“महाराष्ट्र विधानसभा निवडणुकीची तारीख…”, निवडणूक आयुक्त राजीव कुमार यांनी काय सांगितलं?
केंद्रीय निवडणूक आयोगाने महाराष्ट्र दौऱ्यानंतर पत्रकार परिषद घेतली. निवडणूक आयोगाचे प्रमुख राजीव कुमार यांनी आगामी निवडणुकांसाठी तयारीची माहिती दिली. राजकीय पक्षांनी दिवाळी लक्षात घेऊन निवडणूक तारीख ठरवण्याची विनंती केल्याचं त्यांनी सांगितलं. मतदारांना अडचण होणार नाही याची काळजी घेण्याचे निर्देश दिले. महाराष्ट्रात ९.५९ कोटी मतदार असून, विशेषतः वृद्ध, दिव्यांग आणि तृतीय पंथीय मतदारांसाठी विशेष व्यवस्था केली जाईल.