गुरुपुष्यामृताचा शुभ योग साधण्यासाठी उमेदवारांची धडपड, मुहुर्तावर कोण-कोण अर्ज भरणार?

विधानसभा निवडणुकीसाठी अर्जप्रक्रिया सुरू झाली आहे, परंतु महाविकास आघाडी आणि महायुतीच्या जागा वाटपाचा तिढा सुटलेला नसल्याने अर्ज प्रक्रियाही लांबणीवर पडण्याची शक्यता आहे. २४ ऑक्टोबरला गुरुपुष्यामृत योग असल्याने उमेदवार अर्ज भरण्याचा मुहूर्त साधण्याचा प्रयत्न करत आहेत. राष्ट्रवादीचे जयंत पाटील, शिवसेनेचे राजन साळवी आणि भाजपाचे हेमंत रासने यांच्यासह अनेक उमेदवार या दिवशी अर्ज भरणार आहेत.

सलमान खानला लॉरेन्स बिश्नोई गँगकडून जीवे मारण्याच्या धमक्या येत आहेत. १९९८ मध्ये काळवीट शिकार प्रकरणात त्याला अटक झाली होती. २०१६ मध्ये निर्दोष मुक्तता, २०१८ मध्ये दोषी ठरवून जामिनावर सुटका झाली. बिश्नोई समाज काळवीट पवित्र मानतो, त्यामुळे सलमानला धमक्या येत आहेत. बाबा सिद्दिकींच्या हत्येनंतर सलमानची सुरक्षा वाढवली आहे. सध्या तो बिग बॉस १८ होस्ट करत असून 'सिंघम अगेन' आणि 'सिकंदर' चित्रपटात काम करत आहे.

अभिनेता अभिषेक बच्चन व ऐश्वर्या राय यांच्या नात्यात तणाव असल्याच्या चर्चा आहेत. अभिषेकचं एका बॉलीवूड अभिनेत्रीशी अफेअर असल्यामुळे हे घडल्याचं म्हटलं जातंय. मुंबई विमानतळावर पापाराझींनी त्याचा पाठलाग केला असता, अभिषेकने हात जोडून "बस भैया, थँक्यू" असं म्हटलं. अभिषेक सध्या 'हाऊसफुल 5' आणि शाहरुख खानच्या 'किंग' चित्रपटात काम करत आहे.

तमिळनाडूचे उपमुख्यमंत्री उदयनिधी स्टॅलिन यांनी नवदाम्प्त्यांना आपल्या मुलांची नावे तमिळ भाषेत ठेवण्याचा सल्ला दिला आहे. त्यांनी हिंदी भाषा तमिळवर लादू नका असा इशारा दिला आहे. स्टॅलिन यांनी केंद्र सरकारवर टीका करताना नव्या शैक्षणिक धोरणातून हिंदी लादण्याचा प्रयत्न होत असल्याचे म्हटले. तमिळनाडू कधीच हिंदी भाषा स्वीकारणार नाही, असेही त्यांनी स्पष्ट केले.

मुंबईत विधानसभा निवडणुकीच्या पार्श्वभूमीवर योगी आदित्यनाथ यांच्या "बटेंगे तो कटेंगे" घोषवाक्याचे पोस्टर लागले आहेत. भाजप समर्थक विश्वबंधू राय यांनी हे पोस्टर लावले असून, विरोधकांच्या आरोपांना प्रत्युत्तर देण्यासाठी हे घोषवाक्य वापरले जात आहे. हरियाणातील निवडणुकीत याचा यशस्वी वापर झाल्याचे त्यांनी सांगितले. महाराष्ट्रात २० नोव्हेंबरला मतदान होणार असून २३ नोव्हेंबरला मतमोजणी होईल.

लोकप्रिय टीव्ही अभिनेत्री सुरभी ज्योती तिचा बॉयफ्रेंड सुमित सुरीशी २७ ऑक्टोबरला उत्तराखंडमध्ये डेस्टिनेशन वेडिंग करणार आहे. सुरभी व सुमित २०१८ पासून रिलेशनशिपमध्ये आहेत. सुरभीने 'नागिन', 'कबूल है' यांसारख्या मालिकांमध्ये काम केले आहे. सुरभीचे नाव यापूर्वी अभिनेता पर्ल पुरी व रित्विक धजनानीशी जोडले गेले होते, पण ती व रित्विक फक्त चांगले मित्र आहेत.

नाटक, मालिका, चित्रपट या तीनही माध्यमांमध्ये आपल्या दमदार अभिनयाचा ठसा उमटविणाऱ्या भरतनाट्यम् नृत्यांगणा अश्विनी एकबोटे यांचं २२ ऑक्टोबर २०१६ रोजी निधन झालं. पुण्यातील भरत नाट्य मंदिर येथे ‘नाट्य त्रिविधा’ या कार्यक्रमात नृत्य सादर करत असताना तिहाई घेतल्यावर अश्विनी एकबोटे रंगमंचावर कोसळल्या. हृदयविकारच्या झटक्याने त्यांचं वयाच्या ४४व्या वर्षी निधन झालं. आज पुण्यतिथीनिमित्ताने अश्विनी एकबोटे यांची सून, अभिनेत्री अमृता बने हिने सोशल मीडियावर भावुक पोस्ट लिहिली आहे.

मराठी सिनेसृष्टीत ‘हँडसम हंक’ म्हणून ओळखले जाणारे अजिंक्य देव सोशल मीडियावर खूप सक्रिय असतात. आपल्या कामाबद्दल आणि वैयक्तिक आयुष्याबद्दल पोस्ट शेअर करत असतात. नुकतीच त्यांनी वडील रमेश देव यांच्या आठवणीत सुंदर कविता सादर केली; ज्याचा व्हिडीओ सध्या खूप चर्चेत आला आहे.

प्रसिद्ध बॉलीवूड अभिनेता अक्षय कुमार मागील काही काळापासून त्याच्या फ्लॉप चित्रपटांमुळे चर्चेत आहे. २०२४ मध्ये आलेले 'बडे मियाँ छोटे मियाँ', 'सरफिरा' आणि 'खेल खेल में' हे तिन्ही चित्रपट फ्लॉप झाले. अक्षयने अनेक ब्लॉकबस्टर सिनेमे दिले असून त्याला राष्ट्रीय पुरस्कार मिळाले आहेत. राष्ट्रीय पुरस्कार सोहळ्यात झालेल्या अपमानाबद्दल बोलतानाचा त्याचा व्हिडीओ व्हायरल झाला आहे.

अभिनेता शशांक केतकरने अलीकडेच मालाड येथील मालवणीमधील अस्वच्छतेबाबत मुंबई महानगरपालिकेकडे तक्रार केली होती. एका व्हिडीओच्या माध्यमातून शशांकने ही तक्रार केली होती. ज्यावर मुंबई महानगरपालिकेच्या यंत्रणेने तात्काळ कारवाई केली आहे. याचा व्हिडीओ शशांकने सोशल मीडियावर शेअर करत मुंबई महानगरपालिकेचे आभार मानले आहेत. त्यामुळेच सध्या नेटकरी शशांकचं कौतुक करत आहेत.

निक्की तांबोळी बिग बॉस मराठी ५ मध्ये चर्चेत राहिली. शो संपल्यानंतर तिने घरातील अनुभव, स्पर्धकांशी भांडणं आणि अरबाजबरोबर जवळीक याबाबत मतं मांडली. तिला वर्षा उसगांवकरांशी उद्धटपणे बोलल्याची खंत आहे, पण तिने माफी मागितली. निक्कीने स्पष्ट केलं की तिला कोणालाही स्पष्टीकरण देण्याची गरज नाही. वर्षाताईंना प्रेरणादायी मानून तिने त्यांना फॉलोबॅक केलं.

'आमच्या पप्पांनी गणपती आणला' या गाण्यावर केलेला डान्स आणि गोड हावभावाने साईराज केंद्रेने प्रेक्षकांच्या मनात अढळ स्थान निर्माण केलं. साईराजच्या या व्हिडीओने सोशल मीडियावर अक्षरशः धुमाकूळ घातला होता. सध्या साईराज 'झी मराठी' वाहिनीवरील 'अप्पी आमची कलेक्टर' मालिकेतून आपल्या सुंदर अभिनयाने प्रेक्षकांच्या मनावर अधिराज्य गाजवत आहे. अशातच साईराजने 'ड्रामा ज्युनियर्स' फेम वेदांती भोसलेबरोबर केलेल्या जबरदस्त डान्सने सगळ्यांचं लक्ष वेधून घेतलं आहे.

बॉलीवूड अभिनेता सलमान खानला लॉरेन्स बिश्नोई गँगकडून जीवे मारण्याच्या धमक्या येत आहेत. त्याच्या मित्र बाबा सिद्दिकी यांच्या हत्येनंतर सलमानच्या सुरक्षेत वाढ करण्यात आली आहे. भजन सम्राट अनुप जलोटा यांनी सलमानला बिश्नोई समाजाच्या मंदिरात जाऊन माफी मागण्याचा सल्ला दिला आहे. त्यांनी म्हटले की, सलमानने काळवीटाची शिकार केली असो वा नसो, माफी मागून वाद मिटवावा आणि सुरक्षित आयुष्य जगावे.

यंदा लक्ष्मीपूजन कोणत्या दिवशी आहे आणि कोणत्या वेळी करावे, याविषयी लोकांच्या मनात संभ्रम आहे. याविषयी लोकसत्ताने पंचागकर्ते पं. गौरव देशपांडे यांच्या हवाल्याने सविस्तर माहिती जाणून घेतली.

भारत आणि चीनमध्ये प्रत्यक्ष नियंत्रण रेषेवर गस्त घालण्याबाबत नवीन करार झाला आहे. परराष्ट्र सचिव विक्रम मिस्त्री यांनी सांगितले की, गेल्या काही आठवड्यांपासून राजनैतिक आणि लष्करी स्तरावर चर्चा सुरू आहे. २०२० मध्ये उद्भवलेल्या समस्यांचे निराकरण करण्यासाठी गस्तीची व्यवस्था करण्यात आली आहे. देपसांग आणि डेमचोक भागातील गस्त व्यवस्थेशी संबंधित हा करार आहे. भारत-चीन संबंधांना जागतिक आणि धोरणात्मक महत्त्व आहे.

अदर पूनावाला यांनी पुण्यातून शालेय शिक्षण घेतल्यानंतर लंडनमध्ये बायोटेक्नॉलॉजी आणि मॅनेजमेंटचं शिक्षण घेतलं. २०११ मध्ये सीरम इन्स्टिट्यूटचे मुख्य कार्यकारी अधिकारी बनल्यानंतर त्यांनी विकसनशील देशांसाठी परवडणारी लस तयार केली. करोना काळात त्यांनी प्रभावी लस तयार करून १७० पेक्षा जास्त देशांना पुरवली. त्यांच्या कुटुंबीयांचं नेटवर्थ १३६ कोटी रुपये आहे. त्यांनी विल्लू पूनावाला चॅरिटेबल फाऊंडेशन स्थापन करून सामाजिक उपक्रम हाती घेतले.

राज ठाकरे यांनी विधानसभा निवडणुकीसाठी दोन उमेदवारांची नावे जाहीर केली आहेत. कल्याण ग्रामीणमधून राजू पाटील आणि ठाण्यातून अविनाश जाधव यांची उमेदवारी घोषित केली. मनसेने यावेळी महायुतीपासून वेगळी भूमिका घेतली आहे. राजू पाटील यांना कल्याण ग्रामीणमध्ये शिवसेना उद्धव बाळासाहेब ठाकरे पक्षाचे सुभाष भोईर आणि शिवसेना शिंदे गटाचे राजेश मोरे यांच्याशी लढत द्यावी लागणार आहे.

महिला सशक्तीकरण आणि हक्कांच्या रक्षणावर भारतात वारंवार चर्चा होते, परंतु अनेक महिलांची स्थिती अजूनही सुधारलेली नाही, असे सर्वोच्च न्यायालयाचे न्यायमूर्ती संजय करोल यांनी अधोरेखित केले. त्यांनी एका भाषणादरम्यान २०२३ साली काढलेला फोटो दाखवून बिहार व त्रिपुराच्या दुर्गम भागातील महिलांच्या स्थितीवर भाष्य केले. न्यायमूर्ती करोल यांनी सामाजिक न्याय आणि महिलांच्या अधिकारांच्या बाबतीत न्यायालयाच्या ठाम भूमिकेचे उदाहरण दिले आणि दुर्गम भागातील लोकांपर्यंत पोहोचण्याची गरज व्यक्त केली.

‘बिग बॉस’च्या १८व्या पर्वात नुकताच झालेला वीकेंड वार खूपच जबरदस्त होता. सलमान खानने घरातल्या काही सदस्यांची जेवढी शाळा घेतली तेवढंच हसवलं. शनिवारी ( १९ ऑक्टोबर ) सलमान खानने अरफीन खानला खूप झापलं. अरफीनच्या प्रोफेशनवर अविनाश मिश्राने भाष्य केलं होतं. त्यानंतर अरफीन आणि त्याची पत्नी सारा खान सतत नाराजी व्यक्त करत होते. यावरून सलमानने अरफीनची कानउघडणी केली. यावेळी सलमानने साराबरोबर अजिबात बातचित केली नाही. पण रविवारी, साराबरोबर हसताना, विनोद करताना दिसला. यावेळी चाहत पांडेने थेट भाईजानला लग्नाची मागणीच घातली.

दिल्लीतील जगतपुरी भागात एका प्रियकराचा हृदयविकाराच्या झटक्याने मृत्यू झाल्याची घटना घडली. प्रेयसीने आत्महत्येचा प्रयत्न करतानाचा व्हिडीओ प्रियकर अर्जुनला पाठवला. अर्जुन तिला रुग्णालयात पोहोचवताना स्वतःच हृदयविकाराच्या झटक्याने कोसळला. प्रेयसीवर उपचार सुरू असून तिची प्रकृती सुधारत आहे. अर्जुनचा मृतदेह कुटुंबीयांकडे सोपवण्यात आला आहे. टाइम्स ऑफ इंडियाने याबाबत सविस्तर वृत्त दिले आहे.

पचनाच्या आरोग्याचा विचार केला तर अनेक समज आणि गैरसमज अनेकांच्या मनात असतात. एक सामान्य समज असा आहे की, अन्नाबरोबर किंवा नंतर पाणी प्यायल्याने पोटातील अ‍ॅसिड्स पातळ होऊ शकतात, ज्यामुळे ते अन्न बारीक करण्यास कमी परिणामकारक बनतात, ज्यामुळे पचनशक्ती बिघडते आणि ब्लोटिंग आणि गॅससारख्या इतर समस्या उद्भवतात.

महाराष्ट्र विधानसभा निवडणुकीसाठी एक महिनाही उरलेला नाही. अशातच काँग्रेसच्या सूत्रांकडून बातमी आली की उद्धव ठाकरे आणि देवेंद्र फडणवीस यांची भेट झाली आहे, तसेच संजय राऊत यांनी अमित शाह यांना फोन केला. मात्र, काँग्रेस नेते विजय वडेट्टीवार यांनी ही बातमी खोटी असल्याचे सांगितले. त्यांनी महाविकास आघाडी एकत्र असल्याचे स्पष्ट केले. वंचित बहुजन आघाडीनेही फडणवीस-ठाकरे भेटीचा दावा केला, मात्र विजय वडेट्टीवार यांनी याबाबत स्पष्टीकरण दिलं आहे.

गेल्या आठवड्यात 'फॅबुलस लाइव्स ऑफ बॉलीवूड वाइव्स'चं तिसरं पर्व ( Fabulous Lives of Bollywood Wives Season 3 ) नेटफ्लिक्सवर प्रदर्शित झालं. यामध्ये नीलम कोठारी सोनी, महीप कपूर, भावना पांडे, सीमा सजदेह यांच्यासह रणबीर कपूरची सख्खी बहीण रिद्धिमा कपूर साहनी झळकली आहे. 'फॅबुलस लाइव्स ऑफ बॉलीवूड वाइव्स'च्या माध्यमातून रिद्धिमाने वयाच्या ४४व्या वर्षी अभिनय क्षेत्रात पदार्पण केलं आहे. त्यामुळे सध्या रणबीर कपूरची बहीण खूप चर्चेत आहे. पण, रिद्धिमा काय काम करते? तिचा पती कोण आहे? जाणून घ्या...

राष्ट्रवादी काँग्रेसचे नेते बाबा सिद्दिकी यांच्या खुनानंतर लॉरेन्स बिश्नोई गँगने जबाबदारी घेतली आहे. त्यामुळे सलमान खानच्या सुरक्षेत वाढ करण्यात आली आहे. सलमान आणि सिद्दिकी जवळचे मित्र होते. या परिस्थितीतही सलमानने बिग बॉस १८ चे शूटिंग केले. 'वीकेंड का वार'मध्ये सलमानने स्पर्धकांचा समाचार घेतला. चाहत पांडेने सलमानला लग्नासाठी प्रपोज केले, ज्यावर सलमानने हसून उत्तर दिले. सेटवर ६० हून अधिक सुरक्षा कर्मचारी होते.

महाराष्ट्र विधानसभा निवडणुकीच्या पार्श्वभूमीवर राजकीय वातावरण तापले आहे. भाजपने ९९ उमेदवारांची यादी जाहीर केली असून, मविआचे जागावाटप मंगळवारी जाहीर होणार आहे. नांदेडच्या निळा गावात मराठा आरक्षणाच्या मुद्द्यावरून मुख्यमंत्री एकनाथ शिंदे यांच्या शिवसेनेचे आमदार बालाजी कल्याणकर यांना आंदोलकांच्या रोषाचा सामना करावा लागला. गावकऱ्यांनी त्यांना समाजासाठी काय केले, असा प्रश्न विचारला.

दिल्लीतील रोहिणी येथील प्रशांत विहार भागात झालेल्या स्फोटामागे खलिस्तानी समर्थक गट असल्याचा दावा दिल्ली पोलिसांनी केला आहे. तपासादरम्यान टेलिग्रामवरील एका चॅनेलवर स्फोटाचे सीसीटीव्ही फुटेज शेअर करण्यात आले आहे. रविवारी सकाळी रोहिणीच्या सेक्टर १४ मधील सीआरपीएफ शाळेजवळ मोठा स्फोट झाला. स्फोटक क्रूड बॉम्ब असल्याचे मानले जात असून, तपासासाठी एनआयए हस्तक्षेप करण्याची शक्यता आहे.

महाराष्ट्र विधानसभा निवडणुकांच्या पार्श्वभूमीवर शिवसेना (उद्धव ठाकरे) गटाच्या खासदार प्रियांका चतुर्वेदी यांचा एक व्हिडीओ व्हायरल झाला आहे. या व्हिडीओमध्ये त्यांनी पंतप्रधान नरेंद्र मोदींचं कौतुक केलं आहे. प्रियांका चतुर्वेदींनी मोदींना महान राजकारणी म्हटलं असून, त्यांच्या नेतृत्वाखाली भाजपाने मोठं यश मिळवलं असल्याचं सांगितलं आहे. काँग्रेस प्रदेशाध्यक्ष नाना पटोलेंनी या विधानावर प्रतिक्रिया देत प्रत्येक पक्षाला आपले अधिकार असल्याचं म्हटलं आहे.

'फॅब्युलस लाईव्ह्स व्हर्सेस बॉलीवूड वाईव्ह्ज'च्या तिसऱ्या सीझनमध्ये सीमा सजदेहने तिच्या वैयक्तिक आयुष्याबद्दल मोठा खुलासा केला आहे. सोहेल खानपासून घटस्फोट घेतल्यानंतर सीमा आता बिझनेसमन विक्रम आहुजाला डेट करतेय. विक्रम हा देवेंद्र आहुजाचा मुलगा असून, १९९० च्या दशकात सीमासोबत त्याचा साखरपुडा झाला होता. विक्रम बॉबी देओलचा मेहुणा आहे. शोमध्ये सीमाने विक्रमची ओळख महीप कपूर, भावना पांडे व नीलमला करून दिली.

भारतीय जनता पक्षाने आगामी महाराष्ट्र विधानसभा निवडणुकांसाठी ९९ उमेदवारांची पहिली यादी जाहीर केली आहे, ज्यात १३ महिला उमेदवारांचा समावेश आहे. महायुतीचे जागावाटप अद्याप जाहीर झालेले नसताना भाजपाच्या या यादीमुळे तर्क-वितर्कांना उधाण आले आहे. महाविकास आघाडीचे जागावाटप २२ ऑक्टोबरला जाहीर होईल, असे काँग्रेस प्रदेशाध्यक्ष नाना पटोले यांनी सांगितले. काँग्रेस-शिवसेना (उद्धव ठाकरे) वादावर पटोले यांनी कोणतेही वाद नसल्याचे स्पष्ट केले.

मराठी मालिकाविश्वातील आघाडीचा अभिनेता शशांक केतकर नेहमी सामाजिक समस्यांविषयी भाष्य करत असतो. काही दिवसांपूर्वी त्याने फिल्मीसिटी बाहेरील अस्वच्छतेबाबत महापालिकेकडे तक्रार केली होती. त्यानंतर तात्काळ महापालिकेने कारवाई करत फिल्मीसिटी बाहेरील कचरा उचलला. आता शशांकने मालाड येथील मालवणीमधील अस्वच्छतेबाबत आवाज उठवला आहे. शशांक नेमकं काय म्हणाला? जाणून घ्या…