‘छावा’ चित्रपटाची अजूनही घोडदौड सुरुच, २३व्या दिवशी केली ‘इतकी’ कमाई

Chhaava box office collection Day 23: विकी कौशल, रश्मिका मंदाना यांचा ‘छावा’ चित्रपट अजूनही बॉक्स ऑफिसवर जबदरस्त कमाई करत आहे. लक्ष्मण उतेकर दिग्दर्शित ‘छावा’ चित्रपटाला २० दिवसांनंतरही प्रेक्षकांचा उदंड प्रतिसाद मिळत आहे. छत्रपती संभाजी महाराज यांच्या जीवनावर आधारित असलेल्या ‘छावा’ चित्रपट हा २०२५ मधला ५०० कोटींहून अधिक कमाई करणारा पहिला चित्रपट ठरला आहे. २३व्या दिवशीदेखील ‘छावा’ चित्रपटाने बक्कळ कमाई केली आहे.

चॅम्पियन्स ट्रॉफी २०२५ चा अंतिम सामना भारत विरुद्ध न्यूझीलंड सुरू आहे. जगातील टॉप-८ संघांमध्ये खेळवली जाणारी ही स्पर्धा आज अंतिम टप्प्यात पोहोचली आहे. दुबईतील आंतरराष्ट्रीय क्रिकेट स्टेडियममध्ये भारत विरुद्ध न्यूझीलंड सामना खेळला जात आहे. भारतीय क्रिकेट संघाचा कर्णधार रोहित शर्माने पुन्हा एकदा टॉस हरला. न्यूझीलंडने टॉस जिंकून प्रथम फलंदाजी करण्याचा निर्णय घेतला. यामुळे रोहित शर्माने सलग एकदिवसीय सामन्यांमध्ये १२ वेळा टॉस हरण्याचा रेकॉर्ड केला आहे. यावरच मराठी अभिनेत्याने मजेशीर पोस्ट सोशल मीडियावर शेअर केली आहे.

Mahindra XUV 3XO EV: ह्युंदाई मोटर इंडियाला मागे टाकून महिंद्रा देशातील दुसऱ्या क्रमांकाची सर्वात मोठी कार उत्पादक कंपनी बनली आहे. महिंद्राच्या विक्रीत इलेक्ट्रिक वाहनांनी महत्त्वाची भूमिका बजावली आहे. गेल्या वर्षी महिंद्राने XUV 3XO बाजारात आणली आणि त्यापासून तिला ग्राहकांकडून खूप प्रेम मिळत आहे. आता कंपनी या कारचे इलेक्ट्रिक व्हर्जन आणत आहे. कंपनी या वाहनावर वेगाने काम करत आहे. XUV 3XO EV चाचणी दरम्यान अनेक वेळा दिसली आहे.

योगगुरु रामदेवबाबा यांनी नागपुरात पतंजली फूड पार्कच्या उद्घाटन प्रसंगी औरंगजेबाला लुटारू आणि क्रूर म्हणत, त्याला आदर्श मानणे अशक्य असल्याचे सांगितले. त्यांनी छत्रपती शिवाजी महाराजांना आदर्श मानतो असं म्हटलं आहे. आवाहन केले. डोनाल्ड ट्रम्प यांच्या धोरणांवर टीका करत, भारतीयांनी एकजुटीने सशक्त राष्ट्र निर्माण करण्याचे आवाहन केले. फूड पार्कमुळे शेतकऱ्यांना समृद्धी मिळेल आणि संत्र्यांचे उत्पादन व निर्यात वाढवण्याचे प्रयत्न होतील असेही त्यांनी सांगितलं.

देशभरात चालत्या ट्रेनमधून उतरताना अपघात होण्याच्या घटना घडत असतात. मुंबईतील बोरीवली स्थानकात असाच एक प्रकार घडला. चालत्या एक्स्प्रेसमधून उतरण्याचा प्रयत्न करणाऱ्या वृद्ध महिलेला रेल्वे सुरक्षा रक्षकाने वाचवले. रेल्वे मंत्रालयाने हा व्हिडिओ शेअर करत प्रवाशांना चालत्या ट्रेनमधून उतरण्याचा प्रयत्न न करण्याचे आवाहन केले आहे.

Success Story of Sidhi Garg: नोकरी सोडून स्वतःचा व्यवसाय सुरू करणे कधीच सोपे नसते आणि जर ती व्यक्ती आयटी इंजिनिअर असेल तर खूपच कठीण. पण, जर दृढनिश्चय आणि धाडस असेल तर अशक्य गोष्टीही शक्य होऊ शकतात. जयपूरच्या सिद्धी गर्गनेही असेच काहीसे केले आहे. सिद्धी आयटी इंजिनिअर आहे. तिने नोकरी सोडली आणि कुर्ता व्यवसाय सुरू केला. ती 'कुर्ता घर' या ब्रँडचे कुर्ते विकते. आज तिची वार्षिक उलाढाल लाखो रुपयांची आहे. तिने बनवलेल्या कुर्त्यांना खूप मागणी आहे.

बीडच्या मस्साजोग गावाचे सरपंच संतोष देशमुख यांच्या हत्येला तीन महिने पूर्ण झाले आहेत. या प्रकरणात आरोपींना अटक करण्यात आली असून सूत्रधार वाल्मिक कराड तुरुंगात आहे. भाजपाचे आमदार सुरेश धस यांनी वाल्मिक कराडबाबत महत्त्वाची माहिती दिली आहे. वाल्मिक कराड आधी घरगडी होता, पण नंतर धनंजय मुंडेंच्या निकटवर्तीय झाला. धस यांनी वाल्मिक कराड आणि धनंजय मुंडेंवर ग्रिडी पॉलिटिक्स केल्याचा आरोप केला आहे.

अमेरिकेतील कॅलिफोर्नियातील चिनो हिल्स येथील श्री स्वामीनारायण मंदिराची विटंबना करण्यात आली आहे. या घटनेविरोधात परराष्ट्र मंत्रालयाने निषेध नोंदवला असून, स्थानिक अधिकाऱ्यांना कठोर कारवाई करण्याचे आवाहन केले आहे. बीएपीएस संस्थेनेही सोशल मीडियावर निषेध व्यक्त केला आहे. गेल्या वर्षी सॅक्रामेंटो आणि न्यू यॉर्कमधील मंदिरांचीही विटंबना झाली होती.

अभिनेता गौरव मोरेने इन्स्टाग्राम स्टोरीवर विमानातला फोटो शेअर केला आहे. या फोटोमध्ये गौरवबरोबर मराठीतील लोकप्रिय विनोदवीर आहेत. पंढरीनाथ कांबळे आणि सुप्रिया पाठारे गौरवबरोबर पाहायला मिळत आहे. एका कार्यक्रमानिमित्ताने तिघांची खास भेट झाली आहे. याच फोटोवर गौरवने लिहिलेलं कॅप्शन चर्चेत आलं आहे.

राज ठाकरे यांनी गुढीपाडव्याच्या मेळाव्यात आपली भूमिका स्पष्ट करणार असल्याचे सांगितले. त्यांनी रामायणातील उदाहरण देत, १४ वर्षांत रामाने केलेल्या कार्यांची तुलना वांद्रे वरळी सी लिंकच्या बांधकामाशी केली. महिला दिनाच्या निमित्ताने जिजाऊंच्या योगदानाचे स्मरण करून दिले. तसेच, राजकीय फेरीवाल्यांवर टीका करत, पक्ष आणि संघटना मजबूत करण्याचे महत्त्व अधोरेखित केले.

महाराष्ट्र नवनिर्माण सेनेच्या १९ व्या वर्धापन दिनानिमित्त चिंचवडमध्ये आयोजित कार्यक्रमात राज ठाकरे यांनी कार्यकर्त्यांना श्रद्धा-अंधश्रद्धेतून बाहेर पडण्याचं आवाहन केलं. महाकुंभ मेळ्यात गेलेल्या कार्यकर्त्यांवर टीका करताना त्यांनी गंगेच्या पाण्याच्या स्वच्छतेवर प्रश्न उपस्थित केले. त्यांनी सांगितलं की, देशातील नद्या स्वच्छ नाहीत आणि अंधश्रद्धा सोडून वास्तवाकडे पाहण्याची गरज आहे.

IIFA Digital Awards 2025: नुकताच 'आयफा डिजिटल पुरस्कार २०२५' सोहळा पार पडला. शनिवारी, ८ मार्चला रात्री 'आयफा डिजिटल पुरस्कार' सोहळा आयोजित करण्यात आला होता. या पुरस्कार सोहळ्यात ओटीटी प्लॅटफॉर्मवरील सर्वोत्कृष्ट चित्रपट, वेब सीरिज यांना गौरविण्यात आलं. 'आयफा डिजिटल पुरस्कार' सोहळ्यातील विजेत्यांची यादी समोर आली आहे? या पुरस्कार सोहळ्यात कोणत्या चित्रपट, वेब सीरिजने बाजी मारली आणि कोणत्या कलाकाराला कोणत्या पुरस्काराने गौरविण्यात आलं? जाणून घ्या…

बैठी जीवनशैली (sedentary lifestyle) आरोग्यासाठी योग्य नाही. पण, जर आपल्या कामामुळे आपल्याला जास्त वेळ, जसे की सलग सहा तास बसून राहावे लागले तर काय? अशा परिस्थितीत शरीराचे खरोखर काय होते याचा तुम्ही कधी विचार केला आहे का? चला तर मग जाणून घेऊया…

उपराष्ट्रपती जगदीप धनखड यांना रविवारी पहाटे अस्वस्थ वाटल्याने आणि छातीत दुखू लागल्याने दिल्लीतील एम्स रुग्णालयात दाखल करण्यात आले. ७३ वर्षीय धनखड यांना पहाटे २ वाजता रुग्णालयात नेण्यात आले आणि कार्डिओलॉजी विभागाचे प्रमुख डॉ. राजीव नारंग यांच्या देखरेखीखाली क्रिटिकल केअर युनिटमध्ये ठेवण्यात आले आहे. त्यांची प्रकृती सध्या स्थिर असून डॉक्टरांच्या निरीक्षणाखाली आहेत.

ICC चँपियन्स ट्रॉफी २०२५ ची अंतिम फेरी आज भारत आणि न्यूझीलँड यांच्यात होणार आहे. भारताने सर्व सामने जिंकून अंतिम फेरीत प्रवेश केला आहे, तर न्यूझीलंडला लीग मॅचमध्ये भारताकडून पराभव पत्करावा लागला होता. २००० मध्ये न्यूझीलंडने भारताला हरवून चॅम्पियन्स ट्रॉफी जिंकली होती. २०१९ च्या विश्वचषक उपांत्य फेरीतही न्यूझीलंडने भारताला पराभूत केले होते. आजच्या सामन्यात भारत या पराभवांचा वचपा काढेल का, याकडे सर्वांचे लक्ष आहे.

भारतीय वंशाच्या बालेश धनखडला ऑस्ट्रेलियात ४० वर्षांच्या तुरुंगवासाची शिक्षा सुनावण्यात आली आहे. धनखड, जो माजी भारतीय समुदाय नेता आणि भाजपाच्या ओव्हरसीज फ्रेंड्सचा सदस्य होता, त्याने नोकरीच्या आमिषाने महिलांची फसवणूक केली आणि त्यांच्यावर बलात्कार केला. २०२३ मध्ये त्याच्यावर १३ बलात्काराचे आणि एकूण ३९ गुन्हे सिद्ध झाले. ऑस्ट्रेलियातील अधिकाऱ्यांनी त्याला सर्वांत धोकादायक बलात्कारी म्हटलं आहे.

बालकलाकार आणि सोशल मीडिया इन्फ्लुएन्सर रीवा अरोरा तिच्या नुकत्याच पोस्ट केलेल्या फोटोंमुळे चर्चेत आली आहे. अवघ्या १९ व्या वर्षी तिने 'डिजिटल एन्फ्लुएन्स व वूमन एम्पॉवरमेंट' मध्ये पीएचडी मिळवली आहे. तिच्या पदवीबरोबरचे फोटो शेअर करताना तिने डॉक्टर झाल्याची माहिती दिली. मात्र, नेटकरी तिला ट्रोल करत आहेत. रीवाने 'भारत', 'उरी: द सर्जिकल स्ट्राइक' यांसारख्या चित्रपटांमध्ये काम केले आहे. तिचे इन्स्टाग्रामवर ११.५ मिलियन फॉलोअर्स आहेत.

आज जागतिक महिला दिनानिमित्त विविध ठिकाणी कार्यक्रमांचे आयोजन करण्यात आले. मुख्यमंत्री देवेंद्र फडणवीस यांनी 'बेटी बचाओ, बेटी पढाओ' कार्यक्रमात मुलींच्या महत्त्वावर भाष्य केले. त्यांनी मुलींच्या काळजीवंत स्वभावाचे उदाहरण दिले. महाराष्ट्रात लिंग गुणोत्तर सुधारल्याचे त्यांनी नमूद केले. राज्यपाल सी पी राधाकृष्णन आणि मंत्री आदिती तटकरेही उपस्थित होत्या.

यंदाचा आयफा अवॉर्ड्स सोहळा राजस्थानमध्ये पार पडणार आहे. करीना कपूर आणि शाहिद कपूर यांचा एक व्हिडीओ सोशल मीडियावर चर्चेत आहे. १८ वर्षांपूर्वी ब्रेकअप झाल्यानंतर ते एकमेकांशी बोलणं टाळायचे, पण आता ते एकमेकांना मिठी मारताना आणि गप्पा मारताना दिसले. 'जब वी मेट'च्या चाहत्यांना यामुळे आश्चर्याचा धक्का बसला आहे. या व्हिडीओवर चाहत्यांनी आनंदाने कमेंट्स केल्या आहेत.

'लागिरं झालं जी' या मालिकेने प्रेक्षकांच्या मनात वेगळंच स्थान निर्माण केलं आहे. मालिका बंद होऊन साडे चार वर्षांहून अधिक काळ झाला असला तरी अजूनही मालिकेतील कलाकारांवर प्रेक्षक भरभरून प्रेम करताना दिसतात. 'लागिरं झालं जी' मालिकेतील कलाकार सध्या वेगवेगळ्या मालिकांमध्ये पाहायला मिळत आहे. काही कलाकार 'लाखात एक आमचा दादा' मालिकेत दिसत आहे. नितीश चव्हाण व्यतिरिक्त अभिनेता महेश जाधव 'लाखात एक आमचा दादा' मालिकेत झळकला आहे. या मालिकेत त्याने काजूची भूमिका साकारली आहे. याच महेश जाधवने स्वतःचं हक्काचं घर घेतलं आहे.

बंगळुरुतील कर्नाटक येथील दुर्गम गावात १४ वर्षीय मुलीचं २९ वर्षीय तरुणाशी बालविवाह लावण्यात आलं. मुलीने या लग्नाला नकार दिल्यानंतर हा प्रकार उजेडात आला. तिच्या आईनेच या लग्नासाठी पुढाकार घेतला होता. मुलगी माहेरी परतल्यानंतर तिचा नवरा तिला जबरदस्तीने घेऊन गेला. प्रत्यक्षदर्शींनी हा प्रकार मोबाईलमध्ये कैद करून सोशल मीडियावर व्हायरल केल्यानंतर पोलिसांनी तपास सुरू केला आणि आरोपींना अटक केली.

बॉलीवूडमध्ये अनेक नवीन कलाकार येतात, काहींना यश मिळतं, तर काहींना अपयश. फिरोज खान यांचा मुलगा फरदीन खानने १९९८ मध्ये 'प्रेम अगन' सिनेमातून पदार्पण केलं होतं. त्याचे चित्रपट फारसे हिट झाले नाहीत, त्यामुळे तो इंडस्ट्रीपासून दुरावला. फरदीनने मुमताज यांच्या मुली नताशाशी २००५ मध्ये लग्न केलं. फरदीन खान जवळपास ३३० कोटी रुपयांच्या संपत्तीचा मालक आहे.

दाक्षिणात्य सुपरस्टार थलपति विजयने गेल्या वर्षी अभिनय क्षेत्राला रामराम करत राजकारणात पाऊल ठेवलं. तमिळ सिनेसृष्टीत स्वतःचं स्थान एक वेगळ्या उंचीवर नेऊन ठेवणाऱ्या विजयने २ फेब्रुवारी २०२४ला तळिलगा वेत्री कजगम ( तामिळनाडू विजय संघ ) द्वारे राजकारणात एन्ट्री केली. मोठ्या दिमाखात विजयची राजकारणात एन्ट्री झाली होती. नुकताच अभिनेता इफ्तार पार्टीमध्ये पाहायला मिळाला. त्याने एक दिवसाचा रोजा ठेवला होता. याचे फोटो, व्हिडीओ सध्या सोशल मीडियावर खूप व्हायरल झाले आहेत.

'नादानियां' हा करण जोहरच्या शैलीतील रोमँटिक कॉमेडी चित्रपट आहे. शर्मिला टागोर यांचा नातू, सैफ अली खान व अमृता सिंह यांचा मुलगा इब्राहिम अली खान याचा हा पहिला चित्रपट आहे. चित्रपटात पिया जयसिंग (खुशी कपूर) व अर्जुन मेहता (इब्राहिम) यांच्या नात्यावर आधारित कथा आहे. इब्राहिमचा अभिनय चांगला आहे, तर खुशीला अजून मेहनत करावी लागेल. दिग्दर्शिका शौना गौतम हिचा हा पहिलाच चित्रपट आहे. जेन Z साठी हा हलका-फुलका चित्रपट आहे.

लक्ष्मण उतेकर दिग्दर्शित 'छावा' चित्रपटाने बॉक्स ऑफिसवर २२ दिवसांनंतरही दमदार कामगिरी केली आहे. छत्रपती संभाजी महाराज यांच्या जीवनावर आधारित हा चित्रपट १४ फेब्रुवारीला प्रदर्शित झाला. विकी कौशलच्या मुख्य भूमिकेत असलेल्या 'छावा'ने पहिल्या आठवड्यात २१९.२५ कोटी, दुसऱ्या आठवड्यात १८०.२५ कोटी, आणि तिसऱ्या आठवड्यात ८४.०५ कोटींची कमाई केली. २२ व्या दिवशी ८.५ कोटींची कमाई करत, एकूण ४९२.०५ कोटींच्या कमाईचा टप्पा गाठला आहे.

कर्नाटकातील हम्पी येथे इस्रायलच्या २७ वर्षीय महिला पर्यटक आणि २९ वर्षीय होम स्टे मालक महिलेवर बलात्कार झाल्याची घटना घडली. गुरुवारी रात्री सानापूर तलावाजवळ अज्ञात हल्लेखोरांनी पाच पर्यटकांवर हल्ला केला. एका पुरूष पर्यटकाचा मृतदेह तलावात आढळला. पोलिसांनी तपास सुरू केला असून, घटनास्थळी दुचाकी, कॅमेऱ्याची बॅग, आणि रक्ताने माखलेले कपडे सापडले.

बुरहाणपूरच्या असीरगड येथे सोन्याची नाणी सापडल्याच्या अफवेने गावकऱ्यांमध्ये खळबळ उडाली आहे. गावकरी रात्रीच्या अंधारात टॉर्चवाले हेल्मेट आणि मेटल डिटेक्टर घेऊन माती चाळत आहेत. छावा चित्रपटात औरंगजेबाचा खजिना बुरहाणपूरमध्ये असल्याचे दाखवले होते. पोलिसांनी अनधिकृत खोदकाम थांबवण्याचा इशारा दिला आहे. सोशल मीडियावर या घटनेचे व्हिडीओ व्हायरल होत आहेत.

International Women’s Day 2025: आज जागतिक महिला दिन. दरवर्षीप्रमाणे यंदाही ८ मार्चला जागतिक महिला दिन सर्वत्र साजरा केला जात आहे. यानिमित्ताने विविध क्षेत्रात उल्लेखणीय काम करणाऱ्या महिलांचा गौरव केला जात आहे. या दिवशी महिलांची थोरवी, महिलांची गोडवी गायली जात असून सोशल मीडियावर महिलांना शुभेच्छा दिला जात आहेत. जागतिक महिला दिनानिमित्ताने नुकतीच केदार शिंदे यांनी खास पोस्ट शेअर केली आहे.

राजस्थान विधानसभेत शुक्रवारी भाजपाचे आमदार गोपाल शर्मा यांनी काँग्रेसचे आमदार रफिक खान यांना पाकिस्तानी म्हटल्याने गोंधळ उडाला. नगरविकास आणि गृहनिर्माण अनुदानाच्या चर्चेदरम्यान हा प्रकार घडला. खान यांनी विधानसभा अध्यक्षांकडे तक्रार केली. विरोधी पक्षनेते टीका राम जुली यांनी भाजपावर टीका केली. शर्मा यांनी यापूर्वीही खान यांच्याविरुद्ध अशा टिप्पणी केल्या होत्या.

आशुतोष गोवारीकर दिग्दर्शित 'लगान' हा चित्रपट २००१ मध्ये प्रदर्शित झाला होता. आमिर खानने सांगितले की, चित्रपट तयार करताना सगळे खूप घाबरले होते. जावेद अख्तर यांनी हा चित्रपट चालणार नाही असे म्हटले होते. अमिताभ बच्चन यांच्या आवाजामुळेही फ्लॉप होण्याची भीती होती. मात्र, 'लगान'ने आंतरराष्ट्रीय स्तरावर यश मिळवले आणि लुकार्नो फिल्म फेस्टिव्हलमध्ये बेस्ट फिल्म ऑडियन्स अवॉर्ड जिंकला.