मृत अविवाहित मुलाचे गोठवलेले वीर्य पालकांच्या स्वाधीन करा – दिल्ली उच्च न्यायालयाचा निकाल!
दिल्ली उच्च न्यायालयाने शुक्रवारी ऐतिहासिक निकाल देत, दुर्धर आजाराने मृत्यू झालेल्या ३० वर्षीय अविवाहित पुरुषाचं गोठवलेलं वीर्य त्याच्या पालकांना सुपूर्द करण्याचा आदेश दिला. मृत व्यक्तीच्या पालकांनी याचिका दाखल केली होती. न्यायालयाने हिंदू वारसाहक्क कायद्याचा आधार घेत, गोठवलेलं वीर्य वैयक्तिक संपत्ती मानून पालकांना सुपूर्द करण्याचा निर्णय दिला. न्यायालयाने मृत व्यक्तीच्या पालकांना सरोगसीद्वारे संततीजन्माचा हक्क मान्य केला.