“जर सलमान खानला जिवंत राहायचं असेल तर…”, लॉरेन्स बिश्नोई गँगकडून धमकी; केली ‘ही’ मागणी!
बॉलिवूड अभिनेता सलमान खानला पुन्हा एकदा जीवे मारण्याची धमकी आली आहे. मुंबई वाहतूक पोलिसांच्या व्हॉट्सअॅप नंबरवर आलेल्या मेसेजमध्ये लॉरेन्स बिश्नोई गँगचं नाव घेतलं असून ५ कोटींच्या खंडणीची मागणी केली आहे. बाबा सिद्दिकी यांच्या हत्येचा उल्लेख करत, सलमानची अवस्था त्यांच्यापेक्षा वाईट होईल, असं म्हटलं आहे. या पार्श्वभूमीवर सलमानच्या घराबाहेर पोलीस बंदोबस्त वाढवण्यात आला आहे.