भाजपाने मुंबईतील पहिली बंडखोरी रोखली; पक्षातील नाराजी नाट्यावर अखेर पडदा!
भाजपाने ९९ उमेदवारांची पहिली यादी जाहीर केल्यानंतर काही इच्छूक उमेदवार नाराज झाले होते. कुलाबा विधानसभा मतदारसंघात विद्यमान आमदार राहुल नार्वेकर यांना पुन्हा उमेदवारी दिल्याने माजी मंत्री राज पुरोहित नाराज होते. मात्र, देवेंद्र फडणवीसांनी राज पुरोहितांची नाराजी दूर केली. राहुल नार्वेकर आणि राज पुरोहित यांनी संयुक्त पत्रकार परिषद घेऊन एकत्र काम करण्याचे आश्वासन दिले. २०२४ च्या निवडणुकीत कुलाब्यातील राजकीय समीकरणे पाहणे औत्सुक्याचे ठरणार आहे.