अभिनेत्री खासदार कंगना रणौत यांच्या 'इमर्जन्सी' चित्रपटाला अखेर सेन्सॉर बोर्डाची परवानगी मिळाली आहे. काही शीख संघटनांनी चित्रपटातील दृश्ये व संदर्भांवर आक्षेप घेत बंदीची मागणी केली होती. सेन्सॉर बोर्डाने तीन प्रकारचे संदर्भ गाळण्याच्या व काही ऐतिहासिक व्यक्तींच्या संवादांना सत्याधारित संदर्भ देण्याच्या अटीवर चित्रपटाला प्रदर्शनाची परवानगी दिली आहे.
‘बिग बॉस मराठी’च्या पाचव्या पर्वात झळकलेल्या लोकप्रिय अंकिता वालावलकरने काही दिवसांपूर्वी भाऊबीज साजरी केली. कोल्हापुरचा ढाण्या वाघ म्हणजेच धनंजय पोवारबरोबर अंकिताने भाऊबीज साजरी केली. होणाऱ्या नवऱ्याबरोबर धनंजय पोवारच्या घरी अंकिता गेली होती. आधी अंकिता धनंजय पोवारच्या फर्निचरच्या दुकानात त्याला सरप्राइज देण्यासाठी गेली. त्यानंतर ती धनंजयच्या घरी गेली होती. यावेळी तिने धनंजयला ओवाळून एक हटके गिफ्ट दिलं. ज्याचा व्हिडीओ तिने नुकताच सोशल मीडियावर शेअर केला आहे.
दोन महिन्यांपूर्वीच ‘झी मराठी’ वाहिनीवर ‘सावळ्याची जणू सावली’ ही नवी मालिका सुरू झाली. अवघ्या काही दिवसांत या मालिकेने प्रेक्षकांच्या मनात घर निर्माण केलं आहे. त्यामुळे मालिकेतील कलाकारांनी साकारलेल्या व्यक्तिरेखा घराघरात पोहोचल्या आहेत. ‘सावळ्याची जणू सावली’मधील ऐश्वर्या मेहेंदळे म्हणजे वीणा जगतापने भैरवी वझे म्हणजे मेघा धाडेला दिवाळीनिमित्ताने खास गिफ्ट दिलं आहे; ज्याचा व्हिडीओ सध्या चर्चेत आला आहे.
मराठीसह हिंदी मालिकाविश्वात स्वतःच्या दमदार अभिनयाने वेगळं स्थान निर्माण करणारी अभिनेत्री म्हणजे रुपाली भोसले. ‘बड़ी दूर से आये है’ या हिंदी मालिकेतून घराघरात पोहोचलेली रुपाली सध्या ‘आई कुठे काय करते’ मालिकेतून प्रेक्षकांच्या मनावर अधिराज्य गाजवत आहे. या मालिकेत तिने उत्कृष्टरित्या खलानायिका म्हणजे संजनाची भूमिका साकारली आहे. आज रुपाली संजना म्हणून अधिक ओळखली जात आहे. अशा या लोकप्रिय अभिनेत्रीने दिवाळीच्या मुहूर्तावर नवी आलिशान गाडी खरेदी केली आहे. याचा व्हिडीओ तिने नुकताच सोशल मीडियावर शेअर केला आहे.
बॉलीवूडचा भाईजान सध्या त्याच्या कामाबरोबर वैयक्तिक आयुष्यामुळे खूप चर्चेत आहे. सलमान खानला ( Salman Khan ) सातत्याने जीवे मारण्याच्या धमक्या येत आहेत. असं असलं तरी सलमान कामासंदर्भात दिलेला शब्द पाळताना दिसत आहे. ‘बिग बॉस १८’च्या चित्रीकरणानंतर त्याने ‘सिकंदर’ चित्रपटाच्या चित्रीकरणाला देखील सुरुवात केली आहे. ‘सिकंदर’ चित्रपटाच्या चित्रीकरणानिमित्ताने सलमान खान नुकताच हैदराबादमध्ये पोहोचला आहे.
‘बिग बॉस १८’व्या पर्वात एक बदल झाला आहे. ‘बिग बॉस’चा वीकेंड वार हा दर शनिवार, रविवार होतं असतो. पण आता वीकेंडचा वार शुक्रवारपासूनचं सुरू होणार आहे. शुक्रवार आणि शनिवारी सलमान खान होस्टिंग करणार आहे. तर रविवार स्पेशल होस्ट म्हणून रवि किशन येऊन सदस्यांची शाळा घेणार आहे. त्यामुळे रवि किशनने सलमान खानची जागा घेतल्याची ही चर्चा होती. पण, तसं काहीही झालेलं नाहीये. फक्त वीकेंड वारचा फॉरमॅट बदलला आहे. रवि किशनचा प्रोमो समोर आला आहे.
निक्की तांबोळी आणि अरबाज पटेलचा एक व्हिडीओ व्हायरल होतं आहे. सेलिब्रिटी फोटोग्राफर ‘वरिंदर चावला’च्या इन्स्टाग्राम पेजवर शेअर करण्यात आला आहे. ज्यामध्ये निक्की तांबोळीला पापाराझी ‘वहिनी’ म्हणून हाक मारताना दिसत आहे. जेव्हा पापाराझीने ‘निक्की वहिनी’ म्हणून हाक मारली तेव्हा ती लाजली. तिला आश्चर्याचा धक्का बसला.
Singham Again And Bhool Bhulaiyaa 3 Box Office Collection Day 2 : दिवाळीच्या मुहूर्तावर बहुप्रतीक्षित आणि बहुचर्चित ‘सिंघम अगेन’ आणि ‘भुल भुलैया ३’ चित्रपट प्रदर्शित झाले आहेत. हे दोन्ही चित्रपट बॉक्स ऑफिसवर तगडी कमाई करताना दिसत आहेत. एका चित्रपटाची अ‍ॅक्शन आणि दुसऱ्या चित्रपटातील हॉरर कॉमेडी ड्रामा प्रेक्षकांचा चांगला पसंतीस पडला आहे. बॉक्स ऑफिसवर ‘सिंघम अगेन’ आणि ‘भुल भुलैया ३’ चित्रपटांमध्ये काटे की टक्कर सुरू आहे.
शरद पवारांनी अजित पवारांनी दिवंगत नेते आर. आर. पाटील यांच्याबाबत केलेल्या विधानाचा निषेध केला. अजित पवारांनी सिंचन घोटाळ्याबाबत पाटील यांचं नाव घेत टीका केली होती. शरद पवारांनी पत्रकार परिषदेत यावर तीव्र नाराजी व्यक्त केली. त्यांनी स्पष्ट केलं की सिंचन घोटाळ्याचा मुद्दा त्यांनी उपस्थित केला नव्हता. तसेच, फडणवीसांनी गोपनीयतेच्या तत्त्वाचा भंग केल्याची टीका केली.
ऐश्वर्या रायला दोन दशकांपूर्वी ब्रॅड पिटच्या 'ट्रॉय' चित्रपटात महत्त्वपूर्ण भूमिकेची ऑफर मिळाली होती. मात्र, तिला ६ ते ९ महिने शूटिंगसाठी लागणार होते, ज्यामुळे तिने ऑफर नाकारली. ऐश्वर्याने काही बॉलीवूड चित्रपट स्वीकारले होते आणि ती आपली कमिटमेंट मोडू इच्छित नव्हती. नंतर ती 'ब्राइड अँड प्रिज्युडिस' आणि 'पिंक पार्टनर 2' सारख्या हॉलीवूड चित्रपटांमध्ये दिसली होती.
विविध ओटीटी प्लॅटफॉर्म्सवर सायकोलॉजिकल थ्रिलर चित्रपट पाहायला मिळतात. हॉटस्टारवर 'दृश्यम'सारखे अनेक थ्रिलर चित्रपट उपलब्ध आहेत. 'जॅग्ड माइंड' (२०२३) हा सायकोलॉजिकल हॉरर थ्रिलर आहे. 'मेमोरीज' (२०१३) मध्ये मद्यपी पोलीस अधिकाऱ्याची कथा आहे. 'द ट्वेल्थ मॅन' (२०२२) एक मिस्ट्री थ्रिलर आहे. 'लास्ट बस' (२०१६) सहा प्रवाशांच्या भयंकर प्रवासाची कथा आहे. 'रोर्शाक' (२०२२) मल्याळम चित्रपट आहे, ज्यात आत्म्याशी बदला घेतला जातो.
राज्यात विधानसभा निवडणुकीची तयारी सुरू असून, ४ नोव्हेंबर रोजी उमेदवारी अर्ज मागे घेण्याची अंतिम तारीख आहे. शिवसेना (एकनाथ शिंदे) पक्षाचे आमदार संजय शिरसाट यांनी निवडणुकीच्या काळात दंगली घडवण्याचा डाव असल्याचा दावा केला आहे. नाशिक आणि संभाजीनगर येथील दंगली सुनियोजित होत्या आणि विधानसभेच्या निवडणुकीतही असा प्रकार होण्याची शक्यता आहे, असे त्यांनी सांगितले.
टीव्ही अभिनेत्री चाहत खन्नाने दिवाळीनिमित्त नवीन घर घेतलं आहे आणि तिथे कुटुंबीय व मित्रांसह दिवाळी साजरी केली. तिने इन्स्टाग्रामवर सेलिब्रेशनचे फोटो शेअर केले. चाहतने दोनदा लग्न केले आणि दोन्ही वेळा घटस्फोट घेतला. पहिलं लग्न भरत नरसिंघानीशी आणि दुसरं फरहान मिर्झाशी केलं होतं. आता ती एकटीच तिच्या दोन जुळ्या मुलींचा सांभाळ करत आहे.
महाराष्ट्र विधानसभा निवडणुकांच्या पार्श्वभूमीवर राजकीय वातावरण तापले आहे. सत्ताधारी महायुती आणि विरोधी महाविकास आघाडी यांच्यात आरोप-प्रत्यारोप सुरू आहेत. मनसे अध्यक्ष राज ठाकरे यांनी शरद पवारांवर जातीयवादाचे आरोप केले, ज्याला शरद पवारांनी प्रत्युत्तर दिले. पवारांनी राज ठाकरेंच्या आरोपांना खोचक टिप्पणी करताना, "महाराष्ट्राची जनता शहाणी आहे," असे म्हटले. तसेच, अरविंद सावंतांच्या विधानावरही पवारांनी प्रतिक्रिया दिली.
अमेरिका, ब्रिटन आणि कॅनडातील शीख यात्रेकरूंना पाकिस्तानात त्यांच्या धार्मिक स्थळांना भेट देण्यासाठी ३० मिनिटांत मोफत ऑनलाईन व्हिसा मिळणार असल्याची घोषणा पाकिस्तानचे गृहमंत्री मोहसिन नक्की यांनी केली. लाहोरमध्ये शीख यात्रेकरूंच्या परदेशी शिष्टमंडळाशी बोलताना त्यांनी ही माहिती दिली. अमेरिकन, कॅनेडिअन आणि ब्रिटिश पासपोर्टधारकांना ही सुविधा उपलब्ध असून, भारतीय वंशांच्या शीखांसाठीही ही सुविधा आहे.
शिवसेना (उद्धव ठाकरे) पक्षाचे खासदार अरविंद सावंत यांनी शिवसेना (एकनाथ शिंदे) पक्षाच्या शायना एन. सी यांच्याविरोधात अपशब्द वापरल्याचा आरोप होता. शायना एन. सी यांनी तक्रार दाखल केल्यानंतर सावंत यांनी पत्रकार परिषदेत दिलगिरी व्यक्त केली. त्यांनी म्हटले की, कोणाच्याही भावना दुखावण्याचा त्यांचा हेतू नव्हता. सावंत यांनी मुंबादेवी मतदारसंघात काँग्रेसच्या अमिन पटेल यांच्या प्रचारादरम्यान हे वक्तव्य केले होते.
'बिग बॉस मराठी'च्या पाचव्या पर्वाचा विजेता सूरज चव्हाण सोशल मीडियावर पुन्हा सक्रिय झाला आहे. त्याने इन्स्टाग्रामवर मजेदार रील्स शेअर केल्या आहेत. त्याच्या एका रीलवर चाहत्यांनी विविध प्रतिक्रिया दिल्या आहेत. बारामतीजवळच्या मोढवे गावात जन्मलेला सूरज अत्यंत हलाखीच्या परिस्थितीत वाढला. बिग बॉस मराठी जिंकल्यानंतर त्याने आपली स्वप्ने पूर्ण करण्यास सुरुवात केली आहे. नुकतेच त्याच्या घराच्या बांधकामासाठी भूमीपूजन झाले.
बोरीवली विधानसभा मतदारसंघातून भाजपाने संजय उपाध्याय यांना उमेदवारी दिल्याने गोपाळ शेट्टी नाराज होऊन अपक्ष उमेदवारी अर्ज दाखल केला आहे. भाजपाकडून त्यांची मनधरणी करण्याचे प्रयत्न सुरू आहेत. गोपाळ शेट्टी यांनी पक्ष सोडणार नसल्याचे स्पष्ट केले आहे. त्यांनी पक्षहितासाठी काम करण्याची तयारी दर्शवली आहे, मात्र उमेदवारी अर्ज मागे घेणार का याबाबत संभ्रम कायम आहे.
काँग्रेस नेते राहुल गांधी यांनी दिवाळीच्या निमित्ताने त्यांच्या यूट्यूब चॅनलवर एक व्हिडीओ शेअर केला आहे. या व्हिडीओमध्ये ते सोनिया गांधींच्या १०, जनपथ या घरी रंगकाम करताना दिसतात. त्यांनी रंगकाम व दिवे बनवणाऱ्या कारागीरांसोबत काम केलं आणि त्यांच्या कौशल्याचं कौतुक केलं. राहुल गांधींनी १० जनपथ हे घर आवडत नसल्याचं सांगितलं कारण त्यांच्या वडिलांचं निधन तिथे झालं होतं. त्यांनी दिवाळी साजरी करणाऱ्या देशवासीयांना कारागीरांच्या मेहनतीचा आदर करण्याचं आवाहन केलं.
राज्यात निवडणुकीच्या आचारसंहितेमुळे मुख्यमंत्री माझी लाडकी बहीण योजनेचा निधी तात्पुरता थांबवण्यात आला आहे. नोव्हेंबरमध्ये पैसे मिळणार नाहीत, परंतु मुख्यमंत्री एकनाथ शिंदे यांनी दोन महिन्यांचे पैसे एकत्र दिले होते. डिसेंबरचे पैसे कधी मिळणार याबाबत चर्चा सुरू असून, शिंदे यांनी महिलांना आश्वासित केले आहे की डिसेंबरचे पैसे नोव्हेंबरमध्येच मिळतील.
रोहित शेट्टी दिग्दर्शित 'सिंघम अगेन' चित्रपट दिवाळीच्या मुहूर्तावर प्रदर्शित झाला आणि पहिल्याच दिवशी बॉक्स ऑफिसवर ४३.५० कोटींची कमाई केली. अजय देवगण, करीना कपूर खान, अक्षय कुमार, रणवीर सिंग, दीपिका पदुकोण, टायगर श्रॉफ आणि अर्जुन कपूर यांच्या प्रमुख भूमिका असलेल्या या चित्रपटाला प्रेक्षकांचा उत्तम प्रतिसाद मिळाला. 'भूल भुलैया 3' ला मागे टाकत 'सिंघम अगेन'ने बॉक्स ऑफिसवर बाजी मारली.
हावडा जिल्ह्यात शुक्रवारी सायंकाळी फटाके फोडताना आग लागल्याने तीन मुलांचा मृत्यू झाला. उलुबेरियाच्या बाजारपारा भागात ही घटना घडली. तानिया मिस्त्री (१४), इशान धारा (६) आणि मुमताज खातून (८) अशी मृतांची नावे आहेत. फटाक्यांच्या ठिणग्यांमुळे सिलिंडरचा स्फोट झाला आणि तीन मुलं आगीत होरपळली. आणखी दोन मुले गंभीर जखमी झाली असून त्यांच्यावर उपचार सुरू आहेत. केंद्रीय शिक्षण राज्यमंत्री सुकांता मजुमदार यांनी सखोल चौकशीची मागणी केली आहे.
कुख्यात गँगस्टर लॉरेन्स बिश्नोई तुरुंगात असतानाही त्याचा भाऊ अनमोल बिश्नोई गँगच्या कारवाया विदेशातून चालवत आहे. अनमोल बिश्नोईवर १९ गुन्हे दाखल असून, बाबा सिद्दिकी हत्या व सलमान खानला धमकी देण्यात त्याचा हात असल्याचं सांगितलं जातं. अमेरिकेच्या प्रशासनाने अनमोलचा ठावठिकाणा मुंबई पोलिसांना दिला आहे. मुंबई पोलिसांनी त्याच्या प्रत्यार्पणाची मागणी केली असून, रेड कॉर्नर नोटीस जारी केली आहे.
राज्यातील विधानसभा निवडणुकीत महायुती आणि महाविकास आघाडीत नाराजीनाट्य पाहायला मिळतंय. माहीम मतदारसंघात मनसेचे अमित ठाकरे निवडणुकीच्या रिंगणात उतरल्याने हायवोल्टेज लढत होणार आहे. शिवसेना (एकनाथ शिंदे) पक्षाकडून सदा सरवणकर उभे आहेत. त्यांनी उमेदवारी मागे घेण्यास नकार दिला आहे.
'भूल भुलैया ३' चित्रपट दिवाळीच्या दिवशी प्रदर्शित झाला आणि पहिल्याच दिवशी ३५.५० कोटी रुपयांची कमाई करत कार्तिक आर्यनच्या करिअरमधील सर्वाधिक कमाई करणारा सिनेमा ठरला. अजय देवगणच्या 'सिंघम अगेन' सोबत क्लॅश होऊनही 'भूल भुलैया ३' ने चांगली कमाई केली. अनीस बज्मी दिग्दर्शित या चित्रपटात कार्तिकसोबत तृप्ती डिमरी, विद्या बालन, माधुरी दीक्षित आणि राजपाल यादव आहेत.
प्रसिद्ध फॅशन डिझायनर रोहित बल यांचं ६३ व्या वर्षी निधन झालं. मागील वर्षभरापासून हृदयाशी संबंधित समस्यांमुळे ते आजारी होते. त्यांच्या निधनाने फॅशन इंडस्ट्रीत शोक व्यक्त केला जात आहे. रोहित बल यांनी अनेक बॉलीवूड कलाकारांसाठी कपडे डिझाइन केले होते. त्यांना इंटरनॅशनल फॅशन अवॉर्ड आणि इंडियन फॅशन अवॉर्ड्समध्ये ‘डिझायनर ऑफ द इयर’ म्हणून गौरविण्यात आलं होतं.
शिवसेनेच्या (उद्धव ठाकरे) खासदार अरविंद सावंत यांनी शिवसेनेच्या (एकनाथ शिंदे) उमेदवार शायना एन. सी यांच्याविरोधात आक्षेपार्ह वक्तव्य केल्याने नागपाडा पोलीस ठाण्यात गुन्हा दाखल झाला आहे. मुख्यमंत्री एकनाथ शिंदे यांनी सावंत यांच्या विधानाचा निषेध केला आहे. शायना एन. सी यांनीही सावंत यांच्या वक्तव्यावर संताप व्यक्त केला आहे. शिंदे यांनी महिलांचा सन्मान राखण्याचे महत्त्व अधोरेखित केले आहे.
प्रसिद्ध हॉलिवुड अभिनेत्री आणि पॉप आयकॉन सेलेना गोमेझ एका भारतीय चाहत्याच्या विचित्र विनंतीमुळे बुचकळ्यात पडली. चाहत्याने तिला 'जय श्रीराम' म्हणण्याची विनंती केली, ज्यावर सेलेनाने 'थँक यू हनी' म्हणत प्रसंग टाळला. हा व्हिडीओ सोशल मीडियावर व्हायरल झाला असून, काहींनी चाहत्याच्या विनंतीवर आक्षेप घेतला आहे. सेलेना गोमेझ इन्स्टाग्रामवर सर्वाधिक फॉलोअर्स असणारी महिला आणि अमेरिकेतली सर्वात तरुण बिलिअनेअर आहे.
अभिनेत्री दीपिका पादुकोण आणि अभिनेता रणवीर सिंह सप्टेंबर महिन्यात आई-बाबा झाले. दीपिकाने ८ सप्टेंबर रोजी मुलीला जन्म दिला होता. आता त्यांनी आपल्या लेकीचं नाव 'दुआ पादुकोण सिंह' ठेवलं आहे. दीपिकाने इन्स्टाग्रामवर फोटो शेअर करत नावाचा अर्थ सांगितला आहे - 'दुआ' म्हणजे प्रार्थना, कारण ती त्यांच्या प्रार्थनांचे उत्तर आहे. दीपिका आणि रणवीर यांनी हे नाव जाहीर करताना हृदय प्रेम आणि कृतज्ञतेने भरले असल्याचे म्हटले आहे.
मनसे अध्यक्ष राज ठाकरे सध्या महाराष्ट्रात विधानसभा निवडणुकांच्या तयारीत आहेत. प्रचाराच्या धामधुमीत त्यांच्या काही हलक्या-फुलक्या मुलाखती चर्चेत आहेत. 'खाने में क्या है' या यूट्यूब चॅनलसाठी दिलेल्या मुलाखतीत त्यांनी त्यांच्या आवडी-निवडींबाबत मनमोकळ्या गप्पा मारल्या. मामलेदार मिसळ आणि शिवाजी पार्कवर वडापाव हे त्यांचे आवडते पदार्थ आहेत. राज ठाकरेंनी कॉलेजमध्ये लढवलेली एकमेव निवडणूक जिंकली होती, असेही त्यांनी सांगितले.
Bigg Boss 18: ‘बिग बॉस’च्या १८व्या पर्वात दिवाळीच्या शुभ मुहूर्तावर मोठा धमाका झाला आहे. एक नाही तर दोन वाइल्ड कार्ड सदस्यांची एन्ट्री झाली आहे. ‘स्प्लिट्सविला १५’मध्ये झळकलेले दिग्विजय सिंह राठी आणि कशिश कपूर वाइल्ड कार्ड म्हणून ‘बिग बॉस’च्या १८व्या पर्वात सहभागी झाले आहेत. नुकताच दोघांच्या एन्ट्रीचा प्रोमो समोर आला आहे. ज्यामध्ये वाइल्ड कार्ड सदस्यांच्या एका कृतीमुळे सलमान खान डोक्याला हात लावताना दिसत आहे.