कुस्तीपटू विनेश फोगट १०० ग्रॅम वजन जास्त भरल्यामुळे ५० किलो वजनी गटात अंतिम फेरीआधीच अपात्र ठरली, ज्यामुळे भारताचे निश्चित पदक हुकले. वेटलिफ्टिंगमध्ये मीराबाई चानूला कांस्यपदक मिळवण्यात अपयश आले. अवघ्या एक किलोच्या फरकाने ती चौथ्या स्थानावर राहिली. चीनच्या कोऊ झिहुईने सुवर्णपदक, रोमेनियाच्या व्हॅलेंटिनाने रौप्यपदक आणि थायलंडच्या सुरोचनाने कांस्यपदक जिंकले.
राज्यातील दोन वर्षांतील राजकीय उलथापालथीमुळे पक्ष फोडण्याचे अनेक प्रयोग झाले. अजित पवारांना शरद पवार माफ करतील का, हा प्रश्न निवडणुकीच्या निमित्ताने चर्चेत आहे. शरद पवारांनी विचारधारेच्या भिन्नतेवर जोर देत, विचारधारा जुळल्यास परतीचे दरवाजे उघडे असतील असे सूचित केले. आगामी निवडणुकीत ५०-६० जागा जिंकण्याची शक्यता त्यांनी व्यक्त केली.
‘झी मराठी’ वाहिनीवरील ‘वेध भविष्याचा’ कार्यक्रमातून घराघरात पोहोचलेले पंडित अतुलशास्त्री भगरे गुरुजी यांचा मुलगा अखिलेश भगरे लवकरच बोहल्यावर चढणार आहे. याबाबत भगरे गुरुजींची लेक अभिनेत्री अनघा अतुलने सोशल मीडियाद्वारे पोस्ट शेअर केली आहे. फेब्रुवारी महिन्यात अखिलेश भगरेच्या लग्नाची सुपारी फुटली. त्यानंतर मे महिन्यापासून लग्नाआधीच्या विधींना सुरुवात झाली. आता लवकरच भगरे गुरुजींचा मुलगा लग्नबंधनात अडकणार असून लग्नघराचा व्हिडीओ नुकताच अनघाने सोशल मीडियावर शेअर केला आहे.
बॉलीवूड अभिनेत्री रकुल प्रीत सिंग तिच्या फिटनेससाठी ओळखली जाते. ती नियमित व्यायाम करते आणि आहाराकडे विशेष लक्ष देते. एका मुलाखतीत तिने तिचा डाएट प्लॅन सांगितला. तिच्या दिवसाची सुरुवात गरम पाण्याने होते, त्यानंतर दालचिनीचे पाणी, बदाम, अक्रोड आणि तूप कॉफी घेते. नाश्त्यात अंडी व पोहे, दुपारच्या जेवणात भात किंवा ज्वारीची भाकर, मासे किंवा चिकन, आणि रात्रीच्या जेवणात कमी कार्बोदकं असलेले पदार्थ असतात.
निवडणूक प्रचाराच्या अंतिम टप्प्यात विविध नेत्यांच्या बॅगा तपासण्यावरून वाद निर्माण झाला आहे. उद्धव ठाकरे यांच्या आवाज उठवल्यानंतर अनेक नेत्यांनी यावर प्रतिक्रिया दिली. निवडणूक आयोगाच्या नियमावलीनुसार, फ्लाईंग स्क्वाड टीम (एफएसटी) आणि स्टॅटीक सर्विलन्स टीम (एसएसटी) या पथकांकडून बॅगा तपासल्या जातात. विरोधकांचा दावा आहे की त्यांना जाणीवपूर्वक टार्गेट केलं जातंय, परंतु निवडणूक आयोगाने सर्वपक्षीय नेत्यांच्या बॅगा तपासल्या जात असल्याचे स्पष्ट केले आहे.
मारुती सुझुकीने भारतात सोमवार, ११ नोव्हेंबर रोजी आपली नवीन जनरेशन २०२४ मारुती सुझुकी डिझायर लॉंच केली; जी सध्या चर्चेत आहे. जर तुम्ही मारुती डिझायर २०२४ खरेदी करण्याची तयारी करीत असाल; परंतु तुमचे बजेट आठ लाखांच्यादेखील आत असेल, तर तुम्हाला काळजी करण्याची गरज नाही. कारण- आज आम्ही तुम्हाला नवीन डिझायरच्या स्वस्त मॉडेलबद्दल माहिती देणार आहोत, जे तुमच्या बजेट रेंजमध्ये बसते.
गेल्या कित्येक वर्षांपासून ‘तारक मेहता का उल्टा चष्मा’ प्रेक्षकांचं अविरत मनोरंजन करत आहे. आजही मनोरंजनासाठी ‘तारक मेहता का उल्टा चष्मा’ मालिका घरोघरी आवर्जुन पाहिली जाते. याच मालिकेतील तुम्हाला सोनू भिडे आठवतेय का? अभिनेत्री झील मेहताने सोनू भिडेची भूमिका साकारली होती. हिच सोनू म्हणजे झील लवकरच बोहल्यावर चढणार आहे.
ज्येष्ठ अभिनेते मुकेश खन्ना यांनी 'शक्तीमान'च्या पोशाखात पत्रकार परिषद घेतली आणि रणवीर सिंगचा अपमान करण्याचा हेतू नसल्याचे स्पष्ट केले. शक्तीमानची भूमिका कोण करेल हे ठरवण्याचा अधिकार त्यांच्याकडे नसल्याचे त्यांनी सांगितले. रणवीर सिंग अजूनही ही भूमिका साकारण्यासाठी आतुर आहे, परंतु शक्तीमानसाठी खास चेहरा आवश्यक आहे. नवीन शक्तीमान कोण असेल हे अद्याप ठरलेले नाही.
‘कौन बनेगा करोडपती’चं सध्या १६वं पर्व सुरू आहे. नुकताच झालेला भाग हेतवी वासुदेव पटेलपासून सुरू झाला. हेतवी वासुदेव पटेलने आपल्या ज्ञानाच्या जोरावर १२ लाख ५० हजार रुपये जिंकले. त्यानंतर पुण्याची आशी सिंह हॉट सीटवर बसली. केबीसीमध्ये येणं हे आशीच्या वडिलांचं स्वप्न होतं. वडिलांच्या वाढदिवसाच्या दिवशीचं आशीने हॉट सीटपर्यंत पोहोचून त्यांना हे गिफ्ट दिलं.
महाराष्ट्र विधानसभेच्या निवडणुकीच्या पार्श्वभूमीवर भाजपात दोन मतप्रवाह दिसून येत आहेत. अशोक चव्हाण यांनी भाजपात असूनही सेक्युलर हिंदू असल्याचे सांगितले. पंकजा मुंडे यांनी "बटेंगे तो कटेंगे" घोषणेची आवश्यकता नसल्याचे म्हटले, तर अजित पवार यांनी महाराष्ट्राच्या जातीय सलोख्याचे महत्त्व अधोरेखित केले. या वक्तव्यांमुळे भाजपातच एकमत नसल्याची चर्चा होते आहे.
अनेक मराठी चित्रपट आणि मालिकांमध्ये विविधांगी भूमिका साकारणारे अभिनेते स्वप्नील राजशेखर सध्या ‘तुला शिकविन चांगलाच धडा’ मालिकेत पाहायला मिलत आहे. ‘झी मराठी’ वाहिनीवरील या मालिकेत स्वप्नील राजशेखर यांनी चारुहास ही भूमिका साकारली आहे. नुकतीच स्वप्नील राजशेखर यांनी ‘आरपार’ या युट्यूब चॅनेलला मुलाखत दिली. यावेळी पहिला प्रश्न त्यांना राजशेखर नावाविषयी विचारला. तुमचं खरं आडनाव काय आहे? आडनाव म्हणून राजशेखरचं का? असं स्वप्नील यांना विचारण्यात आलं. तेव्हा स्वप्नील यांनी राजशेखर नावामागची रंजक गोष्ट सांगितलं.
दाक्षिणात्य चित्रपट 'किष्किंधा कांडम' लवकरच ओटीटीवर प्रदर्शित होणार आहे. १२ सप्टेंबर रोजी थिएटरमध्ये रिलीज झालेल्या या मल्याळम चित्रपटाने ओणमच्या मुहूर्तावर १० पट कलेक्शन केले. आसिफ अली, अपर्णा बालमुरली आणि विजय राघवन यांच्या मुख्य भूमिका असलेल्या या चित्रपटाचे बजेट सात कोटी रुपये होते, तर जगभरात ७६.५२ कोटी रुपयांचे कलेक्शन केले. १९ नोव्हेंबर रोजी हा चित्रपट डिस्ने प्लस हॉटस्टारवर उपलब्ध होईल.
हरियाणातील नवीन आणि प्रवीण सिंधू या दोन भावांनी आश्चर्यकारक कामगिरी केली आहे. दोघेही स्वतःच्या घरी काश्मिरी केशर पिकवतात. त्यासाठी दोन्ही भावांनी इराण आणि इस्रायलचे प्रगत एरोपोनिक्स तंत्रज्ञान वापरले. त्यामध्ये झाडे मातीशिवाय हवेत वाढतात. या तंत्राने त्यांनी घराच्या गच्चीवर काश्मिरी केशर पिकवून लाखो रुपये कमावले आहेत. केशरला जगातील सर्वांत महाग मसाला, असे म्हटले जाते. चला, नवीन आणि प्रवीण सिंधूच्या यशाच्या प्रवासाविषयी जाणून घेऊ या.
'बिग बॉस' फेम अभिनेत्री व हरियाणवी डान्सर सपना चौधरी दुसऱ्यांदा आई झाली आहे. तिने गोंडस मुलाला जन्म दिला असून त्याचे नाव शाहवीर ठेवले आहे. हरियाणातील मदनहेडी गावात नामकरण सोहळा पार पडला, ज्यात पंजाबी व हरियाणवी इंडस्ट्रीतील स्टार्स व ३० हजारांहून अधिक लोक सहभागी झाले होते. सपना व वीर साहू यांनी २०२० मध्ये गुपचूप लग्न केले होते.
महाराष्ट्रातील आगामी निवडणुकीसाठी उमेदवार जोरदार प्रचार करत आहेत. माहीम विधानसभा मतदारसंघातून निवडणूक लढवणारे अमित ठाकरे यांना त्यांच्या कुटुंबीयांचा प्रचंड पाठिंबा मिळत आहे. त्यांनी युट्यूब चॅनेलला दिलेल्या मुलाखतीत पत्नी मितालीच्या सहकार्याबद्दल सांगितले. मिताली दररोज प्रचारात सहभागी होते. तसेच, आई, सासू-सासरे यांचाही १०० टक्के पाठिंबा मिळत असल्याचे अमित ठाकरे म्हणाले.
'बंदिनी' मालिकेतून प्रसिद्ध झालेली अभिनेत्री आसिया काझी तिच्या आंतरधर्मीय लग्नामुळे चर्चेत आहे. ती आणि तिचा बॉयफ्रेंड अभिनेता गुलशन नैन २९ नोव्हेंबरला लग्न करणार आहेत. आठ वर्षांच्या नात्यानंतर त्यांनी हा निर्णय घेतला. कुटुंबाचा विरोध असूनही त्यांनी एकमेकांची साथ सोडली नाही. त्यांच्या लग्नाला कुटुंबीय, नातेवाईक आणि मित्र उपस्थित राहणार आहेत.
राज्यात महाविकास आघाडी विरुद्ध महायुती उभी ठाकली आहे. मागील वेळी मुख्यमंत्री पदाच्या गणितावरून राजकीय उलथापालथ झाली होती. यंदा कोण मुख्यमंत्री होणार याकडे सर्वांचे लक्ष आहे. केंद्रीय मंत्री नितीन गडकरी यांनी भाजपचा मुख्यमंत्री असावा असे मत व्यक्त केले. अमित शाहांनी देवेंद्र फडणवीसांना मुख्यमंत्री पद देण्याचे संकेत दिले होते, परंतु निवडणुकीनंतर विचारमंथन होईल असेही त्यांनी स्पष्ट केले.
बॉलीवूड अभिनेता विक्रांत मॅसीने आपल्या कुटुंबातील धार्मिक विविधतेबद्दल खुलासा केला आहे. त्याचे वडील ख्रिश्चन, आई शीख, पत्नी हिंदू आणि भाऊ इस्लाम धर्माचे पालन करतात. विक्रांतने सांगितले की, त्याचे कुटुंब सर्व धर्मांचा आदर करते. त्याने करवा चौथला पत्नीच्या पाया पडल्यावर ट्रोलिंगला सामोरे जावे लागले होते. विक्रांतचा 'द साबरमती रिपोर्ट' हा चित्रपट १५ सप्टेंबरला प्रदर्शित होणार आहे.
महाराष्ट्र विधानसभा निवडणुकीचा प्रचार अंतिम टप्प्यात आहे. २८८ मतदारसंघांमध्ये प्रमुख लढत महायुती व महाविकास आघाडीमध्ये आहे. भाजपा उमेदवार पराग शाह यांना पायाला फ्रॅक्चर असूनही ते प्रचार करत आहेत. त्यांच्या कार्यकर्त्यांनी त्यांच्यासाठी गोल्फकार्टची व्यवस्था केली आहे. पराग शाह हे महाराष्ट्रातील सर्वात श्रीमंत उमेदवार आहेत. त्यांच्यासमोर राष्ट्रवादी काँग्रेसच्या राखी जाधव यांचं आव्हान आहे.
आपल्या डान्सने आणि कातिल अदांनी घायाळ करणारी बॉलीवूडची अभिनेत्री म्हणजे मलायका अरोरा. मलायका सध्या तिच्या वैयक्तिक आयुष्यामुळे खूप चर्चेत आहे. एकाबाजूला तिच्या वडिलांनी केलेली आत्महत्या आणि दुसऱ्याबाजूला अर्जुन कपूरबरोबर झालेला ब्रेकअप. मलायका संबंधित या दोन विषयावर सध्या चर्चा रंगल्या आहेत.
राज्यात निवडणूक प्रचार सुरू असून, नेत्यांच्या बॅगांची तपासणी केली जात आहे. उद्धव ठाकरे, देवेंद्र फडणवीस, अजित पवार यांच्या बॅगांची तपासणी झाल्यानंतर मुख्यमंत्री एकनाथ शिंदे यांच्या बॅगांचीही तपासणी करण्यात आली. पालघर दौऱ्यावर असताना शिंदे यांनी "माझ्या बॅगेत फक्त कपडे आहेत. युरिन पॉट नाहीय" असे म्हणत उद्धव ठाकरेंवर टीका केली. अजित पवारांनी तपासणीला सहकार्य करत निवडणुका निष्पक्ष होण्यासाठी हे आवश्यक असल्याचे म्हटले.
अमेरिका दौरा झाल्यानंतर आता पुन्हा एकदा आपल्या प्रेक्षकांचा खळखळून हसवण्यासाठी ‘महाराष्ट्राची हास्यजत्रा’मधील अवलीय कलाकार सज्ज झाले आहेत. ‘महाराष्ट्राची हास्यजत्रा’च्या चित्रीकरणाला सुरुवात झाली आहे. त्यामुळे या कार्यक्रमातील कलाकार सेटवरील मजा-मस्तीचे फोटो, व्हिडीओ सोशल मीडियावर शेअर करताना दिसत आहेत. अशातच प्राजक्ता माळीने देखील सेटवर एक व्हिडीओ शेअर केला आहे. ज्यामध्ये पृथ्वीक प्रतापसह हास्यजत्रेतील वादक अमीर हडकर ‘फुलवंती’ चित्रपटाचं कौतुक करताना दिसत आहेत.
२७ मेपासून सुरू झालेली ‘अबीर गुलाल’ मालिका अवघ्या सहा महिन्यात ऑफ एअर होणार आहे. या मालिकेत अभिनेता अक्षय केळकर, पायल जाधव, गायत्री दातार प्रमुख भूमिकेत आहेत. अल्पावधीतच ही मालिका प्रेक्षकांच्या पसंतीस पडली. पण, आता अचानक बंद केली जाणार आहे. याबाबत दोन दिवसांपूर्वी कलाकार मंडळींना कळालं. याविषयी अक्षय केळकर काय म्हणाला? जाणून घ्या…
२०१९ च्या विधानसभा निवडणुकीनंतर एनसीपी-भाजप सरकार स्थापनेसाठी झालेल्या बैठकीत गौतम अदाणी हजर होते, असा गौप्यस्फोट अजित पवारांनी केला होता. या वक्तव्यामुळे राज्याच्या राजकारणात खळबळ उडाली. विरोधकांनी उद्योगपती सरकार ठरवणार का, असा प्रश्न उपस्थित केला. मात्र, अजित पवारांनी नंतर अदाणी नव्हते असे सांगून घुमजाव केले. भाजपाने ही बैठक २०१७ मध्ये झाल्याचे सांगितले. सुप्रिया सुळेंनीही या बैठकीबद्दल अनभिज्ञता व्यक्त केली.
सर्वोच्च न्यायालयाने 'बुलडोझर कारवाई' प्रकरणात निकाल दिला आहे. न्यायालयाने गुन्ह्याचा आरोप असलेल्या व्यक्तीच्या घरावर बुलडोझर कारवाई करणं घटनाविरोधी असल्याचं स्पष्ट केलं. न्यायमूर्ती बी. आर. गवई आणि के. व्ही. विश्वनाथन यांच्या खंडपीठाने प्रशासनाच्या मनमानी कारभारावर वचक बसवण्यासाठी नियमावली जारी केली. राजस्थान आणि मध्य प्रदेशातील अशा कारवायांमुळे तणाव निर्माण झाला होता, ज्यावर न्यायालयाने निर्देश दिले आहेत.
Bigg Boss 18: 'बिग बॉस'च्या १८व्या पर्वाचा सध्या सहाव्या आठवडा सुरू आहे. गेल्या दोन आठवड्यांपासून विवियन डिसेना 'टाइम गॉड' ( Time God ) आहे. 'बिग बॉस'च्या १८व्या पर्वाचा पहिला 'टाइम गॉड' अरफीन खान झाला होता. त्यानंतर विवियनकडे ही जबाबदारी आली. गेले दोन आठवडे विवियन ही जबाबदारी पार पाडत आहे. पण आता सहाव्या आठवड्यात विवियननंतर मराठी अभिनेत्री 'टाइम गॉड' झाल्याचं समोर आलं आहे.
न्यायमूर्ती चांदिवाल यांनी अनिल देशमुख यांच्यावर १०० कोटींच्या खंडणीचा आरोप झाल्यानंतर नेमलेल्या समितीचा अहवाल २७ एप्रिल २०२२ रोजी उद्धव ठाकरेंना सादर केला होता. त्यांनी मुलाखतीत सांगितले की, अहवालातील बाबी शासनाला मान्य नसल्याने तो सार्वजनिक केला गेला नसावा. तसेच, चौकशीदरम्यान अडथळे आले आणि आवश्यक मदत मिळाली नाही. सचिन वाझे आणि अनिल देशमुख यांनी देवेंद्र फडणवीस यांना गुंतवण्याचा प्रयत्न केला होता.
सहाव्या आठवड्यात रजत आणि शिल्पा या दोघांपैकी एकजण टाइम गॉड होणार असल्याचं निश्चित झालं आहे. आता विवियन डिसेनानंतर कोण टाइम गॉड होतंय? हे पाहणं महत्त्वाचं असणार आहे. अशातच ‘बिग बॉस १८’चा एक प्रोमो खूप व्हायरल होतं आहे. ज्यामध्ये टास्कदरम्यान घरात मोठा राडा झाल्याचं पाहायला मिळत आहे.
सना मलिक यांनी एबीपी न्यूजला दिलेल्या मुलाखतीत सांगितलं की, दाऊद इब्राहिमशी संबंधित आर्थिक गैरव्यवहार प्रकरणात नवाब मलिक यांच्या अटकेनंतर अनुशक्तीनगर मतदारसंघात त्यांनी काम केलं. या काळात त्यांना अनेक अडचणींचा सामना करावा लागला, विशेषतः पक्षातील लोकांनी त्रास दिला. अजित पवारांनी मात्र त्यांना पूर्ण साथ दिली. २०१७ च्या निवडणुकीत अपयश आल्यानंतर त्या अधिक सक्रिय झाल्या आणि विधानसभेची निवडणूक लढवत आहेत.
झारखंड विधानसभा निवडणुकीच्या पहिल्या टप्प्यातील मतदान आज पार पडत आहे. ४३ जागांसाठी मतदान होत असून, उर्वरित ३८ जागांसाठी २० नोव्हेंबरला मतदान होईल. भाजप आणि काँग्रेसमध्ये तीव्र लढत आहे. केंद्रीय गृहमंत्री अमित शहा यांनी आदिवासींच्या हक्कांसाठी समिती स्थापन करण्याची घोषणा केली. पहिल्या टप्प्यात ६८३ उमेदवार रिंगणात आहेत. याशिवाय, देशातील १० राज्यांतील ३२ जागांवर पोटनिवडणुकीचे मतदानही होत आहे.
'यारियां' फेम प्रसिद्ध बॉलीवूड अभिनेता हिमांश कोहलीने लग्न केलं आहे. हिमांशने नवी दिल्लीतील एका मंदिरात साधेपणाने विनीशी लग्न केलं. ३५ वर्षांच्या हिमांशने अरेंज मॅरेज केलं असून, लग्नात फक्त कुटुंबीय आणि जवळचे मित्र उपस्थित होते. हिमांशच्या लग्नाचे फोटो सोशल मीडियावर चर्चेत आहेत. हिमांशचं फिल्मी करिअर फारसं यशस्वी राहिलं नाही.