सैफ अली खानच्या हल्लेखोराला इब्राहिमचा सिनेमा दोनदा पाहायची शिक्षा… प्रणित मोरेची कमेंट

सैफ अली खानचा मुलगा इब्राहिम अली खानने 'नादानियां' सिनेमातून बॉलीवूडमध्ये पदार्पण केलं आहे. या चित्रपटातील अभिनयासाठी इब्राहिम व खुशी कपूरला ट्रोल केलं जात आहे. मराठी कॉमेडियन प्रणित मोरेने इब्राहिमच्या अभिनयाची खिल्ली उडवली आहे. 'नादानियां' नेटफ्लिक्सवर रिलीज झाला असून, प्रेक्षकांना कथा व अभिनय आवडलेला नाही. प्रणितने खुशी कपूरच्या अभिनयावरही टीका केली आहे.

१७ मार्चला नागपूरमध्ये दोन गटांमध्ये दंगल झाली. औरंगजेबाची कबर हटवण्याच्या मागणीसाठी हिंदू संघटनांनी प्रतीकात्मक पुतळा जाळला, ज्यामुळे संघर्ष उफाळला. या घटनेत पोलीस जखमी झाले. मुख्यमंत्री देवेंद्र फडणवीस यांनी विधानसभेत याबाबत निवेदन दिलं. आदित्य ठाकरेंनी या दंगलीमागे सरकारमधील काही घटकांचा हात आहे का? असा सवाल उपस्थित केला आहे. देवेंद्र फडणवीस यांनी या प्रकरणाच्या मुळाशी जावं असंही सुचवलं आहे.

उद्धव ठाकरे आणि देवेंद्र फडणवीस यांच्यातील शाब्दिक जुगलबंदी महाराष्ट्रात २०१९ पासून सुरू आहे. फडणवीस यांनी उद्धव ठाकरे आणि शरद पवार यांच्यावर "काहीही भरवसा नाही" असे विधान केले. यावर उद्धव ठाकरेंनी मिश्किल उत्तर देत "सोनू तुला माझ्यावर भरवसा नाही का?" या गाण्याचा उल्लेख केला. तसेच, त्यांनी फडणवीसांना सत्तेची संधी सोन्यासारखी वापरण्याचा सल्ला दिला.

Energy Drink Side Effects : सध्या परीक्षेचा काळ सुरू आहे, त्यामुळे बरेच विद्यार्थी लक्ष केंद्रित करण्यासाठी आणि एकाग्रता वाढवण्यासाठी एनर्जी ड्रिंकचा वापर करतात. जिममध्ये जाणारे तरुण तर सर्रासपणे एनर्जी ड्रिंकचे कॅन पिताना दिसतात. परंतु, सतत एनर्जी ड्रिंक पिण्याच्या सवयीने शरीरात कॅलरीजचे प्रमाण वाढते आणि ही सवय नंतर व्यसनात बदलते. अशाने तरुणांच्या शरीरावर प्रतिकूल परिणाम होतो.

दिशा सालियन हत्या प्रकरणावरून विधिमंडळाच्या दोन्ही सभागृहांमध्ये खडाजंगी झाली. शिवसेना (उद्धव ठाकरे) आमदार अनिल परब यांनी सत्ताधाऱ्यांवर टीका केली. दिशा सालियनच्या वडिलांनी मुंबई उच्च न्यायालयात याचिका दाखल केली असून, सविस्तर चौकशीची मागणी केली आहे. अनिल परब यांनी मनीषा कायंदेंवर टीका करत, आदित्य ठाकरेंना क्लीनचिट मिळाल्याचे सांगितले. विरोधी पक्ष कमजोर असल्याने त्याला दाबण्याचा प्रयत्न होत असल्याचा आरोपही त्यांनी केला.

औरंगजेबाची कबर महाराष्ट्रातील खुलताबाद येथे आहे. १७०७ मध्ये औरंगजेबाचा मृत्यू झाल्यावर त्याच्या इच्छेनुसार मुलगा आजमशाह याने ही कबर बांधली. काही दिवसांपूर्वी औरंगजेबाची कबर उखडण्याच्या मागणीमुळे दंगल उसळली होती. त्यामुळे भारतीय पुरातत्व खात्याने कबर झाकून ठेवली आहे. खुलताबाद परिसरात ड्रोन उडवण्यास बंदी घालण्यात आली असून, हा भाग रेड झोन म्हणून घोषित करण्यात आला आहे.

मार्च महिन्याच्या तिसऱ्या आठवड्यात ओटीटीवर अनेक चित्रपट आणि सीरिज प्रदर्शित होणार आहेत. 'अनोरा' हा ऑस्कर विजेता चित्रपट १७ मार्चला जिओ हॉटस्टारवर रिलीज झाला आहे. 'खाकी- द बंगाल चॅप्टर' २० मार्चला नेटफ्लिक्सवर येणार आहे. 'ऑफिसर ऑन ड्यूटी' हा मल्याळम चित्रपट २० मार्चला नेटफ्लिक्सवर पाहता येईल. 'कन्नेडा' ही वेब सीरिज २१ मार्चला जिओ हॉटस्टारवर प्रदर्शित होणार आहे.

अभिनेते रणजीत त्यांच्या खलनायकाच्या भूमिकांसाठी ओळखले जातात. त्यांच्या नकारात्मक पात्रांमुळे महिला त्यांना घाबरायच्या. एकदा माधुरी दीक्षितने 'प्रेम प्रतिज्ञा' चित्रपटात त्यांच्यासोबत विनयभंगाचा सीन शूट केल्यानंतर ती खूप रडली होती. रणजीत यांनी सांगितलं की, शूटिंगनंतर माधुरीला त्यांच्याबद्दल गैरसमज दूर झाला. नंतर त्यांनी 'किशन कन्हैया' आणि 'कोयला' चित्रपटात एकत्र काम केलं. रणजीत यांच्या खलनायकाच्या प्रतिमेमुळे त्यांच्या वैयक्तिक आयुष्यात अडचणी आल्या होत्या.

गुजरातमधील 'स्टॅच्यु ऑफ युनिटी' चे शिल्पकार राम सुतार यांना यंदाचा महाराष्ट्र भूषण पुरस्कार जाहीर झाला आहे. मुख्यमंत्री देवेंद्र फडणवीस यांनी विधानसभेत ही घोषणा केली. २५ लाख रुपये, मानचिन्ह, मानपत्र व शाल असे या पुरस्काराचे स्वरूप आहे. राम सुतार यांनी अनेक महत्त्वपूर्ण शिल्पे घडवली आहेत, ज्यात छत्रपती शिवाजी महाराज, महात्मा गांधी, डॉ. बाबासाहेब आंबेडकर यांचा समावेश आहे.

अभिनेता सुशांत सिंह राजपूतची मॅनेजर दिशा सालियनच्या मृत्यूवरून वाद निर्माण झाला आहे. तिच्या वडिलांनी हत्या असल्याचा दावा मुंबई उच्च न्यायालयात केला आहे. आदित्य ठाकरेंनी विधानसभेत प्रतिक्रिया देताना पाच वर्षांपासून बदनामीचे प्रयत्न होत असल्याचे सांगितले. त्यांनी सत्ताधाऱ्यांवर टीका करताना महाराष्ट्राच्या विकासावर चर्चा करण्याची मागणी केली. तसेच, सभागृह बंद पाडण्याची धमकी दिली.

आमिर खान त्याच्या नव्या गर्लफ्रेंड गौरी स्प्रॅटमुळे चर्चेत आहे. ६० वर्षीय आमिर दीड वर्षापासून गौरीला डेट करतोय. विक्रम भट्टने त्यांच्या नात्याचे समर्थन केले आहे. आमिरने गौरीची ओळख कुटुंबीय, मित्र आणि शाहरुख-सलमान खान यांना करून दिली आहे. आमिर म्हणाला, "गौरी आणि मी २५ वर्षांपूर्वी भेटलो होतो आणि आता आम्ही पार्टनर्स आहोत." त्याच्या मुलांनीही गौरीला स्वीकारले आहे.

'छत्रपती संभाजी महाराज यांची शौर्य गाथा सांगणारा 'छावा' चित्रपट प्रदर्शित झाल्यापासून औरंगजेबाची चर्चा सुरू आहे. अबू आझमी यांनी औरंगजेब क्रूर शासक नव्हता, असे वक्तव्य केल्याने वाद निर्माण झाला. औरंगजेबाची कबर हटवण्याची मागणी होत असताना किरण माने यांनी पोस्टद्वारे औरंगजेबाच्या स्मारकं आणि पुतळे हटवण्याची मागणी केली. त्यांच्या पोस्टवर नेटकऱ्यांनी मोठ्या प्रमाणात प्रतिक्रिया दिल्या आहेत.'

नेटफ्लिक्सने त्यांच्या टॉप 10 ट्रेंडिंग चित्रपटांची यादी जाहीर केली आहे. यात 'थंडेल' पहिल्या, 'नादानियां' दुसऱ्या, 'इमर्जन्सी' तिसऱ्या, 'विदामुयार्ची' चौथ्या, 'आझाद' पाचव्या, 'धूम धाम' सहाव्या, 'डाकू महाराज' सातव्या, 'पुष्पा 2' आठव्या, 'द इलेक्ट्रिक स्टेट' नवव्या आणि 'लकी भास्कर' दहाव्या क्रमांकावर आहेत. हे सर्व चित्रपट नेटफ्लिक्सवर उपलब्ध आहेत.

इस्रायलकडून गाझा पट्टीत सुरू करण्यात आलेल्या बॉम्ब हल्ल्यांमुळे आंतरराष्ट्रीय पातळीवर चिंता व्यक्त होत आहे. डोनाल्ड ट्रम्प यांच्या मध्यस्थीनंतर इस्रायल व हमास यांच्यातील युद्धबंदी यशस्वी झाली होती, परंतु आता इस्रायलच्या हल्ल्यांमुळे गाझा पट्टी अशांत झाली आहे. या हल्ल्यांमध्ये संयुक्त राष्ट्राच्या एका स्वयंसेवकाचा मृत्यू झाला असून, इस्रायलने हल्ल्याचा आरोप फेटाळला आहे. गाझा प्रशासनानुसार, हल्ल्यांमध्ये ४०० पॅलेस्टिनी नागरिकांचा मृत्यू झाला आहे.

प्रसिद्ध दिग्दर्शक महेश मांजरेकरांचा मुलगा सत्या मांजरेकर याने दोन वर्षांपूर्वी गोरेगाव, मुंबईत 'सुका सुखी' हॉटेल सुरू केले. या हॉटेलमध्ये अनेक सेलिब्रिटी जेवणाचा आस्वाद घेतात. बिग बॉस मराठी फेम अंकिता वालावलकरने सत्याच्या वाढदिवसाचा व्हिडीओ शेअर केला, ज्यात महेश मांजरेकर, मेधा मांजरेकर, सई मांजरेकर आणि इतर काही जण दिसतात. सत्याने हॉटेलच्या कल्पनेबद्दल सांगितले की, हे त्याच्या वडिलांचे स्वप्न होते.

जास्वंदाचं रोप घरी असावं असं सगळ्यांनाच वाटतं. श्रीगणेशाचं आवडतं फूल म्हणजे जास्वंद. घरी बाप्पाची पूजा करताना आपल्या बागेत फुललेलं एखादं तरी फूल चरणावर वाहावं अशी अनेकांची इच्छा असते. याच इच्छेपोटी आपण बाजारातून जास्वंदाच्या फुलांची रोपं आणतो, त्याला वेळोवेळी सूर्यप्रकाश व पाणी देऊन त्याची निगासुद्धा राखतो, रोप तुम्ही लावलेल्या लहानश्या कुंडीत बहरत जातं, त्याला अगदी टवटवीत पाने येतात, पण कळ्या? कळ्या मात्र काही केल्या येतच नाहीत.  अशावेळी काय करावं हे आज आपण पाहणार आहोत. 

उत्तर प्रदेशच्या मेरठमध्ये सौरभ राजपूत नावाच्या मर्चंट नेव्ही कर्मचाऱ्याची त्याच्या पत्नीने प्रियकराच्या मदतीने हत्या केली. सौरभ दोन वर्षांनी मुलीच्या वाढदिवसानिमित्त लंडनहून परतला होता. ४ मार्च रोजी पत्नी मुस्कान रस्तोगी आणि प्रियकर साहिल शुक्लाने त्याची हत्या करून शरीराचे १५ तुकडे केले. मुस्कानच्या पालकांनी तिला फासावर लटकवण्याची मागणी केली आहे.

Honda Shine 100 with OBD2B launched in India: होंडा मोटरसायकल अँड स्‍कूटर इंडिया (HMSI)ने आज सुधारित स्‍टाइलिंगसह अपडेटेड OBD2B कंप्लायंट शाइन १०० लाँच केली. नवीन २०२५ होंडा शाइन १०० ची किंमत ६८,७६७ रुपये (एक्‍स-शोरूम, दिल्‍ली) आहे. ही मोटरसायकल आता भारतभरातील एचएमएसआय डिलरशिप्‍समध्‍ये उपलब्‍ध आहे.

सोमवारी नागपूरमध्ये झालेल्या दंगलीची राज्यभर चर्चा आहे. मुख्यमंत्री देवेंद्र फडणवीस यांनी विधानसभेत याबाबत निवेदन दिलं. त्यांनी दंगलीत 'पूर्वनियोजित पॅटर्न' असल्याचं सांगितलं, तर नागपूरचे पोलीस आयुक्त वेगळी माहिती देत आहेत. फडणवीसांनी पोलिसांवर हल्ला करणाऱ्यांवर कठोर कारवाई करण्याचं आश्वासन दिलं. नागपूर शांत आहे आणि दोषींना शोधण्याचं काम सुरू आहे.

मुख्यमंत्री देवेंद्र फडणवीस यांनी UPSCच्या धर्तीवर MPSCचे कॅलेंडर तयार करण्याचे आश्वासन दिले. २०२५ पासून वर्णनात्मक परीक्षा पद्धत लागू होईल. MPSCच्या परीक्षा खासगी संस्थांकडून न घेता आयोगाकडूनच घेण्यात येतील. आगामी काळात मोठ्या प्रमाणात भरती राबवली जाईल, असे मुख्यमंत्री फडणवीस यांनी जाहिर केले.

गेल्या दोन दिवसांपासून सोशल मीडियावर दिल्लीतील ट्रेडमार्क ऑफिसने मंजूर केलेल्या एका वादग्रस्त नावाची चर्चा सुरू आहे. फायनान्शियल एक्स्प्रेसनुसार, बिस्किट व स्नॅक्स उत्पादनांसाठी अर्जदाराने CHUTIYARAM नावाची निवड केली होती. मात्र, हे नाव अश्लील असल्याने मंजुरी रद्द करण्यात आली. ट्रेडमार्क कायद्याच्या कलम ९/११ अंतर्गत अशा नावांना मान्यता दिली जाऊ शकत नाही. अर्जदार यापूर्वीही अशाच नावांसाठी आग्रही होते.

पुण्यातील पोलीस भरतीदरम्यानचा एक व्हिडिओ सोशल मीडियावर व्हायरल झाला आहे. १९ मार्च रोजी शिवाजीनगर पोलीस मुख्यालयात ५३१ महिला पोलीस जागांसाठी भरती सुरू होती. तीन हजारांहून अधिक महिला उमेदवार आल्या होत्या, ज्यामुळे गेट तुटून पडला आणि गोंधळाची स्थिती निर्माण झाली. काही महिला जखमी झाल्याचं म्हटलं जातंय. पोलीस उपायुक्त संदीप भाजीभाकरे यांनी चेंगराचेंगरी झाल्याचा दावा फेटाळून लावला आहे.

Tejasswi Prakash And Karan Kundra Wedding : हिंदी टेलिव्हिजनविश्वातील लोकप्रिय जोड्यांपैकी एक म्हणजे तेजस्वी प्रकाश व करण कुंद्रा. ‘बिग बॉस’च्या १५व्या पर्वात ही जोडी जमली. ‘बिग बॉस’मध्येच करणने तेजस्वीला प्रपोज केलं. या जोडीचा आता मोठा चाहता वर्ग आहे. तेजस्वी-करणचे व्हिडीओ, फोटो नेहमी व्हायरल होतं असतात. यंदा ही लोकप्रिय जोडी लग्नबंधनात अडकणार असल्याच्या चर्चेला उधाण आलं आहे. याच कारण आहे तेजस्वी प्रकाशची आई.

पुणे शहरातील हिंजेवाडी भागात आयटी कंपन्यांच्या कर्मचाऱ्यांना नेणाऱ्या मिनी बसला आग लागून चार जणांचा मृत्यू झाला. ही दुर्घटना सकाळी ७.३० वाजता घडली. बसमधील १४ प्रवाशांपैकी १० जणांनी उडी मारून जीव वाचवला, तर चार जण होरपळून मृत्युमुखी पडले. जखमींवर रुबी हॉल क्लिनिकमध्ये उपचार सुरू आहेत. या घटनेनंतर आयटी कर्मचारी संघटनांनी वाहनांच्या सेफटी ऑडिटची मागणी केली आहे.

 ए.आर.मुरुगदॉस दिग्दर्शित ‘सिकंदर’ चित्रपटाच्या प्रदर्शनाची उत्सुकता प्रेक्षकांमध्ये पाहायला मिळत आहे. १८ मार्चला ‘सिकंदर’ चित्रपटाचं नवं गाणं प्रदर्शित झालं. या चित्रपटातील नव्या गाण्याचं नाव ‘सिकंदर नाचे’ असं असून यामध्ये ५९ वर्षीय सलमान खानने जबरदस्त डान्स केला आहे. तसंच यामध्ये भाईजान व रश्मिका मंदानाची सुंदर केमिस्ट्री पाहायला मिळत आहे. ‘सिकंदर नाचे’ या गाण्यामुळे चित्रपटाबाबत प्रेक्षकांची उत्सुकता शिगेला पोहोचली आहे. अशातच आता ‘सिकंदर’ चित्रपटाच्या प्रदर्शनाची तारीख समोर आली आहे.

Expired soaps side effects: लेबल्स वाचणे हे केवळ खाण्यायोग्य प्रोडक्ट्ससाठी नाही तर तुम्ही सामान्यतः तुमच्या शरीरावर वापरत असलेल्या प्रोडक्ट्ससाठीदेखील अत्यंत महत्त्वाचे आहे. एक्स्पायरी आणि शेल्फ लाइफमधील फरक तुम्हाला आधीच माहीत असल्याने, तुम्ही तुमच्या शरीरावर एक्स्पायरी साबण वापरता तेव्हा काय होते, याबद्दल तज्ज्ञांकडून जाणून घेऊया.

Celebrity MasterChef : ‘सेलिब्रिटी मास्टरशेफ’ कार्यक्रम सध्या खूप चर्चेत असतो. या कार्यक्रमाला हवा तसा टीआरपी मिळत नसला तरी सोशल मीडियावर याची कायम चर्चा रंगलेली असते. या कार्यक्रमातील व्हिडीओ खूप व्हायरल होतं असतात. नुकतंच ‘सेलिब्रिटी मास्टरशेफ’ला दीपिका कक्करने रामराम केला. त्यामुळे आता तिच्या जागी कोण दिसणार? असा प्रश्न उपस्थित होतं आहे. लोकप्रिय मराठी अभिनेत्याला दीपिकाच्या जागी विचारणा झाल्याचं समोर आलं आहे.

Celebrity MasterChef : ‘सोनी टीव्ही’ वाहिनीवरील ‘सेलिब्रिटी मास्टरशेफ’ कार्यक्रम प्रेक्षकांच्या चांगलाच पसंतीस पडला आहे. या कार्यक्रमातील नवनवीन हटके टास्क प्रेक्षकांना खूप आवडत आहे. त्यामुळे कार्यक्रमाची दिवसेंदिवस लोकप्रियता वाढत आहे. पण, आता ‘सेलिब्रिटी मास्टरशेफ’ला दीपिका कक्करने ( Dipika Kakkar ) रामराम केला आहे. तिच्या एक्झिटचा व्हिडीओ सध्या सोशल मीडियावर व्हायरल होतं आहे.

NASA Space X Crew-9 Return Updates: २८६ दिवस अवकाशात राहून, ४५७७ वेळा पृथ्वीची प्रदक्षिणा घालून आणि १९५.२ दशलक्ष किलोमीटर अंतर कापून, नासाच्या अंतराळवीर सुनीता विल्यम्स सुरक्षितपणे पृथ्वीवर परतल्या आहेत. तांत्रिक बिघाडामुळे परतीचा प्रवास लांबला होता. फ्लोरिडाच्या किनाऱ्याजवळ उतरल्यानंतर जगभर जल्लोष झाला. भारतीय वडिलांमुळे भारतीयांनीही आनंद व्यक्त केला. सोशल मीडियावर अनेक प्रतिक्रिया उमटल्या.

नासाच्या अंतराळवीर सुनीता विल्यम्स आणि बुच विलमोर २८६ दिवसांनंतर पृथ्वीवर परतले. तांत्रिक अडचणींमुळे त्यांना आंतरराष्ट्रीय अवकाश स्थानकात राहावे लागले. बुधवारी पहाटे SpaceX Crew Dragon Capsule अमेरिकन सागरात उतरली. सुनीता विल्यम्स यांच्या गुजरातच्या झुलासन गावात जल्लोष करण्यात आला. त्यांच्या सुरक्षित परतीसाठी गावकऱ्यांनी प्रार्थना केली होती. परतल्यानंतर त्यांना ४५ दिवसांच्या रिहॅबिलिटेशनमध्ये राहावे लागणार आहे.