वंचितच्या प्रकाश आंबेडकरांची प्रकृती बिघडली, छातीत दुखू लागल्याने रुग्णालयात दाखल!

वंचित बहुजन आघाडीचे अध्यक्ष प्रकाश आंबेडकर यांची प्रकृती बिघडल्याने त्यांना ३१ ऑक्टोबरला पहाटे पुण्यातील रुग्णालयात दाखल करण्यात आले. त्यांच्या हृदयात रक्ताची गुठळी झाल्यामुळे आयसीयूमध्ये उपचार सुरू आहेत. वंचित बहुजन आघाडीने त्यांच्या अधिकृत एक्स खात्यावरून ही माहिती दिली. पुढील काही दिवस आंबेडकर डॉक्टरांच्या निरीक्षणात राहणार असून, रेखा ताई ठाकूर प्रचाराचे नेतृत्व करणार आहेत.

'फुलवंती' चित्रपटानिमित्ताने अभिनेत्री प्राजक्ता माळी विविध ठिकाणी मुलाखती देताना पाहायला मिळत आहे. एका मुलाखतीमध्ये तिने ऑरा जपण्यासाठी काय करते? याविषयी सांगितलं होतं. त्यावरून नेटकरी प्राजक्ता माळीला ट्रोल करत आहेत.

ॉ

D

D

भारतात लोकसभा निवडणुकांनंतर महाराष्ट्र विधानसभा निवडणुकांची चर्चा आहे. जागतिक पटलावर अमेरिकेच्या राष्ट्राध्यक्षपदाच्या निवडणुकीत डोनाल्ड ट्रम्प आणि हिलरी क्लिंटन यांच्यात थेट सामना होणार आहे. ट्रम्प सोशल मीडियावर मतदारांना आवाहन करत आहेत, परंतु त्यांनी चुकून भारतीय अकाऊंट Trendulkar ला टॅग केल्याने ट्रोल झाले. या व्यक्तीने "भाई, मैं गोरेगाव में रेहता हूँ" अशी प्रतिक्रिया दिली. यामुळे ट्रम्प यांची पोस्ट चर्चेत आली आहे.

निवडणुकांच्या पार्श्वभूमीवर महाविकास आघाडी आणि महायुतीत उमेदवारीवरून नाराजी आहे. अनेक निष्ठावान नेत्यांना संधी न मिळाल्याने बंडखोरी झाली आहे. देवेंद्र फडणवीसांनी सांगितले की, बंडखोरांना परत घेण्यासाठी तिन्ही पक्ष प्रयत्न करतील. रवी राजा भाजपात दाखल झाले. फडणवीसांनी प्रचाराची तयारी पूर्ण असल्याचे सांगितले. गोपाळ शेट्टींची नाराजी दूर करण्याचा प्रयत्न होईल, असेही त्यांनी स्पष्ट केले.

Diwali 2024 Gold Silver Rate Today : दिवाळीच्या मुहूर्तावर सोने खरेदी करणाऱ्या ग्राहकांसाठी एक आनंदाची बातमी आहे. ती म्हणजे आज सोन्याच्या दरात आज किंचित घसरण झाली आहे. आदल्या दिवशीच्या तुलनेत आज २४ कॅरेट १० ग्रॅम सोन्याच्या दरात १३० रुपयांची घसरण झाली आहे. इतकच नाही तर चांदीचा दरही ६७० रुपयांनी कमी झाला आहे. त्यामुळे दिवाळीच्या मुहूर्तावर सोने- चांदी खरेदीचा विचार करत असाल तर आज तुमच्या शहरात नेमके काय दर आहेत जाणून घ्या.

‘बिग बॉस मराठी’च्या पाचव्या पर्वाचा उपविजेता अभिजीत सावंतने नुकतीच योगिता चव्हाणची भेट घेतली. अभिजीत पत्नी शिल्पा सावंतसह योगिताच्या घरी गेला होता. या खास भेटीचे फोटो शिल्पा सावंतसह योगिताचा पती सौरभ चौघुलेने सोशल मीडियावर शेअर केले आहेत.

दिवाळीचा सण दरवर्षी प्रकाशमय आणि उत्साहाचं वातावरण घेऊन येतो. प्रत्येकाच्या जीवनात आनंद, नवचैतन्य घेऊन येणारा हा सण आहे. हिंदू धर्मातील सर्वात मोठा सण दिवाळी मानला जातो. आजपासून संपूर्ण देशभरात दिवाळीचा सण साजरा केला जात आहे. यंदा अमावस्या दोन दिवस असल्यामुळे पाच दिवसांचा दिवाळी सण सहा दिवसांचा होतं आहे. दिवाळीनिमित्ताने सध्या सोशल मीडियावर शुभेच्छांचा पाऊस पडत आहे. कलाकार मंडळीदेखील चाहत्यांना शुभेच्छा देत आहे. अभिनेता सिद्धार्थ चांदेकरने आपल्या अनोख्या अंदाजात दिवाळीच्या शुभेच्छा दिल्या आहेत.

२०२१ मध्ये शिवसेनेत मोठी फूट पडली आणि एकनाथ शिंदे यांनी काही आमदारांसह भाजपाला समर्थन दिलं. त्यामुळे महाविकास आघाडीचं सरकार कोसळलं आणि उद्धव ठाकरे यांनी मुख्यमंत्रीपदाचा राजीनामा दिला. एकनाथ शिंदे मुख्यमंत्री आणि देवेंद्र फडणवीस उपमुख्यमंत्री झाले. शिवसेनेतील बंडखोरी सर्वोच्च न्यायालयापर्यंत पोहोचली आणि एकनाथ शिंदेंना शिवसेना पक्षचिन्ह मिळालं. अमित ठाकरे यांनी या घटनेवर नाराजी व्यक्त केली आहे.

कॅनडाच्या मंत्र्यांनी केंद्रीय गृहमंत्री अमित शहा यांच्यावर कॅनडातील कथित हिंसक कारवायांचे संचालन केल्याचा आरोप केला आहे. कॅनडाचे राष्ट्रीय सुरक्षा सल्लागार नेथाली ड्रौइन यांनी ही माहिती अमेरिकेतील ‘वॉशिंग्टन पोस्ट’ला दिली आहे. अमेरिकेनेही या प्रकरणावर प्रतिक्रिया देत कॅनडाचे आरोप गंभीर असल्याचे म्हटले आहे. भारताने मात्र हे आरोप फेटाळून लावले असून, त्यांना खोटे आणि बिनबुडाचे म्हटले आहे.

हेडफोन आणि मोबाइलचा अतिवापर विद्यार्थ्यांसाठी घातक ठरत आहे. भोपाळमध्ये २० वर्षीय विद्यार्थी मानराज तोमर रेल्वे रुळावर मोबाइलवर व्हिडीओ पाहताना ट्रेनखाली चिरडला गेला, ज्यात त्याचा जागीच मृत्यू झाला. हेडफोनमुळे ट्रेनचा आवाज ऐकू आला नाही. मानराज बीबीएचा विद्यार्थी होता आणि त्याला बॉडी बिल्डिंग व रिल बनविण्याचा छंद होता.

चालणे हा आरोग्यासाठी अत्यंत प्रभावी व्यायाम आहे सांगितले जाते, पण जेवणानंतर तुम्ही चालता तेव्हा तुमच्या रक्तातील साखरेवर नेमका काय परिणाम होतो हे माहित्येय का? मीरा रोडच्या वोक्हार्ट हॉस्पिटलचे कन्सल्टंट फिजिशियन डॉ. जिनेंद्र जैन यांनी सांगितले की, "जेवणानंतर चालणे रक्तातील साखरेचे प्रमाण नियंत्रित करण्यात मदत करू शकते."

महाराष्ट्र सरकारने पावसाळी अधिवेशनात लाडकी बहीण योजना महिलांसाठी अंमलात आणली. ४ कोटींहून अधिक महिलांनी लाभ घेतला असून ४६ हजार कोटींची तरतूद आहे. आचारसंहिता लागल्याने निधी थांबवला आहे. राज ठाकरे यांनी टीका करताना महिलांना फुकट गोष्टी देण्याऐवजी सक्षम बनवण्याची गरज व्यक्त केली. फुकट योजना महाराष्ट्राला दिवाळखोरीकडे नेऊ शकतात, असेही ते म्हणाले.

मनसे अध्यक्ष राज ठाकरे यांचे पुत्र अमित ठाकरे माहीम विधानसभा मतदारसंघातून निवडणूक लढवत आहेत. राज ठाकरे यांनी सांगितले की, अमितने पक्षाच्या नेत्यांच्या बैठकीत निवडणूक लढवण्याचा निर्णय घेतला. राज ठाकरे म्हणाले की, त्यांनी कधीही गोष्टी लादल्या नाहीत आणि अमितला निवडणूक लढवण्याची मुभा दिली. अमितच्या उमेदवारीवर राज ठाकरेंनी भाष्य करताना विरोधी उमेदवारांबाबतही विचार मांडले.

महाराष्ट्राच्या पुढच्या मुख्यमंत्र्याबाबत चर्चा सुरू आहे. महायुती आणि महाविकास आघाडीने मुख्यमंत्री पदाचा चेहरा जाहीर केलेला नाही. विधानसभेच्या निवडणुकीनंतर पहिल्या महिला मुख्यमंत्री मिळण्याची शक्यता आहे. आदित्य ठाकरे यांनी एबीपी न्यूजच्या शिखर संमेलनात सांगितले की, महिला मुख्यमंत्री होण्याबाबत जनता ठरवेल. महाविकास आघाडी सरकारवर अनेकांचा विश्वास आहे, विशेषतः उद्धव ठाकरेंवर.

तिहार तुरुंगात शिक्षा भोगत असलेल्या ठग सुकेश चंद्रशेखरने अभिनेत्री जॅकलिन फर्नांडिसला पत्र लिहून त्यांच्या प्रेमकथेची तुलना रामायणाशी केली आहे. सुकेशने जॅकलिनच्या २०० चाहत्यांना महिंद्रा थार रॉक्स कार आणि आयफोन १६ प्रो भेट देण्याचे आश्वासन दिले होते. त्याने जॅकलिनला ५२ लाखांचा घोडा आणि ९ लाखांची पर्शियन मांजर भेट दिली होती. सुकेशवर २०० कोटी रुपयांच्या फसवणुकीचा गुन्हा दाखल आहे.

पंजाब व हरियाणा उच्च न्यायालयाने पंजाब पोलिसांना लॉरेन्स बिश्नोई प्रकरणात फटकारले आहे. न्यायालयाने पोलिसांच्या स्थानकामध्ये बिश्नोईची मुलाखत झाल्याबद्दल नाराजी व्यक्त केली आणि पोलीस व बिश्नोई गँग यांच्यातील संबंध तपासण्यासाठी नवीन एसआयटी स्थापन करण्याचे आदेश दिले. न्यायालयाने तुरुंगातील कैद्यांना मिळणाऱ्या सुविधांवरही प्रश्न उपस्थित केले. मार्च २०२३ मध्ये बिश्नोईची मुलाखत पोलिसांच्या ताब्यात असताना झाली होती.

विधानसभेच्या निवडणुकीत बारामती मतदारसंघात अजित पवार आणि त्यांचे पुतणे युगेंद्र पवार आमने-सामने आले आहेत. शरद पवारांनी प्रचारसभेत अजित पवारांची नक्कल केली, ज्यावर अजित पवारांनी प्रतिक्रिया दिली. त्यांनी शरद पवारांच्या नकलेबद्दल नाराजी व्यक्त केली आणि भावनिक क्षणांची आठवण करून दिली. अजित पवारांनी शरद पवारांना दैवत मानल्याचे सांगून नकलेमुळे मनाला वेदना झाल्याचे म्हटले.

Thama Movie: ‘मुंज्या’, ‘स्त्री २’ या चित्रपटांच्या यशानंतर मॅडॉक निर्मिती संस्थेने नव्या चित्रपटाची अधिकृतरित्या घोषणा केली आहे. मॅडॉकचे दिनेश विजनने ‘स्त्री २’ चित्रपटाच्या ट्रेलर लाँच सोहळ्याला या नव्या चित्रपटाची हिंट दिली होती. त्यानंतर आता त्याचा जबरदस्त टीझर शेअर करून चित्रपटातील कलाकारांचा खुलासा केला आहे.

महाराष्ट्र विधानसभा निवडणुकांच्या पार्श्वभूमीवर राजकीय वातावरण तापले आहे. महायुती व महाविकास आघाडीमध्ये जागावाटप व तिकीट वाटपाची प्रक्रिया पूर्ण झाली आहे. माहीम मतदारसंघात राज ठाकरेंचे पुत्र अमित ठाकरे आणि महाविकास आघाडीचे महेश सावंत यांच्यात लढत आहे. विद्यमान आमदार सदा सरवणकरही उमेदवारीवर ठाम आहेत. उपमुख्यमंत्री देवेंद्र फडणवीसांनी भाजपाची भूमिका स्पष्ट करताना राज ठाकरेंना पाठिंबा देण्याचे मत व्यक्त केले आहे.

सध्या सर्वत्र दिवाळीची धामधूम सुरू आहे. सगळीकडे उत्साहाचं वातावरण पसरलं आहे. पण, या दिवाळीच्या उत्साही वातावरण अनेक अपघात घडतं असतात. असाच काहीसा अपघात ‘नवरी मिळे हिटलरला’ फेम अभिनेत्री वल्लरी विराजबरोबर बालपणी झाला होता. या अपघाताचा प्रसंग तिने नुकताच सांगितला आहे.

Bigg Boss 18: चौथ्या आठवड्यातील नॉमिनेशन प्रक्रिया नुकतीच पार पडली. या नॉमिनेशन प्रक्रियेमध्ये प्रत्येक सदस्याला दोन सदस्यांना घराबाहेर जाण्यासाठी नॉमिनेट करायचं होतं. पण यामध्ये एक ट्विस्ट होता. ज्या सदस्याला नॉमिनेट केलं आहे; त्या सदस्याला करंटचा झटका दिला गेला. यावेळी चुम दरांगकडून एक चूक झाली आणि तिची इतर सदस्यांना नॉमिनेट करायची संधी हुकली. नेमकं काय घडलं? आणि कोण-कोण सदस्य नॉमिनेट झाले? जाणून घ्या…

Lakhat Ek Amcha Dada Upcoming Episode : भर लग्नमंडपातून तुळजा पळून गेल्यामुळे डॅडींनी तिचं लग्न सूर्याशी लावून दिलं होतं. एवढंच नव्हे तर ती आपल्यासाठी मेली असल्याचं सगळ्यांसमोर जाहीर केलं होतं. पण आता हे चित्र बदललेलं दिसत आहे. डॅडींनी चक्क तुळजा, सूर्या आणि त्याच्या चार बहिणींना घरी पाहुणचारासाठी बोलावलं आहे. पण याच पाहुणचाराच्या वेळी शत्रूने एक डाव रचला आहे; जो चांगलाच फसल्याचं समोर आलं आहे. याचा प्रोमो सध्या व्हायरल झाला आहे.

Panchayat Season 4: ‘प्राइम व्हिडीओ’वरील लोकप्रिय वेब सीरिज ‘मिर्झापूर’चा चित्रपट येणार असल्याची नुकतीच घोषणा करण्यात आली. २०२६ रोजी ‘मिर्झापूर’ सीरिजचा चित्रपट प्रेक्षकांच्या भेटीस येणार आहे. अशातच आता ‘प्राइम व्हिडीओ’ने एक घोषणा करून चाहत्यांमधील उत्सुकता वाढवली आहे. बहुचर्चित आणि लोकप्रिय ‘पंचायत’ सीरिजच्या चौथ्या सीझनची घोषणा झाली असून चित्रीकरणाला देखील सुरुवात झाली आहे. त्यामुळे आता पुन्हा एकदा फुलेरामध्ये पंचायत होणार आहे.

महाराष्ट्र विधानसभा निवडणुकांच्या पार्श्वभूमीवर महाविकास आघाडी व महायुतीमध्ये आरोप-प्रत्यारोप सुरू आहेत. देवेंद्र फडणवीसांनी टीव्ही ९ च्या कार्यक्रमात विविध प्रश्नांना उत्तरं दिली. लोकसभा निवडणुकीत अतीआत्मविश्वासामुळे भाजपची पीछेहाट झाली, असं त्यांनी मान्य केलं. २०१९ मध्ये शरद पवारांसोबत सरकार स्थापनेबाबत चर्चा झाली होती, पण पवारांनी माघार घेतली. उद्धव ठाकरेंची भेट घेतल्याच्या चर्चांवर फडणवीसांनी मिश्किल टिप्पणी करत वृत्त फेटाळलं.

प्रदीर्घ प्रतीक्षेनंतर रॉयल एनफिल्डने अखेर आपली नवीन मोटरसायकल Bear 650चे अनावरण केले आहे. पहिल्यांदाच या बाईकचे फोटो समोर आले आहेत, जे लवकरच इटलीच्या मिलान शहरात आयोजित EICMA मोटर शोमध्ये जगासमोर सादर केले जाणार आहेत. माहितीनुसार, कंपनी ५ नोव्हेंबरला होणाऱ्या मोटर शोमध्ये या नवीन बाईकच्या किमतीदेखील घोषित करू शकते. चला तर मग पाहूया कशी आहे रॉयल एनफिल्डची नवीन बेअर 650 मोटरसायकल.

माधुरी दीक्षितने १९९९ साली डॉ. श्रीराम नेने यांच्याशी लग्न करून अमेरिकेत स्थायिक झाली होती. २०११ मध्ये ती पती व मुलांसह भारतात परतली. मुंबईतील तिचं आलिशान घर 'आर्किटेक्चरल डायजेस्ट इंडिया'ने दाखवलं आहे. माधुरीचं ५३ व्या मजल्यावरील घर खूपच सुंदर आहे.

अनेक प्रसिद्ध गायकांचे सातत्याने लाइव्ह कॉन्सर्ट होत असतात. या कॉन्सर्टमध्ये बऱ्याच चांगल्या, वाईट घटना घडत असतात. काही दिवसांपूर्वी प्रसिद्ध गायिका श्रेया घोषालच्या लाइव्ह कॉन्सर्टमध्ये एका तरुणाने प्रेयसीला प्रपोज केलं होतं. याचा व्हिडीओ सोशल मीडियावर तुफान व्हायरल झाला आहे. सध्या असाच एक सोनू निगमच्या ( Sonu Nigam ) लाइव्ह कॉन्सर्टमधला व्हिडीओ व्हायरल होतं आहे.

विधानसभा निवडणुकांच्या पार्श्वभूमीवर शिवसेना (एकनाथ शिंदे) पक्षाने तिसरी उमेदवार यादी जाहीर केली आहे. या यादीत भाजपाच्या प्रवक्त्या शायना एनसी यांना मुंबादेवी मतदारसंघातून उमेदवारी देण्यात आली आहे. शायना एनसी यांनी शिवसेना (एकनाथ शिंदे) पक्षात प्रवेश केल्यानंतर सोशल मीडियावर पंतप्रधान नरेंद्र मोदी, मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि अजित पवार यांचे आभार मानले आहेत.

अभिनयाची कौटुंबीक पार्श्वभूमी नसतानाही जिमी शेरगिलने १९९६ मध्ये 'माचीस' चित्रपटातून बॉलीवूडमध्ये पदार्पण केले. 'मोहब्बतें' चित्रपटाने त्याला स्टारडम मिळवून दिले. त्याने 'मुन्ना भाई एमबीबीएस', 'तनु वेड्स मनु' यांसारख्या अनेक सुपरहिट चित्रपटांमध्ये काम केले. जिमीने ५० फ्लॉप चित्रपट दिले असले तरी तो आजही कोटींमध्ये मानधन घेतो. त्याची एकूण संपत्ती ७६.१४ कोटी रुपये आहे.

Bigg Boss Marathi Seaosn 5: ‘बिग बॉस मराठी’च्या पाचव्या पर्वात झळकलेले स्पर्धक सध्या प्रसिद्धीच्या झोतात आहेत. हे स्पर्धेक शोबाहेर आल्यापासून एकमेकांच्या भेटीगाठी घेताना दिसत आहेत. याचे फोटो, व्हिडीओ सोशल मीडियावर खूप व्हायरल झाले आहेत. अशातच वैभव चव्हाण आणि इरिना रुडाकोवालाच्या एका व्हिडीओने सगळ्यांचं लक्ष वेधलं असून नेटकरी दोघांना लग्न करण्याचा सल्ला देत आहेत.