सुपरस्टार रजनीकांत यांची प्रकृती बिघडली, रुग्णालयात दाखल
सुपरस्टार रजनीकांत यांची प्रकृती बिघडल्यामुळे त्यांना चेन्नईतील अपोलो रुग्णालयात दाखल करण्यात आले आहे. पोट दुखत असल्याची तक्रार केल्यानंतर सोमवारी रात्री त्यांना रुग्णालयात नेण्यात आले. चेन्नई पोलिसांनी ही माहिती दिली आहे. ७३ वर्षीय रजनीकांत यांची प्रकृती आता स्थिर असून, त्यांच्यावर नियोजित शस्त्रक्रिया होणार आहे. त्यांच्या पत्नी लता यांनी "सगळं ठीक आहे" असे सांगितले आहे. चाहते त्यांच्या लवकर बरे होण्यासाठी प्रार्थना करत आहेत.