“स्पेशल ट्रेनला १६ तास उशीर, एक्स्प्रेस फलाटावर येताच…”, पोलिसांनी सांगितला घटनाक्रम!
मुंबईच्या वांद्रे रेल्वे स्थानकातील प्लॅटफॉर्म क्रमांक एकवर चेंगराचेंगरी होऊन नऊ प्रवासी जखमी झाले. पहाटे ५ वाजता ही घटना घडली. अंत्योदय एक्स्प्रेसला नेहमीप्रमाणे गर्दी होती, परंतु एका स्पेशल ट्रेनच्या रद्द झाल्यामुळे अधिक गर्दी झाली. पोलिसांनी रांगा लावल्या होत्या, पण जागा मिळवण्यासाठी झुंबड उडाली. जखमींवर उपचार सुरू असून, दोन जणांना प्राथमिक उपचारानंतर सोडण्यात आले.