“बारामतीत लोकसभेला ताई आणि विधानसभेला दादा असं…”, अजित पवारांचं विधान चर्चेत!

बारामती विधानसभा मतदारसंघात अजित पवार आणि त्यांचे पुतणे युगेंद्र पवार यांच्यात हायवोल्टेज लढत आहे. लोकसभा निवडणुकीत अजित पवारांच्या पत्नी सुनेत्रा पवारांचा पराभव झाला होता. अजित पवारांनी मतदारांना चांगल्या मताधिक्याने संधी देण्याचे आवाहन केले आहे. शरद पवार आणि अजित पवार दोघेही बारामतीत सभा घेत आहेत. त्यामुळे दिवाळीत राजकीय वातावरण तापणार आहे.

अभिनेत्री तेजस्विनी पंडित सध्या तिच्या ‘येक नंबर’ चित्रपटामुळे खूप चर्चेत आहे. १० ऑक्टोबरला प्रदर्शित झालेल्या ‘येक नंबर’ चित्रपटात तेजस्विनीने दोन भूमिका वटवल्या आहेत. एक निर्माती आणि दुसरी अभिनेत्री म्हणून तिने या चित्रपटासाठी काम केलं आहे. तिच्या ‘येक नंबर’ चित्रपटाला प्रेक्षकांचा चांगला प्रतिसाद मिळत असून अनेक कलाकार मंडळींनी या चित्रपटाचं कौतुक केलं आहे. अशातच दिवाळीच्या मुहूर्तावर तेजस्विनी पंडितने चाहत्यांना आनंदाची बातमी दिली आहे. तेजस्विनी मावशी झाली आहे.

पश्चिम आशियामध्ये तणाव वाढत असताना, इराणचे सर्वोच्च नेते अयातुल्ला खामेनी यांनी इस्रायलवर हल्ला करण्याचे आदेश दिले आहेत. इस्रायलने इराणच्या लष्करी ठिकाणांवर केलेल्या हल्ल्याला प्रत्युत्तर देण्याची तयारी इराण करत आहे. अमेरिकेतील निवडणुकांनंतर इराण हल्ला करू शकते, असे न्यू यॉर्क टाइम्सने इराणच्या अधिकाऱ्यांच्या हवाल्याने म्हटले आहे. इस्रायलचे पंतप्रधान बिंजामिन नेत्यानाहू यांनी इराणला अण्वस्त्रसज्ज होऊ न देणे हे इस्रायलचे मुख्य लक्ष्य असल्याचे स्पष्ट केले.

Bigg Boss 18: ‘बिग बॉस’च्या १८व्या पर्वाचा सध्या चौथा आठवडा सुरू आहे. आतापर्यंत ‘बिग बॉस १८’च्या घरातून चार सदस्य घराबाहेर झाले आहेत. आता बेघर होणाऱ्या पाचव्या सदस्याचं नाव देखील समोर आलं आहे. तसंच शिल्पा शिरोडकरसह नॉमिनेट झालेले सहा सदस्य सुरक्षित झाले आहेत.

ज्येष्ठ अर्थतज्ज्ञ व पंतप्रधानांचे माजी आर्थिक सल्लागार बिबेक देबरॉय यांचे निधन झाले आहे. मृत्यूसमयी त्यांचे वय ६९ होते. पद्मश्री सन्मानित देबरॉय यांनी पंतप्रधानांच्या आर्थिक सल्लागार समितीचे अध्यक्ष म्हणून महत्त्वाची भूमिका निभावली होती. सप्टेंबरमध्ये त्यांनी गोखले इन्स्टिट्युट ऑफ पॉलिटिक्स अँड इकॉनॉमिक्सच्या कुलपतीपदाचा राजीनामा दिला होता. सविस्तर वृत्त लवकरच…

नागराज मंजुळे दिग्दर्शित 'फँड्री' चित्रपटातील जब्या (सोमनाथ अवघडे) आणि शालू (राजेश्वरी खरात) सध्या सोशल मीडियावर चर्चेत आहेत. राजेश्वरीने सोमनाथबरोबर हळदीचा फोटो शेअर केल्याने चाहत्यांमध्ये त्यांच्या लग्नाच्या चर्चांना उधाण आले आहे. सोमनाथनेही एक रोमँटिक फोटो शेअर केला आहे. दोघांनी गुपचूप लग्न केल्याच्या चर्चांना जोर आला आहे, मात्र त्यांनी यावर कोणतीही प्रतिक्रिया दिलेली नाही.

Bigg Boss 18: ‘बिग बॉस’च्या १८व्या पर्वाचे दिवस जसजसे पुढे जात आहेत तसे घरातील समीकरण बदलताना दिसत आहेत. घरात दोन गट आहेत. पण काही सदस्य या दोन्ही गटातून खेळताना दिसत आहेत. तर काही सदस्य ‘एकला चलो रे’च्या भूमिकेत आहेत. अशातच दिवाळीच्या मुहूर्तावर ‘बिग बॉस’च्या घरात मोठा धमाका होणार आहे. दोन दमदार वाइल्ड कार्डची एन्ट्री होणार असल्याचं समोर आलं आहे. तसंच एका वाइल्ड कार्ड सदस्याचा प्रोमो सोशल मीडियावर व्हायरल झाला आहे.

अमेरिकेत अध्यक्षीय निवडणुकीच्या पार्श्वभूमीवर माजी राष्ट्राध्यक्ष डोनाल्ड ट्रम्प यांनी दिवाळीच्या शुभेच्छा देत भारतीयांना आकर्षित करण्याचा प्रयत्न केला आहे. त्यांनी भारत-अमेरिका भागीदारी मजबूत करण्याचे आश्वासन दिले आणि हिंदू, ख्रिश्चन आणि इतर अल्पसंख्याकांवरील हिंसाचाराचा निषेध केला. ट्रम्प यांनी कमला हॅरिस आणि जो बायडन यांच्यावर टीका केली आणि अमेरिकेला पुन्हा महान बनवण्याचे वचन दिले. ५ नोव्हेंबर रोजी निवडणुकीत कोण विजयी होणार याची उत्सुकता आहे.

अभिनेत्री ऐश्वर्या राय बच्चन तिच्या वैयक्तिक आयुष्यामुळे चर्चेत आहे. ऐश्वर्या व अभिषेक बच्चनच्या घटस्फोटाच्या अफवा पसरत आहेत, परंतु दोघांनीही यावर प्रतिक्रिया दिलेली नाही. घटस्फोटाच्या बातम्या येत असल्या तरी १४.३ मिलियन फॉलोअर्स असलेली ऐश्वर्या इन्स्टाग्रामवर फक्त पती अभिषेकला फॉलो करते.

अ‍ॅमी जॅक्सनने ब्रिटिश अभिनेता एडवर्ड वेस्टविकशी दोन महिन्यांपूर्वी लग्न केले आणि आता ती आई होणार आहे. तिने इन्स्टाग्रामवर बेबी बंपसह फोटो शेअर केले आहेत. अ‍ॅमी व एडवर्डने इटलीतील अमाल्फी बीचवर ख्रिश्चन पद्धतीने लग्न केले होते. अ‍ॅमीचा पाच वर्षांचा मुलगा अँड्रियासही या लग्नात सहभागी झाला होता. अ‍ॅमी व एडवर्ड २०२२ पासून एकमेकांना डेट करत होते.

'स्टार प्रवाह'वरील 'आई कुठे काय करते' मालिका डिसेंबर २०१९मध्ये सुरू झाली होती आणि आता ती लवकरच संपणार आहे. मालिकेने साडे चार वर्षांहून अधिक काळ प्रेक्षकांचं मनोरंजन केलं. गेल्या काही दिवसांपासून सोशल मीडियावर मालिकेच्या बंद होण्याच्या चर्चा होत्या, आणि आता हे निश्चित झालं आहे. मिलिंद गवळी यांनी सोशल मीडियावर पोस्टद्वारे मालिकेचा निरोप घेणार असल्याचं सांगितलं आहे.

महाराष्ट्र नवनिर्माण सेनेने भाजपाबरोबर युती करण्याची इच्छा व्यक्त केली आहे. राज ठाकरे यांनी महायुतीबरोबर जाण्याचा पर्याय निवडू असे म्हटल्याने चर्चांना जोर आला आहे. मात्र, उपमुख्यमंत्री देवेंद्र फडणवीस यांनी स्पष्ट केले की, मनसेने अनेक जागांवर उमेदवार उभे केले आहेत आणि ते महायुतीत सामील होण्याची शक्यता नाही. फडणवीस यांनी सांगितले की, महायुतीमध्ये भाजपा, शिवसेना, राष्ट्रवादी काँग्रेस आणि इतर लहान पक्ष आहेत.

Bigg Boss 18: ‘बिग बॉस’च्या १८व्या पर्वात नुकताच ‘टाइम गॉड’चा टास्क पार पडला आणि विवियन डिसेना ‘टाइम गॉड’ झाला. यानंतर एक मजेशीर टास्क झाला आहे. ज्यामध्ये अविनाश मिश्रा-ईशा सिंह आणि करणवीर मेहरा-चुम दरांग या दोन जोड्यांनी जबरदस्त डान्स केला आहे. याचा व्हिडीओ सध्या सोशल मीडियावर चांगलाच चर्चेत आला आहे.

Bigg Boss 18: हिंदी ‘बिग बॉस’च्या १८व्या पर्वातला दुसरा कॅप्टन म्हणजेच ‘टाइम गॉड’ विवियन डिसेना झाला आहे. यासाठी ‘बिग बॉस’ने एक टास्क दिला होता. करणवीर मेहरा आणि विवियन डिसेनामध्ये या दोघांमध्ये टास्क रंगला. यावेळी घरातील सर्व सदस्यांच्या सहमतीने विवियन डिसेनाला ‘टाइम गॉड’ करण्यात आलं. पण, ‘टाइम गॉड’ होताना विवियन डिसेनाचं रुप बदलेलं दिसत आहे. नुकताच एक प्रोमो समोर आला आहे; ज्यामध्ये विवियन श्रुतिका अर्जुनला साफसफाई नीट न केल्यामुळे टोकताना दिसत आहे.

Belly Fats: बेली फॅट्स (पोटाची चरबी) कमी करण्यासाठी आज आपण ५-२०-३० या पद्धतीची ओळख करून घेणार आहोत. “या पद्धतीमध्ये आठवड्यातून पाच दिवस २० मिनिटे वजन उचलणे आणि ३० मिनिटे चालणे याचा समावेश आहे. जर तुम्ही चांगल्या जेवणाबरोबर हे सातत्याने केले तर तुमचे बेली फॅट्स कमी होतील,” असे फॅट लॉसतज्ज्ञ जॉन विल्यम्स म्हणाले.

'फुलवंती' चित्रपटानिमित्ताने अभिनेत्री प्राजक्ता माळी विविध ठिकाणी मुलाखती देताना पाहायला मिळत आहे. एका मुलाखतीमध्ये तिने ऑरा जपण्यासाठी काय करते? याविषयी सांगितलं होतं. त्यावरून नेटकरी प्राजक्ता माळीला ट्रोल करत आहेत.

ॉ

D

D

वंचित बहुजन आघाडीचे अध्यक्ष प्रकाश आंबेडकर यांची प्रकृती बिघडल्याने त्यांना ३१ ऑक्टोबरला पहाटे पुण्यातील रुग्णालयात दाखल करण्यात आले. त्यांच्या हृदयात रक्ताची गुठळी झाल्यामुळे आयसीयूमध्ये उपचार सुरू आहेत. वंचित बहुजन आघाडीने त्यांच्या अधिकृत एक्स खात्यावरून ही माहिती दिली. पुढील काही दिवस आंबेडकर डॉक्टरांच्या निरीक्षणात राहणार असून, रेखा ताई ठाकूर प्रचाराचे नेतृत्व करणार आहेत.

भारतात लोकसभा निवडणुकांनंतर महाराष्ट्र विधानसभा निवडणुकांची चर्चा आहे. जागतिक पटलावर अमेरिकेच्या राष्ट्राध्यक्षपदाच्या निवडणुकीत डोनाल्ड ट्रम्प आणि हिलरी क्लिंटन यांच्यात थेट सामना होणार आहे. ट्रम्प सोशल मीडियावर मतदारांना आवाहन करत आहेत, परंतु त्यांनी चुकून भारतीय अकाऊंट Trendulkar ला टॅग केल्याने ट्रोल झाले. या व्यक्तीने "भाई, मैं गोरेगाव में रेहता हूँ" अशी प्रतिक्रिया दिली. यामुळे ट्रम्प यांची पोस्ट चर्चेत आली आहे.

निवडणुकांच्या पार्श्वभूमीवर महाविकास आघाडी आणि महायुतीत उमेदवारीवरून नाराजी आहे. अनेक निष्ठावान नेत्यांना संधी न मिळाल्याने बंडखोरी झाली आहे. देवेंद्र फडणवीसांनी सांगितले की, बंडखोरांना परत घेण्यासाठी तिन्ही पक्ष प्रयत्न करतील. रवी राजा भाजपात दाखल झाले. फडणवीसांनी प्रचाराची तयारी पूर्ण असल्याचे सांगितले. गोपाळ शेट्टींची नाराजी दूर करण्याचा प्रयत्न होईल, असेही त्यांनी स्पष्ट केले.

Diwali 2024 Gold Silver Rate Today : दिवाळीच्या मुहूर्तावर सोने खरेदी करणाऱ्या ग्राहकांसाठी एक आनंदाची बातमी आहे. ती म्हणजे आज सोन्याच्या दरात आज किंचित घसरण झाली आहे. आदल्या दिवशीच्या तुलनेत आज २४ कॅरेट १० ग्रॅम सोन्याच्या दरात १३० रुपयांची घसरण झाली आहे. इतकच नाही तर चांदीचा दरही ६७० रुपयांनी कमी झाला आहे. त्यामुळे दिवाळीच्या मुहूर्तावर सोने- चांदी खरेदीचा विचार करत असाल तर आज तुमच्या शहरात नेमके काय दर आहेत जाणून घ्या.

‘बिग बॉस मराठी’च्या पाचव्या पर्वाचा उपविजेता अभिजीत सावंतने नुकतीच योगिता चव्हाणची भेट घेतली. अभिजीत पत्नी शिल्पा सावंतसह योगिताच्या घरी गेला होता. या खास भेटीचे फोटो शिल्पा सावंतसह योगिताचा पती सौरभ चौघुलेने सोशल मीडियावर शेअर केले आहेत.

दिवाळीचा सण दरवर्षी प्रकाशमय आणि उत्साहाचं वातावरण घेऊन येतो. प्रत्येकाच्या जीवनात आनंद, नवचैतन्य घेऊन येणारा हा सण आहे. हिंदू धर्मातील सर्वात मोठा सण दिवाळी मानला जातो. आजपासून संपूर्ण देशभरात दिवाळीचा सण साजरा केला जात आहे. यंदा अमावस्या दोन दिवस असल्यामुळे पाच दिवसांचा दिवाळी सण सहा दिवसांचा होतं आहे. दिवाळीनिमित्ताने सध्या सोशल मीडियावर शुभेच्छांचा पाऊस पडत आहे. कलाकार मंडळीदेखील चाहत्यांना शुभेच्छा देत आहे. अभिनेता सिद्धार्थ चांदेकरने आपल्या अनोख्या अंदाजात दिवाळीच्या शुभेच्छा दिल्या आहेत.

२०२१ मध्ये शिवसेनेत मोठी फूट पडली आणि एकनाथ शिंदे यांनी काही आमदारांसह भाजपाला समर्थन दिलं. त्यामुळे महाविकास आघाडीचं सरकार कोसळलं आणि उद्धव ठाकरे यांनी मुख्यमंत्रीपदाचा राजीनामा दिला. एकनाथ शिंदे मुख्यमंत्री आणि देवेंद्र फडणवीस उपमुख्यमंत्री झाले. शिवसेनेतील बंडखोरी सर्वोच्च न्यायालयापर्यंत पोहोचली आणि एकनाथ शिंदेंना शिवसेना पक्षचिन्ह मिळालं. अमित ठाकरे यांनी या घटनेवर नाराजी व्यक्त केली आहे.

कॅनडाच्या मंत्र्यांनी केंद्रीय गृहमंत्री अमित शहा यांच्यावर कॅनडातील कथित हिंसक कारवायांचे संचालन केल्याचा आरोप केला आहे. कॅनडाचे राष्ट्रीय सुरक्षा सल्लागार नेथाली ड्रौइन यांनी ही माहिती अमेरिकेतील ‘वॉशिंग्टन पोस्ट’ला दिली आहे. अमेरिकेनेही या प्रकरणावर प्रतिक्रिया देत कॅनडाचे आरोप गंभीर असल्याचे म्हटले आहे. भारताने मात्र हे आरोप फेटाळून लावले असून, त्यांना खोटे आणि बिनबुडाचे म्हटले आहे.

हेडफोन आणि मोबाइलचा अतिवापर विद्यार्थ्यांसाठी घातक ठरत आहे. भोपाळमध्ये २० वर्षीय विद्यार्थी मानराज तोमर रेल्वे रुळावर मोबाइलवर व्हिडीओ पाहताना ट्रेनखाली चिरडला गेला, ज्यात त्याचा जागीच मृत्यू झाला. हेडफोनमुळे ट्रेनचा आवाज ऐकू आला नाही. मानराज बीबीएचा विद्यार्थी होता आणि त्याला बॉडी बिल्डिंग व रिल बनविण्याचा छंद होता.

चालणे हा आरोग्यासाठी अत्यंत प्रभावी व्यायाम आहे सांगितले जाते, पण जेवणानंतर तुम्ही चालता तेव्हा तुमच्या रक्तातील साखरेवर नेमका काय परिणाम होतो हे माहित्येय का? मीरा रोडच्या वोक्हार्ट हॉस्पिटलचे कन्सल्टंट फिजिशियन डॉ. जिनेंद्र जैन यांनी सांगितले की, "जेवणानंतर चालणे रक्तातील साखरेचे प्रमाण नियंत्रित करण्यात मदत करू शकते."

महाराष्ट्र सरकारने पावसाळी अधिवेशनात लाडकी बहीण योजना महिलांसाठी अंमलात आणली. ४ कोटींहून अधिक महिलांनी लाभ घेतला असून ४६ हजार कोटींची तरतूद आहे. आचारसंहिता लागल्याने निधी थांबवला आहे. राज ठाकरे यांनी टीका करताना महिलांना फुकट गोष्टी देण्याऐवजी सक्षम बनवण्याची गरज व्यक्त केली. फुकट योजना महाराष्ट्राला दिवाळखोरीकडे नेऊ शकतात, असेही ते म्हणाले.

मनसे अध्यक्ष राज ठाकरे यांचे पुत्र अमित ठाकरे माहीम विधानसभा मतदारसंघातून निवडणूक लढवत आहेत. राज ठाकरे यांनी सांगितले की, अमितने पक्षाच्या नेत्यांच्या बैठकीत निवडणूक लढवण्याचा निर्णय घेतला. राज ठाकरे म्हणाले की, त्यांनी कधीही गोष्टी लादल्या नाहीत आणि अमितला निवडणूक लढवण्याची मुभा दिली. अमितच्या उमेदवारीवर राज ठाकरेंनी भाष्य करताना विरोधी उमेदवारांबाबतही विचार मांडले.

महाराष्ट्राच्या पुढच्या मुख्यमंत्र्याबाबत चर्चा सुरू आहे. महायुती आणि महाविकास आघाडीने मुख्यमंत्री पदाचा चेहरा जाहीर केलेला नाही. विधानसभेच्या निवडणुकीनंतर पहिल्या महिला मुख्यमंत्री मिळण्याची शक्यता आहे. आदित्य ठाकरे यांनी एबीपी न्यूजच्या शिखर संमेलनात सांगितले की, महिला मुख्यमंत्री होण्याबाबत जनता ठरवेल. महाविकास आघाडी सरकारवर अनेकांचा विश्वास आहे, विशेषतः उद्धव ठाकरेंवर.

तिहार तुरुंगात शिक्षा भोगत असलेल्या ठग सुकेश चंद्रशेखरने अभिनेत्री जॅकलिन फर्नांडिसला पत्र लिहून त्यांच्या प्रेमकथेची तुलना रामायणाशी केली आहे. सुकेशने जॅकलिनच्या २०० चाहत्यांना महिंद्रा थार रॉक्स कार आणि आयफोन १६ प्रो भेट देण्याचे आश्वासन दिले होते. त्याने जॅकलिनला ५२ लाखांचा घोडा आणि ९ लाखांची पर्शियन मांजर भेट दिली होती. सुकेशवर २०० कोटी रुपयांच्या फसवणुकीचा गुन्हा दाखल आहे.