वजन नियंत्रणात ठेवेल दुधीची साल! पण ती कशाप्रकारे खावी? तज्ज्ञांनी सांगितले…

Bottle Gourd: दुधी भोपळ्याला इंग्रजीत ‘बॉटल गार्ड’ (Bottle Gourd) म्हणतात. दुधी अनेक पारंपरिक पदार्थांमध्ये एक महत्त्वाचा घटक आहे आणि दुधी आरोग्याच्या फायद्यांसाठी प्रसिद्ध आहे. या भाजीत एक मध्यम जाड साल असते, जी आतल्या भागाचे संरक्षण करते. सामान्यतः ती शिजवायच्या आधी काढली जाते. पण, तुम्ही कधी विचार केला आहे का की, दुधीच्या सालीचे सेवन करणे सुरक्षित आहे का? Indianexpress.com ने या प्रश्नावर तज्ज्ञांचा सल्ला घेतला आहे.

गेल्या काही दिवसांपासून अभिनेते राहुल सोलापूरकर हे छत्रपती शिवाजी महाराजांबाबत केलेल्या विधानामुळे चर्चेत आले होते. त्यांच्या विधानावरून वाद निर्माण झाला होता. त्यांनी शिवप्रेमींच्या भावना दुखावल्या असतील तर दिलगिरी व्यक्त केली आहे. सोलापूरकर यांनी स्पष्ट केले की, इतिहास रंजक करण्याच्या प्रयत्नात 'लाच' हा शब्द वापरला गेला. त्यांनी शिवाजी महाराजांचा अवमान करण्याचा हेतू नसल्याचे सांगितले.

महाराष्ट्रातील गुंतवणुकीच्या चर्चेच्या पार्श्वभूमीवर मुख्यमंत्री देवेंद्र फडणवीसांनी 'लोकसत्ता वर्षवेध' अंकाच्या प्रकाशनावेळी विविध मुद्द्यांवर मोकळेपणाने उत्तरं दिली. त्यांनी 'मैत्री' पोर्टलच्या सुधारित आवृत्तीची घोषणा केली, ज्यामुळे उद्योजकांसाठी प्रक्रिया सुलभ होईल. स्थानिक गुंडगिरी आणि राजकीय खंडणीखोरीवर कठोर भूमिका घेत, फडणवीसांनी पोलिसांना पूर्णाधिकार दिले आहेत. सिंगल विंडो व्यवस्थेची हमी देत, उद्योजकांच्या अडचणी सोडवण्याचे आश्वासन दिले.

आज पंतप्रधान नरेंद्र मोदींनी राहुल गांधींना उत्तर दिलं आहे. संविधानाचा उल्लेख करत मोदी म्हणाले, "जे लोक खिशात संविधान घेऊन फिरतात त्यांना हे कळणार नाही की मुस्लिम महिलांवर तुम्ही काय वेळ आणली होती. आम्ही ट्रिपल तलाकचा खात्मा केला आणि संविधानानुसार मुस्लिम मुलींना समानतेचा अधिकार दिला. आम्ही संविधानाचा सन्मान करणारे आणि संविधान जगणारे लोक आहोत."

ग्रहांचा राजकुमार बुध हा नऊ ग्रहांमधील खूप खास ग्रह मानला जातो. बुध ग्रह बौद्धिक क्षमता, प्रगती, व्यवसाय, ज्ञान, शिक्षण, वादविवाद इत्यादींचा कारक मानला जातो; यामुळे बुध ग्रहाच्या राशी बदलाचा परिणाम सर्व राशींच्या जीवनावर प्रत्यक्ष अप्रत्यक्षरित्या होत असतो. बुध ग्रहाचा २१ जानेवारी रोजी अस्त झाला. आता २२ फेब्रुवारी रोजी संध्याकाळी ७ वाजता बुधाचा कुंभ राशीत उदय होईल. कुंभ राशीत बुध राशीच्या उदयामुळे अनेक राशींना फायदा होईल, पण अशा तीन राशी आहेत, ज्यांना भरपूर फायदे मिळू शकतात.

Bowel movement problems : अनेकांचं रोज पोट नीट साफ होत नाही. अशानं कामात मन लागत नाही आणि मग विविध आजारांचा धोका वाढतो. पोट साफ न होण्याचं मुख्य कारण म्हणजे बद्धकोष्ठता. खाण्या-पिण्याच्या चुकीच्या सवयींमुळे हल्ली अनेकांना हा त्रास जाणवतोय. पण, पोट साफ न होण्यामागे आणखी काही वेगळी कारणं आहेत का? त्यामुळे आरोग्यावर नेमका काय परिणाम होतो? याविषयी डॉक्टरांकडून जाणून घेऊ…

Success story of Kokila: प्रत्येक व्यक्तीच्या आयुष्यात अडचणींनी भरलेला काळ येतो, परंतु त्या काळातून कसे लढायचे आणि कसे बाहेर पडायचे हे त्या व्यक्तीला माहीत असले पाहिजे. आज आपण एका अशा महिलेची कहाणी जाणून घेणार आहोत, जिने तिच्या कठीण काळातही हार मानली नाही आणि वयाच्या ४२ व्या वर्षी स्वतःचा व्यवसाय सुरू केला. या महिलेचं नाव आहे कोकिला.

आपल्या देशात एक पंतप्रधान होऊन गेले त्यांना मिस्टर क्लिन म्हटलं जायचं. त्यांनीच हे म्हटलं होतं की दिल्लीतून जेव्हा एक रुपया निघतो तेव्हा गावांमध्ये १५ पैसे पोहचतात. त्या कालावधीत तर पंचायत ते पार्लमेंट एकाच पक्षाचं राज्य होतं. त्यावेळी त्याच पंतप्रधानांनी हे वक्तव्य केलं होतं. अत्यंत खुबीने केलेली ती हातसफाई होती. असं म्हणत राजीव गांधींचं नाव न घेता पंतप्रधान नरेंद्र मोदी यांनी काँग्रेसला टोला लगावला.

सामाजिक कार्यकर्त्या अंजली दमानिया यांनी कृषी क्षेत्रातील कथित भ्रष्टाचार उघड केल्यानंतर राष्ट्रवादी काँग्रेसचे नेते धनंजय मुंडे यांनी सर्व आरोप फेटाळले. मुंडे यांनी दमानिया यांच्यावर सनसनाटी निर्माण करण्याचा आरोप केला. प्रत्युत्तरादाखल दमानिया यांनी पुरावे सादर केले आणि मुंडे यांच्यावर टीका केली. त्यांनी कृषी क्षेत्रातील भ्रष्टाचाराचे पुरावे सादर करत मुंडे यांचा राजीनामा मागितला.

कधीही धूम्रपान न करणार्‍यांमध्ये फुप्फुसाच्या कर्करोगाचे प्रमाण वाढत आहे आणि वायुप्रदूषण या वाढीस कारणीभूत ठरू शकते, असा धक्कादायक खुलासा एका नवीन अभ्यासातून समोर आला आहे. मंगळवारी जागतिक कर्करोग दिनानिमित्त 'द लॅन्सेट रेस्पिरेटरी मेडिसिन जर्नल'मध्ये हा अभ्यास प्रकाशित झाला

सिडकोने नवी मुंबईत २६,५०२ घरांची घोषणा केली होती, परंतु गरीब आणि अल्प उत्पन्न गटासाठी ही घरं महाग ठरली. अर्ज भरण्याची मुदतवाढ देऊनही फक्त २२,००० अर्ज आले. घरांच्या किमती २५ लाख ते ९७ लाख होत्या, ज्यामुळे सामान्य नागरिकांना परवडणाऱ्या नव्हत्या. सिडकोने अर्जदारांची मसुदा यादी जाहीर केली असून, अंतिम यादी १० फेब्रुवारीला जाहीर होणार आहे.

अभिनेते राहुल सोलापूरकर यांनी छत्रपती शिवाजी महाराजांच्या आग्र्याहून सुटकेबाबत केलेल्या विधानामुळे वाद निर्माण झाला आहे. छत्रपती शिवाजी महाराजांनी मिठाईच्या पेटाऱ्यांचा वापर न करता, लाच देऊन सुटका केली असा दावा केला आहे. यावरुन वाद निर्माण झाला आहे. राष्ट्रवादी काँग्रेसचे आमदार रोहित पवार यांनी या विधानावर टीका करत, अशा वादग्रस्त विधानांमागील हेतू शोधण्याची गरज व्यक्त केली आहे.

एका नेटकऱ्याने मांडलेल्या आर्थिक वर्गीकरणानुसार, मध्यमवर्गीयांची व्याख्या बदलली आहे. त्यानुसार, ६० लाखांपेक्षा कमी उत्पन्न असलेला प्रत्येक व्यक्ती गरीब आहे. १२ लाखांपर्यंत उत्पन्न करमुक्त केल्याच्या घोषणेनंतर सोशल मीडियावर मिम्सचा पाऊस पडला. काहींनी ६० लाख उत्पन्न असलेल्या व्यक्तीला गरीब म्हटल्याबद्दल खिल्ली उडवली, तर काहींनी पिढीजात संपत्तीबाबतच्या वक्तव्याचे समर्थन केले.

राज्यसभा खासदार सुनेत्रा पवार यांची तालिका अध्यक्ष म्हणून निवड झाली आहे. लोकसभा निवडणुकीत पराभूत झाल्यानंतर राष्ट्रवादी काँग्रेस (अजित पवार) पक्षाने त्यांना राज्यसभेवर पाठवले. पहिल्याच टर्ममध्ये त्यांच्यावर महत्त्वाची जबाबदारी सोपवण्यात आली आहे. नेते सुनील तटकरे यांनी एक्स पोस्टद्वारे त्यांचे अभिनंदन केले आणि नवीन जबाबदारीसाठी शुभेच्छा दिल्या.

Today’s Gold Silver Rate : केंद्रीय अर्थमंत्री निर्मला सीतारमण यांनी १ फेब्रुवारी २०२५ रोजी संसदेत देशाचा अर्थसंकल्प सादर केला. या अर्थसंकल्पानंतर सोन्या चांदीच्या दरात मोठी वाढ दिसून आली, सोन्याचा भाव ८२ हजार रुपये प्रति १० ग्रॅमवरुन थेट ८३ हजारांवर जाऊन पोहोचला. तर चांदीचा दर १ किलो चांदीचा दर थेट ९४ हजारांच्या पार गेला आहे. त्यामुळे अर्थसंकल्पानंतर सोन्या-चांदीच्या दरात घट होईल या आशेवर असलेल्या लोकांचा हिरमोड झाला आहे.

राज्याचे विद्यमान मुख्यमंत्री देवेंद्र फडणवीस यांचा शपथविधी ५ डिसेंबर रोजी झाला, परंतु ते अद्याप 'वर्षा' बंगल्यावर राहायला गेले नाहीत. यावर ठाकरे गटाचे प्रवक्ते संजय राऊत यांनी प्रश्न उपस्थित केला आहे. तसेच, राऊतांनी भाजपावर टीका करताना संसदेला 'लग्नाचा हॉल' असे संबोधले. फडणवीस वर्षावर झोपायला जाणार नाहीत, असा दावा राऊतांनी केला आहे.

देशातील राजकीय मुद्द्यांवर निषेध व्यक्त करण्यासाठी अनेक मान्यवर पुरस्कार परत करतात. संसदीय समितीनं अशा कृतीमुळे पुरस्काराचा मान राखला जात नाही, म्हणून पुरस्कार परत न करण्याची लेखी हमी आधीच घेण्याची शिफारस केली आहे. समिती अध्यक्ष संजय झा यांनी प्रतिज्ञापत्रावर सही घेण्याचा पर्याय सुचवला आहे. सांस्कृतिक मंत्रालयाने यावर पावलं उचलावी, असंही समितीनं नमूद केलं आहे.

Car Washing Tips: जेव्हा एखादी व्यक्ती नवीन कार घेते तेव्हा तो तिची खूप काळजी घेतो, परंतु कालांतराने त्याची देखभाल आणि स्वच्छतेकडे फारसे लक्ष देत नाही. लोक पाण्याचा वापर करून गाड्या धुतात, या पाण्याच्या फोर्समुळे अनेकदा गाडीच्या अशा भागांमध्ये पाणी जाते जिथे पाण्याचा थेंबही जायला नको. असे केल्याने गाडीचा तो नाजूक भाग खराब होऊ शकतो. म्हणूनच आज आपण कारमधील अशा भागांबद्दल जाणून घेणार आहोत जिथे पाण्याचा एक थेंबही जाऊ देणं धोकादायक ठरेल.

Fast Hacks For Removing Odor From Shoes : हिवाळ्यात पायांना भेगा पडू नये किंवा पायाची त्वचा मुलायम ठेवण्यासाठी बहुतेक जण शूजचा वापर करतात. पण शूज घातल्यानंतर अनेकांच्या पायांना खूप घाम येतो अशावेळी शूजमधून खूप दुर्गंधी येऊ लागते. तुम्ही शूज काढताच आजूबाजूचे लोक आधी नाकावर रुमाल धरतात. अशावेळी अत्यंत लाजिरवाणे वाटते. अनेकजण पायांना येणाऱ्या दुर्गंधीने शूज वापरणं सोडून देतात.

डिजिटल क्रिएटर टेड कार (Ted Carr) यांच्या मते, स्नायू वाढवण्यासाठी पपई आणि आंब्यावर अवलंबून राहणे शक्य आहे. हे ऐकून आम्हालाही तितकेच आश्चर्य वाटले, जितके तुम्हाला वाटेल! स्नायू वाढवण्यासाठी आंबा आणि पपई खरोखरच प्रथिनांना चांगला पर्याय असू शकतात का हे समजून घेण्यासाठी, इंडियन एक्स्प्रेसने एकाहोलिस्टिक न्यूट्रिशनिस्टशी संवाद साधला. काय म्हणाले तज्ज्ञ...

मुंबई ही महाराष्ट्राची राजधानी असून आर्थिक फसवणुकीत आघाडीवर आहे. महाराष्ट्र सरकारच्या गृह विभागाच्या आकडेवारीनुसार, गेल्या वर्षभरात राज्यात २,१९,०४७ आर्थिक फसवणुकीचे गुन्हे नोंदवले गेले. मुंबईत ५१,८७३ प्रकरणे तर पुण्यात २२,०५९ प्रकरणे नोंदली गेली. ठाणे, नागपूर, नाशिक, छत्रपती संभाजीनगर, अमरावती, सोलापूर आणि इतर जिल्ह्यांमध्येही मोठ्या प्रमाणात फसवणूक झाली आहे. प्रशासनाने नागरिकांना सावध राहण्याचे आवाहन केले आहे.

Guru Margi 2025 : वैदिक ज्योतिषशास्त्रानुसार, गुरु ग्रह ज्ञान, समृद्धी, ज्योतिष, शिक्षण आणि वैवाहिक सुखाचा कारक मानला जातो. त्यामुळे गुरुच्या हालचालीच्या बदलाने सर्व क्षेत्रांवर विशेष परिणाम दिसून येतो. यात गुरु ९ ऑक्टोबर २०२४ रोजी सकाळी १० वाजून ०१ मिनिटांनी वृषभ राशीत वक्री झाला आणि २ फेब्रुवारी २०२५ रोजी मार्गी झाला, म्हणजे सरळ चाल केली; यामुळे काही राशींचे नशीब आता पालटू शकते. या लोकांच्या संपत्तीत वाढ होऊ शकते. नेमकं कोणत्या राशींना याचा फायदा होईल जाणून घेऊ…

२०१४ साली मलेशियन एअरलाईन्सचं MH370 विमान बेपत्ता झालं, ज्यात पाच भारतीय नागरिक होते. पुण्यातील प्रल्हाद शिरसाट यांच्या पत्नी क्रांती शिरसाटही यात होत्या. विमानाचा शोध लागला नाही, आणि २०१७ मध्ये शोधमोहीम थांबवली. डिसेंबर २०२४ मध्ये मलेशिया सरकारने पुन्हा शोधमोहीम सुरू करण्यास मान्यता दिली. प्रल्हाद शिरसाट यांनी आशा सोडली असून, मलेशियन सरकारवर विश्वास नसल्याचं सांगितलं.

बीड सरपंच हत्या प्रकरण धनंजय मुंडे यांच्या मंत्रीपदापर्यंत पोहोचले आहे. आरोपी वाल्मिक कराड याच्याशी संबंध असल्याने मुंडे चर्चेत आहेत. विरोधक त्यांच्या राजीनाम्याची मागणी करत आहेत. सामाजिक कार्यकर्त्या अंजली दमानिया यांनी अजित पवारांना पुरावे दिले, पण कारवाई न झाल्याने मंगळवारी मोठा गौप्यस्फोट करण्याचा इशारा दिला आहे. दमानियांनी मुंडे, फडणवीस, आणि पवार यांच्यावर टीका केली आहे.

अहिल्यानगरमध्ये रविवारी महाराष्ट्र केसरी स्पर्धेची उपांत्य व अंतिम फेरी पार पडली. पुण्याचा पैलवान पृथ्वीराज मोहोळ महाराष्ट्र केसरी ठरला. उपांत्य फेरीत शिवराज राक्षे विरुद्ध मोहोळ यांच्यातील सामन्यात पंचांनी ४० सेकंदात मोहोळला विजयी घोषित केलं. या निर्णयावर शिवराजने आक्षेप घेतला व पंचाला लाथ मारली. त्यामुळे शिवराजला तीन वर्षांसाठी निलंबित करण्यात आलं. शिवराजने पंचांच्या निर्णयावर टीव्ही ९ ला प्रतिक्रिया दिली.

दरवर्षी प्रमाणे यंदाचही लॉस एंजेलिसमध्ये ‘ग्रॅमी पुरस्कार’ सोहळा आयोजित करण्यात आला होता. या भव्य सोहळ्यात काही कलाकार पुरस्कार स्वीकारण्यासाठी आले होते, तर काहींनी आपल्या जबरदस्त परफॉर्मन्सने प्रेक्षकांना आश्चर्य चकीत केलं. तसंच काही सेलिब्रिटींनी आपल्या अनोख्या लूकने सगळ्यांचं लक्ष वेधून घेतलं. यापैकी एक म्हणजे कान्ये वेस्टची ( Kanye West ) पत्नी बियांका सेंसरी ( Bianca Censori ). बियांका ‘ग्रॅमी पुरस्कार’ सोहळ्याच्या रेड कार्पेटवर थेट नग्न झाली. तिचे फोटो आणि व्हिडीओ सध्या खूप व्हायरल झाले आहेत.

रविवारी संध्याकाळी पुणे-मुंबईकरांना आंतरराष्ट्रीय अवकाश स्थानक (ISS) नुसत्या डोळ्यांनी पाहण्याची संधी मिळाली. भारतीय वंशाच्या सुनीता विल्यम्स यांच्यासह इतर अंतराळवीर सध्या या स्थानकात आहेत. हे स्थानक पृथ्वीपासून ४०० किमी अंतरावर असून, ७ किमी/सेकंद वेगाने पृथ्वीभोवती ९०-१०० मिनिटांत एक प्रदक्षिणा पूर्ण करतं. प्रसाद दीक्षित यांनी या घटनेचा व्हिडीओ 'लोकसत्ता'ला शेअर केला.

दिग्गज गायक उदित नारायण खूप चर्चेत आहेत. उदित नारायण यांचा एक वादग्रस्त व्हिडीओ सोशल मीडियावर प्रचंड व्हायरल झाला आहे. या व्हिडीओत ते लाइव्ह कॉन्सर्टमध्ये काही महिलांच्या गालावर, तर काही जणींच्या ओठांवर चुंबन घेताना दिसत आहे. त्यामुळे उदित नारायण यांच्यावर सध्या टीकास्त्र होतं आहे. अशातच दुसऱ्या बाजूला उदित नारायण यांनी भारतरत्न मिळण्याची इच्छा व्यक्त केली आहे. तसंच व्हायरल झालेल्या व्हिडीओबाबत “मला कसलाही पश्चाताप झाला नाही”, असं वक्तव्य उदित नारायण यांनी केलं आहे.

महाकुंभ २०२५ चे तिसरे आणि शेवटचे अमृत स्नान ३ फेब्रुवारी रोजी होणार आहे.३ फेब्रुवारी रोजी सूर्य आणि बुध मकर राशीत असतील, ज्यामुळे बुधादित्य राजयोग निर्माण होईल.ज्योतिषशास्त्रात हा योग शुभ मानला जातो. त्याच वेळी, शनि त्यांच्या घरात कुंभ राशीत, गुरु वृषभ राशीत आणि शुक्र मीन राशीत असेल. अशा परिस्थितीत, ग्रहांच्या स्थितीमुळे, काही राशी असलेल्या लोकांना भाग्याची साथ मिळू शकते.

केंद्रीय अर्थसंकल्पात १२ लाखांपर्यंतचं उत्पन्न करमुक्त करण्याची घोषणा करण्यात आली. पंतप्रधान मोदींनी निर्मला सीतारमण यांचं अभिनंदन केलं. सत्ताधारी पक्षांनी स्तुती केली, तर विरोधकांनी फसवणूक असल्याचा दावा केला. ठाकरे गटानं गणित मांडून ही घोषणा फोल असल्याचं सांगितलं. त्यांनी बजेट निवडणूकप्रधान असल्याचं म्हटलं आणि महागाई व बेरोजगारी कमी होणार नसल्याचा सवाल उपस्थित केला.

काही दिवसांपूर्वी अभिनेत्री तेजश्री प्रधानने 'प्रेमाची गोष्ट' मालिकेला रामराम केला. त्यामुळे आता मालिकेत मुक्ताच्या भूमिकेत तेजश्री ऐवजी अभिनेत्री स्वरदा ठिगळे पाहायला मिळत आहे. पण, तेजश्रीच्या एक्झिटचा मोठा परिणाम मालिकेवर झाल्याचं समोर आलं आहे. 'प्रेमाची गोष्ट' मालिकेचा टीआरपी मोठ्या प्रमाणात घसरला आहे.