न्यू इअरचं सेलिब्रेशन करून रणबीर-आलिया राहासह मुंबईत परतले, एअरपोर्टवरील व्हिडीओ व्हायरल

बॉलीवूडचे अनेक कलाकार २०२५ या नवीन वर्षाचं स्वागत करण्यासाठी परदेशात गेले होते. अभिषेक बच्चनपासून ते हृतिक रोशनसह अशा बऱ्याच कलाकारांनी परदेशात नव्या वर्षाचं स्वागत केलं. शनिवारी, अभिषेक बच्चन आणि ऐश्वर्या राय-बच्चन लेक आराध्यासह मुंबईत परतले. याचा व्हिडीओ सोशल मीडियावर व्हायरल झाला होता. त्यानंतर आता कपूर कुटुंबदेखील नवीन वर्ष साजरं करून मुंबईत परतलं आहे. याचे फोटो, व्हिडीओ समोर आले आहेत.

डिसेंबरमध्ये 'पुष्पा 2' च्या प्रिमिअरमध्ये चेंगराचेंगरीत एका महिलेचा मृत्यू झाला होता. आता ४ जानेवारी रोजी राम चरणच्या 'गेम चेंजर' चित्रपटाच्या इव्हेंटनंतर दुचाकी अपघातात दोन चाहत्यांचा मृत्यू झाला. निर्माते दिल राजू आणि उपमुख्यमंत्री पवन कल्याण यांनी प्रत्येकी ५ लाख रुपयांची मदत जाहीर केली. 'गेम चेंजर' चित्रपट १० जानेवारी रोजी प्रदर्शित होणार आहे.

बॉलीवूड सोडून धर्माचा मार्ग स्वीकारणारी 'बिग बॉस' फेम सना खान दुसऱ्यांदा आई झाली आहे. तिने इन्स्टाग्रामवर पोस्ट करून ही आनंदाची बातमी दिली. सनाला दीड वर्षांचा मोठा मुलगा आहे आणि आता तिने दुसऱ्या मुलाला जन्म दिला आहे. सनाने २०२० मध्ये मुफ्ती अनस सय्यदशी लग्न केले होते. या जोडप्याने आता दुसऱ्या बाळाचे स्वागत केले आहे.

Simple neck massage for headache: डोकेदुखी आणि चक्करचा त्रास कायमचा होईल कमी, फक्त काही मिनिटे करा हा मानेचा मसाज, तज्ज्ञांनी सांगितले फायदे

जर तुम्ही डेस्क जॉब करत असाल तर तुम्हाला मानेच्या दुखण्याचा सामना करावा लागू शकतो. पण, फक्त काही मनिटे मसाज केल्याने तुम्हाला यातून आराम मिळू शकतो. चला तर मग कंटेंट क्रिएटर विक्टोरिया लेगकुन यांच्याकडून एक जलद मसाज टेकनिक शिकून घेऊ या…

अभिनेता रोहित रॉयची मुलगी कियारा अमेरिकेत ब्राऊन युनिव्हर्सिटीत शेवटच्या वर्षात शिकत आहे. तिला सरप्राइज देण्यासाठी रोहित २० तासांचा प्रवास करून अमेरिकेला गेला. मुलीला पाहून ती रडू लागली. रोहितने मुलाखतीत सांगितलं की, त्याला मुलीची खूप आठवण येत होती. कियाराला झोया अख्तरच्या 'द आर्चीज'मध्ये कामाची ऑफर होती, पण तिने शिक्षण पूर्ण करण्यासाठी ती नाकारली.

छत्तीसगडमधील विजापूर जिल्ह्यात नक्षलवाद्यांनी आयईडी स्फोटकाने पोलीस वाहन उडवले, ज्यात आठ पोलीस आणि एक चालक शहीद झाले. हे जवान नक्षलविरोधी मोहिमेतून परतत होते. या घटनेपूर्वी बस्तर भागात सुरक्षा दलांसोबत झालेल्या चकमकीत पाच नक्षलवादी मारले गेले होते. नारायणपूर-दंतेवाडा सीमेवरील जंगलात ही कारवाई झाली. यापूर्वी गरीबीबंद जिल्ह्यातील चकमकीत तीन नक्षलवादी ठार झाले होते.

बंगळुरूच्या आरएमव्ही सेकंड स्टेज भागात सॉफ्टवेअर इंजिनिअर अनुप कुमार (३८), पत्नी राखी (३५), मुलगी अनुप्रिया (५) आणि मुलगा प्रियांश (२) यांचे मृतदेह आढळले. प्राथमिक तपासानुसार, अनुप आणि राखी यांनी मुलांना विषप्रयोग करून नंतर गळफास लावून आत्महत्या केली. अनुप्रिया स्पेशल चाईल्ड असल्याने कुटुंब तणावात होते. घटनास्थळी सुसाईड नोट सापडली नाही. सदाशिवनगर पोलिस तपास करत आहेत.

अनेकजण खूप पैसा कमवायचं स्वप्न पाहतात, पण हे स्वप्न पूर्ण झाल्यावर काय? अमेरिकेतील भारतीय वंशाचे उद्योगपती विनय हिरेमठ यांनी ३३ व्या वर्षी आपली कंपनी ९७५ मिलियन डॉलर्सला विकली. त्यांनी X वर पोस्ट शेअर करत सांगितलं की, आता त्यांना पुढे काय करायचं हे कळत नाही. प्रेयसीशी फारकत घेतल्यानंतर त्यांनी रोबोटिक्समध्ये प्रयत्न केले, पण निराशा पदरी पडली. आता ते फिजिक्स शिकत आहेत आणि एक नवीन कंपनी सुरू करण्याचा विचार करत आहेत.

प्रसिद्ध अभिनेत्री हंसिका मोटवानी हिच्या भावाच्या वैवाहिक आयुष्यात वादळ आलं आहे. हंसिकाच्या वहिनी मुस्कान नॅन्सी जेम्सने पती प्रशांत, सासू ज्योती आणि नणंद हंसिका यांच्याविरोधात पोलिसांत तक्रार दाखल केली आहे. मुस्कानने महागड्या भेटवस्तू, पैशांची मागणी आणि घरगुती हिंसाचाराचे आरोप केले आहेत. प्रशांत आणि मुस्कान २०२१ मध्ये विवाहबद्ध झाले होते, पण सध्या वेगळे राहत आहेत. तपास सुरू आहे.

मुंबई शेअर बाजारात आज सकाळच्या सत्रात मोठी पडझड झाली. सेन्सेक्स १२००हून अधिक अंकांनी आणि निफ्टी ४०० अंकांनी कोसळला. चीनमधील HMPV विषाणूचा फैलाव यासाठी कारणीभूत ठरल्याचं तज्ज्ञ सांगतात. या पडझडीत टाटा स्टील, रिलायन्स, एचडीएफसी बँक यांसारख्या दिग्गज कंपन्यांना फटका बसला. आशियाई बाजारपेठांमध्येही नकारात्मक वातावरण होतं. जपान, हाँगकाँग, शांघाय बाजारातही घसरण दिसून आली.

नवीन वर्षात अनेक कलाकारांची लग्नाची धामधूम सुरू आहे. 'तारक मेहता का उल्टा चश्मा' फेम झील मेहता आणि 'पाणी' फेम रुचा वैद्यनंतर आता 'इमली' फेम मेघा चक्रवर्ती लवकरच अभिनेता साहिल फुलसोबत लग्न करणार आहे. साहिलने गोव्यात मेघाला प्रपोज केलं आणि २१ जानेवारीला जम्मूमध्ये लग्न होणार आहे. मेघाने सोशल मीडियावर ही गुड न्यूज शेअर केली असून चाहत्यांनी तिला शुभेच्छा दिल्या आहेत.

चीनमध्ये HMPV (ह्युमन मेटा न्यूमो व्हायरस) नावाच्या नव्या विषाणूचा फैलाव होऊ लागला आहे. महाराष्ट्रात अद्याप या विषाणूचा एकही रुग्ण आढळला नसला तरी नागरिकांना सतर्कतेचं आवाहन करण्यात आलं आहे. आरोग्य तज्ज्ञांच्या मते, हा विषाणू कोविडसारखा असला तरी त्याची तीव्रता कमी आहे. साधारण ५ ते १० दिवसांत हा आजार बरा होतो. प्रतिबंधात्मक उपाय करोनासारखेच आहेत.

राज्यात संतोष देशमुख हत्याप्रकरणी वातावरण तापलं आहे. सर्वपक्षीय नेत्यांनी या प्रकरणी भूमिका घेतली असून मंत्री धनंजय मुंडे यांच्यावर टीका होत आहे. त्यांच्या राजीनाम्याची मागणी जोर धरतेय. राज्यसभेचे माजी खासदार संभाजीराजे छत्रपती यांनीही मुंडेंच्या राजीनाम्याची मागणी केली आहे. त्यांनी अजित पवारांनाही जाब विचारला आहे. संभाजीराजे यांनी ही हत्या माणुसकीची हत्या असल्याचं सांगितलं आणि जातीच्या वादात न जाण्याचं आवाहन केलं.

बीड जिल्ह्यातील मस्साजोग गावचे सरपंच संतोष देशमुख यांच्या हत्येप्रकरणी महिना उलटूनही ठोस कारवाई झालेली नाही. एक आरोपी फरार असून अटकेत असलेल्या आरोपींची सीआयडी चौकशी सुरू आहे. या प्रकरणी बीडमध्ये भव्य मोर्चे निघाले असून आरोपींना फाशीची शिक्षा मिळावी, अशी मागणी होत आहे. राष्ट्रवादी काँग्रेसचे शरद पवार यांनी लोकप्रतिनिधींच्या सुरक्षेची मागणी केली आहे.

पुणे आणि पुणेकरांबाबत नेहमीच चर्चा होते. मुख्यमंत्री देवेंद्र फडणवीस यांनी नागपूरमध्ये पुणे मेट्रोबाबत विधान केलं, ज्यामुळे ते चर्चेत आले. त्यांनी महाराष्ट्रातील मेट्रो प्रकल्पांचा आढावा घेतला आणि पुणे मेट्रोच्या वेगवान प्रगतीचं कौतुक केलं. पुणेकरांच्या नाराजीनंतर नागपूर मेट्रोचं नाव बदलून 'महामेट्रो' केल्याचं त्यांनी सांगितलं. महामेट्रोची कामगिरी देशभरात प्रशंसनीय ठरली आहे.

‘आरआरआर’ सिनेमातील ‘नाटू नाटू’ गाण्याला दोन वर्षांपूर्वी गोल्डन ग्लोब अवॉर्ड मिळाला होता. यावर्षी भारतीय चित्रपट ‘ऑल वी इमॅजिन ॲज लाइट’ला गोल्डन ग्लोब अवॉर्ड्समध्ये नामांकन मिळालं होतं. मात्र, पायल कपाडियाच्या या चित्रपटाने नॉन-इंग्लिश फीचर कॅटेगरीतील सर्वोत्कृष्ट मोशन पिक्चर पुरस्कार गमावला. जॅक ऑडियर्ड यांच्या म्युझिकल क्राइम कॉमेडी ‘एमिलिया पेरेझ’ने हा पुरस्कार जिंकला.

मुंबईच्या वर्सोवा भागात 'क्राईम पेट्रोल' फेम अभिनेता राघव तिवारीवर जीवघेणा हल्ला झाला. ३० डिसेंबरला संध्याकाळी, डीमार्टजवळ रस्ता ओलांडताना दुचाकीस्वाराने चाकूने हल्ला केला. तिवारींनी प्रतिकार केला, पण हल्लेखोराने लोखंडी रॉडने डोक्यावर वार केला. तिवारींना रुग्णालयात दाखल करण्यात आले. पोलिसांत तक्रार दाखल केली असून, दोन दिवसांनी हल्लेखोराने पुन्हा धमकावले.

बॉलीवूड अभिनेत्री परिणीती चोप्राने २०११ मध्ये 'लेडीज वर्सेस रिकी बहल' मधून पदार्पण केले. सुरुवातीला हिट चित्रपट दिल्यानंतर तिचे नऊ चित्रपट फ्लॉप झाले. परिणीतीने ९०० कोटींचा 'ॲनिमल' चित्रपट नाकारला आणि आम आदमी पार्टीचे नेता राघव चड्ढा यांच्याशी लग्न केले. लग्नानंतर तिने 'चमकीला' चित्रपटातून दमदार कमबॅक केला. सध्या ती आगामी चित्रपटाच्या शूटिंगमध्ये व्यग्र आहे.

९०च्या दशकात मराठी सिनेसृष्टीतील नायिकाप्रधान चित्रपटांचं पर्व गाजवणाऱ्या अभिनेत्री म्हणजे अलका कुबल-आठल्ये. मराठी रसिक प्रेक्षक अलका कुबल यांच्यात आपली मुलगी, सून, ताई, आई हे नातं पाहत आले आहेत. अजूनही त्या प्रेक्षकांचं अविरत मनोरंजन करत आहेत. काही दिवसांपूर्वी अलका यांनी सोशल मीडियावर एक फोटो शेअर केला होता. ज्यामध्ये त्या मोठी लेक, पायलट ईशानीबरोबर पाहायला मिळाल्या होत्या. अलका कुबल यांचा हा फोटो सोशल मीडियावर खूप व्हायरल झाला होता. पण, या फोटोमागची गोष्ट तुम्हाला माहितीये का?

कपिल शर्माचा नेटफ्लिक्सवरील शो 'द ग्रेट इंडियन कपिल शो' खूप लोकप्रिय आहे. अर्चना पूरन सिंह या शोमध्ये जुने किस्से शेअर करते. एका एपिसोडमध्ये गोविंदा, चंकी पांडे व शक्ती कपूर आले होते. अर्चनाने सांगितले की, करिअरच्या सुरुवातीला फ्लॅट खरेदी करताना शक्ती कपूर यांनी तिला ५० हजार रुपये मदत दिली होती. चंकी पांडेनेही शक्ती कपूरचा एक किस्सा शेअर केला.

महाराष्ट्र विधानसभा निवडणुकांचे निकाल जाहीर झाल्यानंतर देवेंद्र फडणवीस मुख्यमंत्री आणि एकनाथ शिंदे व अजित पवार उपमुख्यमंत्री झाले. मंत्रीपदांचे वाटपही पार पडले. मात्र, शिवसेना (एकनाथ शिंदे) आमदार संजय गायकवाड यांनी मतदारांवर टीका करताना अपशब्द वापरल्याने संताप व्यक्त होत आहे. तसेच, अजित पवार यांनी बारामतीत एका कार्यक्रमात नागरिकांवर संताप व्यक्त केला, हेही चर्चेचा विषय ठरले आहे.

माजी खासदार सुजय विखे पाटील यांनी शिर्डी साई संस्थानच्या प्रसादालयात मोफत जेवण बंद करून पैसे आकारण्याची मागणी केली होती. त्यांच्या या वक्तव्यावर राजकीय वर्तुळात विविध प्रतिक्रिया आल्या. विरोधकांनी टीका केली, परंतु सुजय विखे आपल्या भूमिकेवर ठाम आहेत. राधाकृष्ण विखे पाटील यांनी स्पष्टीकरण देत प्रसाद निःशुल्कच राहील असे सांगितले. सुजय विखे यांनी भिक्षेकऱ्यांच्या समस्येवर लक्ष वेधले आणि मुलींच्या शिक्षणासाठी निधी वापरण्याची अपेक्षा व्यक्त केली.

मस्साजोगचे सरपंच संतोष देशमुख यांच्या क्रूर हत्येच्या प्रकरणात मास्टरमाईंड असल्याचा संशय असलेला आरोपी वाल्मिक कराड पोलिसांना शरण आला आहे. भाजप आमदार सुरेश धस यांनी पुण्यात सर्वपक्षीय मोर्चात संतोष देशमुख यांच्या मारेकऱ्यांना शिक्षा होईपर्यंत शांत बसणार नाही असे सांगितले. त्यांनी मंत्री धनंजय मुंडे यांचा राजीनामा मागितला आणि बीड जिल्ह्यातील परिस्थितीवर टीका केली. बीडची परिस्थिती हमास आणि तालिबानसारखी झाली आहे असं त्यांंनी म्हटलं आहे.

अभिनेता राज कपूर यांचा सर्वात लहान मुलगा आणि अभिनेता राजीव कपूर यांचे २०२१ साली निधन झाले. राजीव कपूर यांना 'राम तेरी गंगा मैली हो गई' चित्रपटातून प्रसिद्धी मिळाली. पण, एक अभिनेता म्हणून त्यांना ही प्रसिद्धी फार काळ टिकवता आली नाही. राजीव कपूर हे ऋषी कपूर आणि रणधीर कपूर यांचे भाऊ आहेत, पण वयाच्या ५८ व्या वर्षी त्यांचे हृदयविकाराच्या झटक्याने निधन झाले. राजीव कपूर हे अभिनेत्री खुशबू सुंदर यांचे चांगले मित्र होते. राजीव कपूर यांच्या निधनानंतर अलीकडेच खुशबू यांनी त्यावर भाष्य केले.

अभिनेत्री रुपाली भोसलेने पुन्हा एकदा आलिशान गाडी खरेदी केली आहे. गेल्या वर्षी जून महिन्यात रुपालीचं एक मोठं स्वप्न पूर्ण झालं. ते म्हणजे तिने स्वतःचं हक्काचं घर घेतलं. या नव्या घराची वास्तुशांती तिने पारंपरिक पद्धतीने आणि मोठ्या थाटामाटात घातली होती. रुपालीच्या घराच्या वास्तुशांतीच्या कार्यक्रमाला इंडस्ट्रीतील अनेक कलाकारांनी खास उपस्थिती लावली होती. त्यानंतर नोव्हेंबर महिन्यात दिवाळीच्या मुहूर्तावर रुपालीने आलिशान गाडी घेतली. या गाडीला दोन महिने पूर्ण होताच तिने आणखी एक आलिशान गाडी खरेदी केली आहे.

महाराष्ट्रातील निवडणुका संपल्यानंतर दिल्लीत विधानसभा निवडणुकांची तयारी सुरू आहे. भाजपाचे उमेदवार रमेश बिधुरी यांनी प्रियांका गांधींवर वादग्रस्त टिप्पणी केली आहे, ज्यामुळे काँग्रेसने संताप व्यक्त केला आहे. बिधुरी म्हणाले, "मी निवडून आलो तर प्रियांका गांधींच्या गालासारखे गुळगुळीत रस्ते बनवेन." काँग्रेसने भाजपाला महिलाविरोधी पक्ष संबोधून माफी मागण्याची मागणी केली आहे. आपचे संजय सिंह यांनीही भाजपावर टीका केली आहे.

Bigg Boss 18: ‘बिग बॉस’च्या १८व्या पर्वाच्या महाअंतिम सोहळ्याला अवघे दोन आठवडे बाकी राहिले आहेत. १०० दिवसांचा हा प्रवास लवकरच संपणार आहे. सध्या घरात फक्त १० सदस्य राहिले आहेत. या १० जणांमधून कोण-कोणत्या सदस्यांची महाअंतिम फेरीमध्ये जाण्याची संधी हुकतेय हे पाहणं महत्त्वाचं असणार आहे. नुकतंच ‘बिग बॉस मराठी’च्या पाचव्या पर्वात झळकलेल्या वर्षा उसगांवकरांनी शिल्पा शिरोडकरचं कौतुक केलं. तसंच त्यांनी घरातील इतर सदस्यांच्या खेळावर प्रतिक्रिया दिली. वर्षा उसगांवकर नेमकं काय म्हणाल्या? जाणून घ्या…

बीडमधील पवनचक्की उद्योजकाकडे खंडणी मागितल्याच्या आरोपावरुन अटकेत असलेले वाल्मिक कराड अजित पवारांच्या ताफ्यातील गाडीतून शरण आल्याचा आरोप विरोधकांनी केला आहे. मात्र, गाडीचे मालक शिवलिंग मोराळे यांनी हे आरोप फेटाळले आहेत. त्यांनी स्पष्ट केले की, वाल्मिक कराड शरण येताना त्यांच्या गाडीत बसले होते, परंतु अजित पवारांच्या ताफ्यात गाडी नव्हती.

सध्या मराठी मालिकाविश्वात सतत काहींना काहीतरी घडताना दिसत आहे. एकाबाजूला नवनवीन मराठी मालिका सुरू होतं आहेत. तर दुसऱ्याबाजूला जुन्या मराठी मालिका आणि हिंदीतील लोकप्रिय मालिका मराठीत डब करून दाखवल्या जात आहेत. त्यामुळे आता दोन लोकप्रिय मालिकांना प्रेक्षकांचा निरोप घ्यावा लागला आहे.

टीव्ही मालिकांमधून करिअरची सुरुवात करणाऱ्या गुरमीत चौधरीने 'रामायण'मधून लोकप्रियता मिळवली आणि 'खामोशियां' सिनेमातून बॉलीवूडमध्ये पदार्पण केलं. सध्या त्याची वेब सीरिज ‘ये काली काली आंखें 2’ चर्चेत आहे. या भूमिकेसाठी गुरमीतने दीड वर्ष साखर, पोळी, भात किंवा ब्रेड न खाता कठोर आहार पाळला. त्याने भारती सिंग व हर्ष लिंबाचियाच्या पॉडकास्टमध्ये ही माहिती दिली.