पूर्वइतिहास असून, मागील महिन्यातही त्याने गुन्हा केला होता. आता त्याच्यावर सदोष मनुष्यवधाचा खटला दाखल करण्यात आला आहे.

Aashram Season 3 PT 2 pammi pehalwan bhopa swami intimate scenes
31 / 31

‘आश्रम 3’मध्ये मराठमोळ्या अदितीसोबतच्या इंटिमेट सीनबद्दल भोपा स्वामी म्हणाला, “मी…”

ओटीटी March 17, 2025

प्रकाश झा यांच्या 'आश्रम' वेब सीरिजचा तिसरा सीझन एमएक्स प्लेयरवर रिलीज झाला आहे. बॉबी देओलने बाबा निरालाच्या भूमिकेत लक्ष वेधले, तर पम्मी पहेलवान (अदिती पोहनकर) आणि भोपा स्वामी (चंदन रॉय सान्याल) यांच्या इंटिमेट सीनची चर्चा आहे. चंदनने अदितीबरोबरच्या सीनबद्दल सकारात्मक प्रतिक्रिया दिली. या सीरिजमुळे अदिती पोहनकरला खूप लोकप्रियता मिळाली असून आगामी सीझनची चाहत्यांना उत्सुकता आहे.