न्यूझीलंड आणि अफगाणिस्तान यांच्यातील कसोटी सामना ग्रेटर नोएडा स्टेडियममध्ये ९ सप्टेंबरपासून खेळवला जाणार होता, परंतु ओली आऊटफिल्ड आणि साधारण सुविधांमुळे दोन्ही दिवसांचा खेळ रद्द झाला. पावसामुळे मैदानाची दुरावस्था झाली असून, स्वयंपाकासाठी टॉयलेटमधील पाणी वापरले जात असल्याचे धक्कादायक फोटो समोर आले आहेत. अफगाणिस्तान क्रिकेट बोर्डाने या सुविधांवर आक्षेप घेतला आहे.
अरविंद केजरीवाल यांच्या राजीनाम्यानंतर दिल्लीच्या मुख्यमंत्रीपदासाठी आतिशी यांची निवड करण्यात आली. त्यामुळे शीला दीक्षित यांच्यानंतर दिल्लीला पहिली महिला मुख्यमंत्री मिळाली. आतिशी यांचं पूर्ण नाव आतिशी मार्लेना सिंग आहे, पण त्या फक्त 'आतिशी' नाव वापरतात. २०१८ मध्ये भाजपाच्या प्रचारामुळे त्यांनी 'मार्लेना' नाव काढलं असं सांगितलं जातं. त्यांच्या आई-वडिलांनी कार्ल मार्क्स आणि व्लादिमीर लेनिन यांच्या नावांवरून 'मार्लेना' ठेवलं होतं.
ICC Women's T20 World Cup 2024: महिला टी-२० विश्वचषक २०२४ २९ सप्टेंबरपासून UAE मध्ये सुरू होत आहे. पहिला सामना ३ ऑक्टोबरला शारजाह क्रिकेट स्टेडियमवर होईल. ICC ने एकूण बक्षीस रक्कम वाढवून ७.९५८ मिलियन डॉलर्स केली आहे. विजेत्याला २.३५ मिलियन डॉलर, उपविजेत्याला १.१७ मिलियन डॉलर मिळतील. १० संघ दोन गटांत विभागले आहेत. अंतिम सामना २० ऑक्टोबरला होईल.
BJP MLA Sarita Bhadauria Viral Video : पंतप्रधान नरेंद्र मोदी यांनी सोमवारी अहमदाबाद येथून व्हिडीओ कॉन्फरन्सिंगच्या माध्यमातून आग्रा-वाराणसी वंदे भारत एक्स्प्रेस ट्रेनला हिरवा झेंडा दाखवला. दरम्यान, या वंदे ट्रेनच्या उद्घाटन कार्यक्रमासाठी अनेक राजकीय नेतेमंडळी इटावा स्थानकावर पोहोचली होती. यावेळी इटावातील भाजपा आमदार सरिता भदौरियादेखील कार्यक्रमस्थळी पोहोचल्या होत्या. मात्र, यावेळी त्यांच्याबरोबर एक धक्कादायक घटना घडली. या घटनेतून त्या थोडक्यात बचावल्या. या घटनेचा एक व्हिडीओ आता सोशल मीडियावर व्हायरल होत आहे.
कोकण रेल्वे कॉर्पोरेशन लिमिटेडने १९० रिक्त पदांसाठी भरती प्रक्रिया सुरू केली आहे. महाराष्ट्र, गोवा आणि कर्नाटकातील पात्र उमेदवार ६ ऑक्टोबरपर्यंत अर्ज करू शकतात. विविध विभागांमध्ये वरिष्ठ विभाग अभियंता, तंत्रज्ञ, असिस्टंट लोको पायलट, स्टेशन मास्टर, ट्रॅक मेंटेनर, गुड्स ट्रेन मॅनेजर, पॉइंट्स मॅन, व्यावसायिक पर्यवेक्षक यांसारख्या पदांसाठी भरती होणार आहे. जमीन गमावणारे उमेदवार, एम्प्लॉयमेंट एक्स्चेंजमध्ये नोंदणीकृत उमेदवार आणि KRCL कर्मचारी यांना प्राधान्य दिले जाईल. वयोमर्यादा १८ ते ३६ वर्षे आहे.
महाराष्ट्रात येत्या दोन महिन्यांत विधानसभा निवडणुका होणार आहेत. सत्ताधारी महायुती आणि विरोधी महाविकास आघाडीने जोरदार तयारी केली आहे. उपमुख्यमंत्री अजित पवार यांनी पुण्यातील दगडूशेठ हलवाई मंडळात पूजा केली आणि माध्यमांशी संवाद साधला. त्यांनी मुख्यमंत्री एकनाथ शिंदेंच्या विधानावर प्रतिक्रिया देत 'जनतेच्या मनातलं सरकार येईल' असं म्हटलं. तसेच, महायुती सरकारच्या योजनांची माहिती दिली आणि शेतकऱ्यांच्या मागण्या लवकर निकाली काढण्याची अपेक्षा व्यक्त केली.
कोलकाता येथील शासकीय रुग्णालयात डॉक्टर तरुणीवर बलात्कार व हत्या प्रकरणानंतर पश्चिम बंगालमधील सरकारी डॉक्टरांनी काही मागण्या घेऊन संप चलू केला आहे. दरम्यान, मुख्यमंत्री ममता बॅनर्जींनी डॉक्टरांच्या काही मागण्या मान्य केल्या आहेत. वैद्यकीय शिक्षण संचालक व आरोग्य सेवा संचालकांना हटवले असून, कोलकात्याचे पोलीस आयुक्त विनीत गोयल यांनाही हटवण्याचे आश्वासन दिले आहे.
भारत आणि बांगलादेश यांच्यात १९ सप्टेंबरपासून २ सामन्यांची कसोटी मालिका होणार आहे. या मालिकेपूर्वी भारतीय फिरकी गोलंदाज रविचंद्रन अश्विनने निवृत्तीबाबत वक्तव्य केले आहे. त्याने सांगितले की, सध्या निवृत्तीचा विचार नाही, परंतु जेव्हा खेळात सुधारणा करू शकणार नाही, तेव्हा निवृत्त होईन. अनिल कुंबळेच्या विक्रमाबाबतही अश्विनने किस्सा सांगितला आहे.
भाजपा खासदार आणि अभिनेत्री कंगना रणौत यांनी बॉलिवूडवर जोरदार टीका केली आहे. त्यांनी हिंदी सिनेसृष्टीत अभिनेत्रींचं शोषण होत असल्याचा आरोप केला आहे. करण जोहर, हवाला, ड्रग्ज याबाबतही त्यांनी वक्तव्य केलं. कंगनाच्या मते, बॉलिवूडमध्ये अभिनेत्रींना आदराने वागवलं जात नाही. त्यांनी सलमान आणि शाहरुखसोबत काम न केल्याबद्दलही मत व्यक्त केलं. कंगनाच्या मते, सिनेसृष्टीत दुटप्पी धोरण आहे.
शिवसेना शिंदे गटाचे आमदार संजय गायकवाड यांनी राहुल गांधींबाबत केलेल्या विधानामुळे खळबळ उडाली आहे. गायकवाड यांनी राहुल गांधींची जीभ छाटणाऱ्याला ११ लाखांचे बक्षीस देण्याची घोषणा केली. यावर उपमुख्यमंत्री अजित पवार यांनी सामाजिक सलोखा बिघडणार नाही, असे वर्तन ठेवण्याचे आवाहन केले. तसेच, राज्यात पुन्हा महायुतीचं सरकार येणार का, या प्रश्नावर पवारांनी मतदारांच्या मनात जे असेल, ते होईल, असे उत्तर दिले.
अर्जुन तेंडुलकरने कर्नाटकात सुरू असलेल्या के थिमप्पिया मेमोरियल स्पर्धेत गोव्याकडून खेळताना केएससीए इलेव्हनविरुद्ध भेदक गोलंदाजी केली. पहिल्या डावात ५ आणि दुसऱ्या डावात ४ विकेट घेत अर्जुनने एकूण ९ विकेट्स मिळवल्या. गोव्याने पहिल्या डावात ४१३ धावा करत १८९ धावांनी विजय मिळवला. अर्जुनने त्याच्या कामगिरीचा व्हिडीओ इंस्टाग्राम स्टोरीवर शेअर केला आहे.
'बिग बॉस मराठी' सीझन ५ मध्ये रविवारी (१५ सप्टेंबर) धमाल-मस्ती झाली. रितेश देशमुखने सदस्यांना त्यांच्या कुटुंबियांचे व्हिडीओ दाखवून भावुक केले. नॉमिनेशनमध्ये निक्की, अंकिता सेफ झाल्या आणि वैभव चव्हाण एलिमिनेट झाला. अरबाजने वैभवला अजून एक संधी देण्याची मागणी केली. पण ती मान्य झाली नाही. वैभवने घराबाहेर आल्यावर अरबाजबरोबरच्या मैत्रीबद्दल मत मांडले.
२०१२ साली अण्णा हजारे यांच्या भ्रष्टाचारविरोधी आंदोलनामुळे केंद्रातील मनमोहन सिंग सरकारविरोधात व्यापक जनमत तयार झालं. २०१३ साली 'कोलगेट' घोटाळ्यामुळे सीबीआयवर टीका झाली. न्यायमूर्ती लोढा यांनी सीबीआयला 'पिंजऱ्यातला पोपट' म्हटलं. २०१४ मध्ये नरेंद्र मोदी पंतप्रधान झाले. अलीकडे, अरविंद केजरीवाल यांना जामीन मंजूर करताना न्यायमूर्ती भुयान यांनी सीबीआयला 'मुक्त पोपट' होण्याची गरज व्यक्त केली.
आशियाई चॅम्पियन्स ट्रॉफी २०२४ च्या उपांत्य फेरीत भारतीय हॉकी संघाने दक्षिण कोरियाचा ४-१ ने पराभव करत अंतिम फेरीत प्रवेश केला. कर्णधार हरमनप्रीत सिंगने दोन गोल करत संघाच्या विजयात मोलाचे योगदान दिले. जरमनप्रीत सिंगला सामनावीर घोषित करण्यात आले. अंतिम फेरीत भारताचा सामना चीनशी होणार आहे, ज्याने पाकिस्तानला पेनल्टी शूटआऊटमध्ये पराभूत केले. अंतिम सामना १७ सप्टेंबर रोजी होणार आहे.
IFA Officer Apala Mishra Success Story : कोणत्याही परीक्षेत यश मिळविण्यासाठी तुम्ही मानसिकदृष्ट्या खंबीर असणे खूप गरजेचे असते. मानसिकदृष्ट्या जर तुम्ही खंबीर असाल, तर कोणतेही ध्येय सहज साध्य करू शकता. अशीच एक कहाणी आहे डॉक्टर बनलेल्या आयएएस अधिकारी अपाला मिश्रा यांची. मानसिकदृष्ट्या खंबीर होत त्यांनी यूपीएससीची तयारी सुरू केली आणि ऑल इंडिया रँक ९ मिळवून आयएएस अधिकारी बनण्याचे स्वप्न पूर्ण केले. आज आपण आयएएस अधिकारी अपाला मिश्रा यांचा प्रवास नेमका कसा होता ते जाणून घेऊ..
जयपूर येथे राहणारे कपिल गर्ग हे सॉफ्टवेअर इंजिनिअर आहेत. त्यांनी MNC मध्ये आठ वर्षे काम केलं. त्यानंतर नोकरी सोडून रंगीबेरंगी मोजे विकण्याचा व्यवसाय सुरू केला. यामध्ये त्यांची पत्नी विधी गर्गने त्यांना पूर्णपणे साथ दिली. त्यांच्या 'ठेला गाडी' कंपनीची वार्षिक उलाढाल आता कोटींवर पोहोचली आहे. कपिल यांनी २०१८ मध्ये फक्त एक लाख रुपयांपासून हा व्यवसाय सुरू केला होता. चला तर मग, कपिल गर्ग यांच्या यशाच्या प्रवासाविषयी जाणून घेऊ या.
‘बिग बॉस मराठी’ पाचव्या पर्वात आता नऊ सदस्य बाकी राहिले आहेत. सातव्या आठवड्यात दोन सदस्य घराबाहेर झाले. एक म्हणजे आर्या जाधव आणि दुसरा वैभव चव्हाण. कॅप्टन्सी टाक्समध्ये निक्कीला कानशिलात लगावल्यामुळे ‘बिग बॉस’ने आर्याला कठोर शिक्षा सुनावत थेट बाहेरचा रस्ता दाखवला. त्यानंतर वैभव चव्हाण एलिमिनेट झाला. यावेळी अरबाज आणि जान्हवी ढसाढसा रडताना पाहायला मिळाले. अरबाजने रितेश देशमुखकडे वैभवला एक संधी देण्याची विनंती केली. पण तसं काही झालं नाही. ‘बिग बॉस’च्या घरात नेमकं काय चुकलं? याविषयी वैभवने आपलं परखड मत मांडलं आहे.
पोट फुगणे ही एक सामान्य पचन समस्या आहे, ज्याची कारणे विविध असू शकतात. दी इंडियन एक्स्प्रेसने डॉक्टर अक्षत चढ्ढा यांच्याशी संवाद साधून पोट फुगण्याची कारणे उलगडली आहेत. या यादीमध्ये जास्त वेळ बसणे, घट्ट कपडे घालणे, च्युइंगम खाणे ही प्रमुख कारणं नमूद केली आहेत; ज्यामुळे एखाद्याला वारंवार पोट फुगल्यासारखं वाटू शकतं. तर या सवयींचा आपल्या आरोग्यावर कसा परिमाण होतो ते आपण या लेखातून जाणून घेणार आहोत.
भारतात CNG हॅचबॅक कार्सची मागणी सातत्याने वाढत आहे. बाजारात उपलब्ध असलेल्या स्विफ्ट सीएनजी आणि टियागो सीएनजी या दोन लोकप्रिय कार्समधली सर्वात मोलाची CNG हॅचबॅक कार कोणती, हे आज आपण जाणून घेणार आहोत.
रविवारी ( १५ सप्टेंबर ) 'बिग बॉस मराठी'मधून आर्यानंतर आणखी एक सदस्य एलिमिनेट झाला तो म्हणजे वैभव चव्हाण. सरप्राइज देण्यासाठी ‘बिग बॉस’च्या घरात गेलेला रितेश देशमुख वैभवला घराबाहेर घेऊन आला. त्यानंतर नेहमीप्रमाणे मॅच्युअल फंड कॉइनचा वारसदार वैभवने जाहीर केला. त्याने अरबाज आणि जान्हवीला आपल्या मॅच्युअल फँडचे कॉइन दिले आणि तो घराबाहेर पडला. ‘बिग बॉस’च्या घरातील दीड महिन्यांचा प्रवास वैभवसाठी कसा होता? जाणून घ्या.
'बिग बॉस मराठी'च्या पाचव्या पर्वात अमरावतीची रॅपर आर्या जाधवने निक्की तांबोळीला मारल्यामुळे तिला शोमधून बाहेर काढण्यात आलं. प्रेक्षकांनी या निर्णयावर नाराजी व्यक्त केली. आर्याने इन्स्टाग्राम लाइव्हद्वारे चाहत्यांचे आभार मानले आणि निक्कीवर हात उचलण्यामागचं कारण स्पष्ट केलं. आर्याने पुन्हा शोमध्ये जाण्याची इच्छा व्यक्त केली.
हस्तांदोलन ही फक्त अभिवादन करण्याची पद्धत नाही; तर व्यावसायिक क्षेत्रात याला अनन्यसाधारण महत्त्व आहे. पण, तुम्हाला माहीत आहे का की हस्तांदोलनाचा थेट संबंध आपल्या हृदय व रक्तवाहिन्यांशी येतो. हे खरं आहे का, हे जाणून घेण्यासाठी दी इंडियन एक्स्प्रेसनं तज्ज्ञांच्या हवाल्यानं याविषयीची माहिती जाणून घेतली.
बिग बॉस मराठीच्या पाचव्या पर्वातील सातव्या आठवड्यात आर्या जाधवने निक्कीच्या कानशिलात लगावल्याने तिला घरातून निष्कासित करण्यात आले. आर्याने इन्स्टाग्रामवर लाइव्ह येत तिच्या चुकीची कबुली दिली आणि निक्कीच्या गेमबद्दल मत मांडलं. तिने बिग बॉस स्क्रिप्टेड नसल्याचं स्पष्ट केलं.
'अनुपमा' मालिकेत काव्याची भूमिका साकारणारी मदालसा शर्मा हिने मालिका सोडली आहे. मदालसा, मिथुन चक्रवर्ती यांची सून आहे. सुधांशू पांडेने मालिका सोडल्यानंतर मदालसानेही हा निर्णय घेतला. तिच्या भूमिकेला लोकप्रियता मिळाली होती, परंतु कथा पुढे सरकल्याने तिच्या भूमिकेत करण्यासारखे काही उरले नव्हते. कुटुंबाच्या सल्ल्यानुसार तिने हा निर्णय घेतला.
नुकत्याच झालेल्या ‘भाऊच्या धक्का’वर धमाल, मस्ती आणि भावुक क्षण पाहायला मिळाले. या धक्क्यावर रितेश देशमुखने घरातील सर्व सदस्यांना मोठं सरप्राइज दिलं. स्वतः ‘बिग बॉस’च्या घरात जाऊन रितेशने सदस्यांच्या कुटुंबियांचा संदेश व्हिडीओच्या माध्यमातून पोहोचवला. हे पाहून सर्व सदस्य भावुक झालेले पाहायला मिळाले. रविवार झालेल्या धक्क्याच्या शेवटी वैभव चव्हाण एलिमिनेट झाला. रितेश वैभवला घेऊन घराबाहेर आला. आता आठव्या आठवड्यात काय-काय घडणार? हे पाहणं उत्सुकतेच असणार आहे. अशातच धनंजय पोवार अंकितावर नाराज असल्याचं समोर आलं आहे.
अलीकडेच ऐश्वर्या ‘साउथ इंडियन इंटरनेशनल मूव्ही अवार्ड्स’ (SIIMA 2024) या पुरस्कार सोहळ्यासाठी दुबईला गेली. यावेळी नेहमीप्रमाणे ऐश्वर्या लाडकी लेक आराध्यासह दुबईला रवाना होताना दिसली. यादरम्यान तिच्या बोटात लग्नाची अंगठी नसल्यामुळे पुन्हा एकदा घटस्फोटाच्या चर्चांना आणखीच उधाण आलं. पण असं असलं तरी SIIMA 2024 पुरस्कार सोहळ्यात आराध्या ऐश्वर्याची सपोर्ट सिस्टिम म्हणून पाहायला मिळाली. या सोहळ्यातील ऐश्वर्या व आराध्याचे अनेक व्हिडीओ व्हायरल झाले आहेत.
भारतीय संघ सध्या बांगलादेशविरुद्धच्या कसोटी मालिकेसाठी चेन्नईमध्ये सराव करत आहे. सरावादरम्यान विराट कोहलीने चेपॉक स्टेडियमच्या भिंतीला फटका मारून भगदाड पाडले. हा व्हिडिओ सोशल मीडियावर व्हायरल झाला आहे. विराट बऱ्याच कालावधीनंतर कसोटीत पुनरागमन करणार आहे. बांगलादेशने पाकिस्तानविरुद्ध कसोटी मालिका जिंकली असून, भारतात पहिली कसोटी मालिका जिंकण्याचा त्यांचा प्रयत्न आहे.
'तुंबाड' चित्रपटाची सहा वर्षांनंतर थिएटर्समध्ये री-रिलीझ झाली आहे आणि प्रेक्षकांचा चांगला प्रतिसाद मिळत आहे. १३ सप्टेंबर रोजी प्रदर्शित झालेल्या या चित्रपटाने तीन दिवसांत ७.५० कोटी रुपयांची कमाई केली आहे. २०१८ मध्ये प्रदर्शित झालेल्या 'तुंबाड'ने १२ कोटी रुपयांचे कलेक्शन केले होते.
भारतीय तरुणांची जिद्द, त्यांची आवड अन् परिश्रम यामुळे अर्थव्यवस्थेत एक प्रकारचा इतिहासच घडत आहेत. आजकाल तरुण स्टार्टअप्स, व्यवसाय करण्यासाठी आपणहून पुढाकार घेत असले तरी उद्योग क्षेत्रात पाऊल ठेवण्यासाठी जीवनातील अनुभव तुम्हाला खूप मोठी मदत करतो. असाच अनुभव गाठीशी घेऊन प्रसिद्ध उद्योजक रवी मोदी यांनी ‘वेदांत फॅशन्स’ अन् ‘मान्यवर’ची निर्मिती केली.
गेल्या दीड वर्षांपासून मनोज जरांगे पाटील मराठा आरक्षणासाठी आंदोलन व उपोषण करत आहेत. त्यांच्या मागण्या शासनाने मान्य न केल्यामुळे त्यांनी पुन्हा उपोषण सुरू केले आहे. त्यांनी राज्य सरकारला इशारा देत तातडीने मागण्या पूर्ण करण्याची मागणी केली आहे. मराठा समाजाला कुणबी प्रमाणपत्र देणे, सगेसोयऱ्यांची अंमलबजावणी आणि बलिदान दिलेल्या कुटुंबांना नोकऱ्या देणे या त्यांच्या प्रमुख मागण्या आहेत.
भारतीय यष्टीरक्षक फलंदाज केएल राहुल सध्या बांगलादेशविरूद्धच्या कसोटी मालिकेच्या तयारीत आहे. आयपीएलमध्ये लखनौ सुपर जायंट्ससाठी सलग ३ हंगाम कर्णधार असलेल्या राहुलच्या संघातील भविष्याबाबत चर्चा सुरू आहे. त्याच्या जुन्या संघ रॉयल चॅलेंजर्स बंगळुरूमध्ये पुनरागमनाची शक्यता आहे. एका व्हिडिओमध्ये राहुलने आरसीबीमध्ये परतण्याची आशा व्यक्त केली आहे. लखनौ संघ त्याला रिलीज करेल अशीही शक्यता आहे.