“हे एन्काउंटर असू शकत नाही”, अक्षय शिंदे मृत्यूप्रकरणी मुंबई उच्च न्यायालयाचे ताशेरे!
बदलापूर लैंगिक अत्याचारप्रकरणातील आरोपी अक्षय शिंदेच्या एन्काउंटरवर मुंबई उच्च न्यायालयाने प्रश्नचिन्ह उपस्थित केले आहे. न्यायालयाने या एन्काउंटरला संशयास्पद ठरवले असून, पुढील सुनावणी गुरुवारी होणार आहे. न्यायालयाने जखमी पोलिसांचे वैद्यकीय अहवाल, सीसीटीव्ही फुटेज आणि फॉरेन्सिक लॅबचा अहवाल सादर करण्याचे आदेश दिले आहेत. न्यायालयाने पोलिसांच्या कार्यपद्धतीवर आणि आरोपीच्या हातात पिस्तुल कशी आली यावरही प्रश्न उपस्थित केले आहेत.