“मुंबई एक दिवस फुटेल”, शरद पोंक्षे यांनी व्यक्त केली भीती; म्हणाले, “बाळासाहेब ठाकरे…”

मराठी अभिनेते शरद पोंक्षे यांनी मुंबई व पुण्यातील वाढत्या लोकसंख्येबाबत चिंता व्यक्त केली आहे. त्यांनी म्हटले की, शहरांमध्ये येणारे लोंढे थांबवले नाहीत तर मुंबई फुटेल. पोंक्षे यांनी बाळासाहेब ठाकरे यांच्या १९९५ च्या भाषणाचा उल्लेख करत, शहरांच्या संसाधनांची मर्यादा ओलांडली जात असल्याचे सांगितले. त्यांनी राजकीय नेत्यांना लोकसंख्या नियंत्रणावर लक्ष देण्याचे आवाहन केले.

IIFA Awards 2025: चित्रपटाची कथा, दिग्दर्शनाची मांडणी, कलाकारांचा अभिनय याची सांगड उत्तमरित्या बांधली गेली तर तो चित्रपट सर्वोत्कृष्ट ठरतोच. याचं उत्तम उदाहरण म्हणजे किरण रावचा ‘लापता लेडीज’ ( Laapataa Ladies ) चित्रपट. १ मार्च २०२४ला प्रदर्शित झालेला ‘लापता लेडीज’ला प्रेक्षकांचा उदंड प्रतिसाद मिळाला. ९७व्या अकादमी पुरस्कारांसाठी म्हणजेच ‘ऑस्कर २०२५’साठी भारताकडून ‘लापता लेडीज’ चित्रपट निवडण्यात आला होता. यंदाच्या ‘आयफा पुरस्कार २०२५’मध्ये किरण रावच्या या चित्रपटाने बाजी मारून सर्वाधिक पुरस्कार जिंकले.

जर तुम्हाला 'सनम तेरी कसम'सारखे रोमँटिक थ्रिलर चित्रपट आवडत असतील, तर ओटीटीवर असे अनेक सिनेमे उपलब्ध आहेत. 'चार्ली' (प्राइम व्हिडीओ), 'अमरन' (नेटफ्लिक्स), 'पास्ट लाइव्ह्ज' (प्राइम व्हिडीओ), '96' (सोनी लिव्ह) आणि 'डिअर कॉम्रेड' (प्राइम व्हिडीओ) हे टॉप ५ चित्रपट आहेत. प्रत्येक चित्रपटाची वेगळी कथा आणि आकर्षक पात्रे आहेत, ज्यामुळे तुमचा मनोरंजनाचा अनुभव अधिक समृद्ध होईल.

महाराष्ट्राचे उपमुख्यमंत्री व अर्थमंत्री अजित पवार आज विधानसभेत २०२५ चा अर्थसंकल्प सादर करणार आहेत. देवेंद्र फडणवीस यांच्या नेतृत्वाखालील नव्या सरकारचा हा पहिला अर्थसंकल्प आहे. अजित पवार ११व्यांदा अर्थसंकल्प सादर करत आहेत. सर्वाधिक १३ अर्थसंकल्प दिवंगत बॅ. शेषराव वानखेडे यांनी सादर केले आहेत. लाडक्या बहिणींसाठी निधी वाढवण्याची घोषणा होणार का, याकडे लक्ष आहे.

'छावा' चित्रपटाने २४ दिवसांत ५३० कोटी रुपयांची कमाई केली आहे. छत्रपती संभाजी महाराजांच्या शौर्य गाथेवर आधारित या चित्रपटात विकी कौशलने मुख्य भूमिका साकारली आहे. लक्ष्मण उतेकर दिग्दर्शित या चित्रपटाला प्रेक्षकांचा उत्तम प्रतिसाद मिळाला आहे. २४ व्या दिवशी ११.५ कोटींची कमाई झाली. 'छावा'ने विकी कौशलच्या करिअरमधील सर्वाधिक कलेक्शन करणारा चित्रपट ठरला आहे.

भारताने न्यूझीलंडवर चार गडी राखून विजय मिळवत ICC चॅम्पियन्स ट्रॉफी जिंकली. रोहित शर्माच्या ७६ धावा, श्रेयस अय्यर, अक्षर पटेल, आणि रवींद्र जडेजाच्या खेळीने भारताने २५२ धावांचे लक्ष्य ४९ षटकांत पूर्ण केले. १५ ऑक्टोबर २००० रोजी नैरोबी येथे झालेल्या अंतिम सामन्यात न्यूझीलंडने भारताला पराभूत केले होते. आजच्या विजयाने त्या पराभवाच्या जखमेवर फुंकर घातली आहे यात शंकाच नाही.

युजवेंद्र चहल मागील महिन्यात पत्नी धनश्रीशी घटस्फोट घेतल्याने चर्चेत होता. आता तो पुन्हा चर्चेत आहे कारण भारत-न्यूझीलंड सामन्यात त्याच्यासोबत एक मिस्ट्री गर्ल दिसली आहे. ती आर.जे. माहवाश असून, तिचे युजवेंद्रसोबत अफेअर असल्याच्या बातम्या आहेत. माहवाश दिल्लीतली रेडिओ जॉकी आणि सोशल मीडिया कंटेंट क्रिएटर आहे. दुबईत त्यांचं एकत्र दिसणं चर्चेचा विषय बनलं आहे.

महाराष्ट्रात लोकसभा निवडणुकीनंतर मुख्यमंत्री माझी लाडकी बहीण योजनेची चर्चा झाली. दिल्लीच्या मुख्यमंत्री रेखा गुप्ता यांनी महिला समृद्धी योजना आणली आहे, ज्यात पात्र महिलांना महिना २५०० रुपये मिळणार आहेत. मध्यप्रदेशात लाडली बहना योजना, महाराष्ट्रात माझी लाडकी बहीण योजना, झारखंडमध्ये मुख्यमंत्री मय्या सन्मान योजना, कर्नाटकमध्ये गृहलक्ष्मी योजना आणि तामिळनाडूमध्ये कलैगनार मगलिर उरमाई तित्तम योजना आहेत. निवडणुकीपूर्वी अशा योजना महिलांच्या मतांसाठी आणल्या जातात.

10 March Horoscope: आज फाल्गुन महिन्याच्या शुक्ल पक्षातील एकादशी तिथी आहे. एकादशी तिथी सोमवारी सकाळी ७ वाजून ४५ मिनिटांपर्यंत राहील, त्यानंतर द्वादशी तिथी सुरू होईल. १० मार्च रोजी दुपारी १ वाजून ५७ मिनिटांपर्यंत शोभन योग असेल. यासोबतच, पुष्य नक्षत्र सोमवारी रात्री १२ वाजून ५२ मिनिटांपर्यंत राहील. १० मार्च रोजी आमलकी एकादशी आहे. तर आज राहू काळ सकाळी ७ वाजून ३० मिनिटांनी सुरु होईल ते ९ वाजेपर्यंत असणार आहे. तर आज आमलकी एकादशीच्या दिवशी मेष ते मीनाच्या आयुष्यात काय घडणार जाणून घेऊया…

Indrayani Serial: ‘कलर्स मराठी’ वाहिनीवरील ‘इंद्रायणी’ मालिकेचा १० मार्चपासून नवा अध्याय सुरू होणार आहे. निरागस, निष्पाप, गोड, सालस, अवखळ अशा छोट्या इंदूचा प्रवास संपणार असून आता मोठी इंदू नव्या आव्हानांना सामोरे जाताना दिसणार आहे. अभिनेत्री कांची शिंदे मोठ्या इंद्रायणीच्या भूमिकेत पाहायला मिळणार आहे. तसंच मोठ्या गोपाळच्या भूमिकेत ‘कलर्स मराठी’चा जुना लोकप्रिय चेहरा झळकणार आहे. तो कोण आहे? जाणून घ्या…

चॅम्पियन्स ट्रॉफी २०२५ चा अंतिम सामना भारत विरुद्ध न्यूझीलंड सुरू आहे. जगातील टॉप-८ संघांमध्ये खेळवली जाणारी ही स्पर्धा आज अंतिम टप्प्यात पोहोचली आहे. दुबईतील आंतरराष्ट्रीय क्रिकेट स्टेडियममध्ये भारत विरुद्ध न्यूझीलंड सामना खेळला जात आहे. भारतीय क्रिकेट संघाचा कर्णधार रोहित शर्माने पुन्हा एकदा टॉस हरला. न्यूझीलंडने टॉस जिंकून प्रथम फलंदाजी करण्याचा निर्णय घेतला. यामुळे रोहित शर्माने सलग एकदिवसीय सामन्यांमध्ये १२ वेळा टॉस हरण्याचा रेकॉर्ड केला आहे. यावरच मराठी अभिनेत्याने मजेशीर पोस्ट सोशल मीडियावर शेअर केली आहे.

Mahindra XUV 3XO EV: ह्युंदाई मोटर इंडियाला मागे टाकून महिंद्रा देशातील दुसऱ्या क्रमांकाची सर्वात मोठी कार उत्पादक कंपनी बनली आहे. महिंद्राच्या विक्रीत इलेक्ट्रिक वाहनांनी महत्त्वाची भूमिका बजावली आहे. गेल्या वर्षी महिंद्राने XUV 3XO बाजारात आणली आणि त्यापासून तिला ग्राहकांकडून खूप प्रेम मिळत आहे. आता कंपनी या कारचे इलेक्ट्रिक व्हर्जन आणत आहे. कंपनी या वाहनावर वेगाने काम करत आहे. XUV 3XO EV चाचणी दरम्यान अनेक वेळा दिसली आहे.

योगगुरु रामदेवबाबा यांनी नागपुरात पतंजली फूड पार्कच्या उद्घाटन प्रसंगी औरंगजेबाला लुटारू आणि क्रूर म्हणत, त्याला आदर्श मानणे अशक्य असल्याचे सांगितले. त्यांनी छत्रपती शिवाजी महाराजांना आदर्श मानतो असं म्हटलं आहे. आवाहन केले. डोनाल्ड ट्रम्प यांच्या धोरणांवर टीका करत, भारतीयांनी एकजुटीने सशक्त राष्ट्र निर्माण करण्याचे आवाहन केले. फूड पार्कमुळे शेतकऱ्यांना समृद्धी मिळेल आणि संत्र्यांचे उत्पादन व निर्यात वाढवण्याचे प्रयत्न होतील असेही त्यांनी सांगितलं.

देशभरात चालत्या ट्रेनमधून उतरताना अपघात होण्याच्या घटना घडत असतात. मुंबईतील बोरीवली स्थानकात असाच एक प्रकार घडला. चालत्या एक्स्प्रेसमधून उतरण्याचा प्रयत्न करणाऱ्या वृद्ध महिलेला रेल्वे सुरक्षा रक्षकाने वाचवले. रेल्वे मंत्रालयाने हा व्हिडिओ शेअर करत प्रवाशांना चालत्या ट्रेनमधून उतरण्याचा प्रयत्न न करण्याचे आवाहन केले आहे.

Success Story of Sidhi Garg: नोकरी सोडून स्वतःचा व्यवसाय सुरू करणे कधीच सोपे नसते आणि जर ती व्यक्ती आयटी इंजिनिअर असेल तर खूपच कठीण. पण, जर दृढनिश्चय आणि धाडस असेल तर अशक्य गोष्टीही शक्य होऊ शकतात. जयपूरच्या सिद्धी गर्गनेही असेच काहीसे केले आहे. सिद्धी आयटी इंजिनिअर आहे. तिने नोकरी सोडली आणि कुर्ता व्यवसाय सुरू केला. ती 'कुर्ता घर' या ब्रँडचे कुर्ते विकते. आज तिची वार्षिक उलाढाल लाखो रुपयांची आहे. तिने बनवलेल्या कुर्त्यांना खूप मागणी आहे.

बीडच्या मस्साजोग गावाचे सरपंच संतोष देशमुख यांच्या हत्येला तीन महिने पूर्ण झाले आहेत. या प्रकरणात आरोपींना अटक करण्यात आली असून सूत्रधार वाल्मिक कराड तुरुंगात आहे. भाजपाचे आमदार सुरेश धस यांनी वाल्मिक कराडबाबत महत्त्वाची माहिती दिली आहे. वाल्मिक कराड आधी घरगडी होता, पण नंतर धनंजय मुंडेंच्या निकटवर्तीय झाला. धस यांनी वाल्मिक कराड आणि धनंजय मुंडेंवर ग्रिडी पॉलिटिक्स केल्याचा आरोप केला आहे.

अमेरिकेतील कॅलिफोर्नियातील चिनो हिल्स येथील श्री स्वामीनारायण मंदिराची विटंबना करण्यात आली आहे. या घटनेविरोधात परराष्ट्र मंत्रालयाने निषेध नोंदवला असून, स्थानिक अधिकाऱ्यांना कठोर कारवाई करण्याचे आवाहन केले आहे. बीएपीएस संस्थेनेही सोशल मीडियावर निषेध व्यक्त केला आहे. गेल्या वर्षी सॅक्रामेंटो आणि न्यू यॉर्कमधील मंदिरांचीही विटंबना झाली होती.

अभिनेता गौरव मोरेने इन्स्टाग्राम स्टोरीवर विमानातला फोटो शेअर केला आहे. या फोटोमध्ये गौरवबरोबर मराठीतील लोकप्रिय विनोदवीर आहेत. पंढरीनाथ कांबळे आणि सुप्रिया पाठारे गौरवबरोबर पाहायला मिळत आहे. एका कार्यक्रमानिमित्ताने तिघांची खास भेट झाली आहे. याच फोटोवर गौरवने लिहिलेलं कॅप्शन चर्चेत आलं आहे.

राज ठाकरे यांनी गुढीपाडव्याच्या मेळाव्यात आपली भूमिका स्पष्ट करणार असल्याचे सांगितले. त्यांनी रामायणातील उदाहरण देत, १४ वर्षांत रामाने केलेल्या कार्यांची तुलना वांद्रे वरळी सी लिंकच्या बांधकामाशी केली. महिला दिनाच्या निमित्ताने जिजाऊंच्या योगदानाचे स्मरण करून दिले. तसेच, राजकीय फेरीवाल्यांवर टीका करत, पक्ष आणि संघटना मजबूत करण्याचे महत्त्व अधोरेखित केले.

महाराष्ट्र नवनिर्माण सेनेच्या १९ व्या वर्धापन दिनानिमित्त चिंचवडमध्ये आयोजित कार्यक्रमात राज ठाकरे यांनी कार्यकर्त्यांना श्रद्धा-अंधश्रद्धेतून बाहेर पडण्याचं आवाहन केलं. महाकुंभ मेळ्यात गेलेल्या कार्यकर्त्यांवर टीका करताना त्यांनी गंगेच्या पाण्याच्या स्वच्छतेवर प्रश्न उपस्थित केले. त्यांनी सांगितलं की, देशातील नद्या स्वच्छ नाहीत आणि अंधश्रद्धा सोडून वास्तवाकडे पाहण्याची गरज आहे.

IIFA Digital Awards 2025: नुकताच 'आयफा डिजिटल पुरस्कार २०२५' सोहळा पार पडला. शनिवारी, ८ मार्चला रात्री 'आयफा डिजिटल पुरस्कार' सोहळा आयोजित करण्यात आला होता. या पुरस्कार सोहळ्यात ओटीटी प्लॅटफॉर्मवरील सर्वोत्कृष्ट चित्रपट, वेब सीरिज यांना गौरविण्यात आलं. 'आयफा डिजिटल पुरस्कार' सोहळ्यातील विजेत्यांची यादी समोर आली आहे? या पुरस्कार सोहळ्यात कोणत्या चित्रपट, वेब सीरिजने बाजी मारली आणि कोणत्या कलाकाराला कोणत्या पुरस्काराने गौरविण्यात आलं? जाणून घ्या…

बैठी जीवनशैली (sedentary lifestyle) आरोग्यासाठी योग्य नाही. पण, जर आपल्या कामामुळे आपल्याला जास्त वेळ, जसे की सलग सहा तास बसून राहावे लागले तर काय? अशा परिस्थितीत शरीराचे खरोखर काय होते याचा तुम्ही कधी विचार केला आहे का? चला तर मग जाणून घेऊया…

उपराष्ट्रपती जगदीप धनखड यांना रविवारी पहाटे अस्वस्थ वाटल्याने आणि छातीत दुखू लागल्याने दिल्लीतील एम्स रुग्णालयात दाखल करण्यात आले. ७३ वर्षीय धनखड यांना पहाटे २ वाजता रुग्णालयात नेण्यात आले आणि कार्डिओलॉजी विभागाचे प्रमुख डॉ. राजीव नारंग यांच्या देखरेखीखाली क्रिटिकल केअर युनिटमध्ये ठेवण्यात आले आहे. त्यांची प्रकृती सध्या स्थिर असून डॉक्टरांच्या निरीक्षणाखाली आहेत.

Chhaava box office collection Day 23: विकी कौशल, रश्मिका मंदाना यांचा ‘छावा’ चित्रपट अजूनही बॉक्स ऑफिसवर जबदरस्त कमाई करत आहे. लक्ष्मण उतेकर दिग्दर्शित ‘छावा’ चित्रपटाला २० दिवसांनंतरही प्रेक्षकांचा उदंड प्रतिसाद मिळत आहे. छत्रपती संभाजी महाराज यांच्या जीवनावर आधारित असलेल्या ‘छावा’ चित्रपट हा २०२५ मधला ५०० कोटींहून अधिक कमाई करणारा पहिला चित्रपट ठरला आहे. २३व्या दिवशीदेखील ‘छावा’ चित्रपटाने बक्कळ कमाई केली आहे.

ICC चँपियन्स ट्रॉफी २०२५ ची अंतिम फेरी आज भारत आणि न्यूझीलँड यांच्यात होणार आहे. भारताने सर्व सामने जिंकून अंतिम फेरीत प्रवेश केला आहे, तर न्यूझीलंडला लीग मॅचमध्ये भारताकडून पराभव पत्करावा लागला होता. २००० मध्ये न्यूझीलंडने भारताला हरवून चॅम्पियन्स ट्रॉफी जिंकली होती. २०१९ च्या विश्वचषक उपांत्य फेरीतही न्यूझीलंडने भारताला पराभूत केले होते. आजच्या सामन्यात भारत या पराभवांचा वचपा काढेल का, याकडे सर्वांचे लक्ष आहे.

भारतीय वंशाच्या बालेश धनखडला ऑस्ट्रेलियात ४० वर्षांच्या तुरुंगवासाची शिक्षा सुनावण्यात आली आहे. धनखड, जो माजी भारतीय समुदाय नेता आणि भाजपाच्या ओव्हरसीज फ्रेंड्सचा सदस्य होता, त्याने नोकरीच्या आमिषाने महिलांची फसवणूक केली आणि त्यांच्यावर बलात्कार केला. २०२३ मध्ये त्याच्यावर १३ बलात्काराचे आणि एकूण ३९ गुन्हे सिद्ध झाले. ऑस्ट्रेलियातील अधिकाऱ्यांनी त्याला सर्वांत धोकादायक बलात्कारी म्हटलं आहे.

बालकलाकार आणि सोशल मीडिया इन्फ्लुएन्सर रीवा अरोरा तिच्या नुकत्याच पोस्ट केलेल्या फोटोंमुळे चर्चेत आली आहे. अवघ्या १९ व्या वर्षी तिने 'डिजिटल एन्फ्लुएन्स व वूमन एम्पॉवरमेंट' मध्ये पीएचडी मिळवली आहे. तिच्या पदवीबरोबरचे फोटो शेअर करताना तिने डॉक्टर झाल्याची माहिती दिली. मात्र, नेटकरी तिला ट्रोल करत आहेत. रीवाने 'भारत', 'उरी: द सर्जिकल स्ट्राइक' यांसारख्या चित्रपटांमध्ये काम केले आहे. तिचे इन्स्टाग्रामवर ११.५ मिलियन फॉलोअर्स आहेत.

आज जागतिक महिला दिनानिमित्त विविध ठिकाणी कार्यक्रमांचे आयोजन करण्यात आले. मुख्यमंत्री देवेंद्र फडणवीस यांनी 'बेटी बचाओ, बेटी पढाओ' कार्यक्रमात मुलींच्या महत्त्वावर भाष्य केले. त्यांनी मुलींच्या काळजीवंत स्वभावाचे उदाहरण दिले. महाराष्ट्रात लिंग गुणोत्तर सुधारल्याचे त्यांनी नमूद केले. राज्यपाल सी पी राधाकृष्णन आणि मंत्री आदिती तटकरेही उपस्थित होत्या.

यंदाचा आयफा अवॉर्ड्स सोहळा राजस्थानमध्ये पार पडणार आहे. करीना कपूर आणि शाहिद कपूर यांचा एक व्हिडीओ सोशल मीडियावर चर्चेत आहे. १८ वर्षांपूर्वी ब्रेकअप झाल्यानंतर ते एकमेकांशी बोलणं टाळायचे, पण आता ते एकमेकांना मिठी मारताना आणि गप्पा मारताना दिसले. 'जब वी मेट'च्या चाहत्यांना यामुळे आश्चर्याचा धक्का बसला आहे. या व्हिडीओवर चाहत्यांनी आनंदाने कमेंट्स केल्या आहेत.

'लागिरं झालं जी' या मालिकेने प्रेक्षकांच्या मनात वेगळंच स्थान निर्माण केलं आहे. मालिका बंद होऊन साडे चार वर्षांहून अधिक काळ झाला असला तरी अजूनही मालिकेतील कलाकारांवर प्रेक्षक भरभरून प्रेम करताना दिसतात. 'लागिरं झालं जी' मालिकेतील कलाकार सध्या वेगवेगळ्या मालिकांमध्ये पाहायला मिळत आहे. काही कलाकार 'लाखात एक आमचा दादा' मालिकेत दिसत आहे. नितीश चव्हाण व्यतिरिक्त अभिनेता महेश जाधव 'लाखात एक आमचा दादा' मालिकेत झळकला आहे. या मालिकेत त्याने काजूची भूमिका साकारली आहे. याच महेश जाधवने स्वतःचं हक्काचं घर घेतलं आहे.