‘या’ सदस्याला ‘बिग बॉस १८’मधून दाखवला बाहेरचा रस्ता, नेटकरी म्हणाले, “योग्य निर्णय”
Bigg Boss 18 : हिंदी ‘बिग बॉस’चं १८वं पर्वं दिवसेंदिवस रंगदार होतं चाललं आहे. पण, गेल्या काही दिवसांपासून सतत घरामध्ये रेशनवरून जोरदार वाद सुरू आहेत. गेल्या आठवड्यात अविनाश मिश्राला रेशन वाटपाचा अधिकार देण्यात आला होता. तिसऱ्या आठवड्यात हा अधिकार अविनाशसह अरफीन खानला सुद्धा देण्यात आला आहे. तरीदेखील रेशनवरील वाद काही संपायचं नाव घेत नाहीये. अशातच आता हेमा शर्मानंतर आणखी सदस्य रातोरात बेघर झाल्याचं समोर आलं आणि हा निर्णय योग्य असल्याचं नेटकरी म्हणत आहेत.