दुसऱ्यांदा आई झाल्यानंतर खुशबू तावडेने चिमुकल्या लेकीसह शेअर केले फोटो, नाव केलं जाहीर
‘झी मराठी’ वाहिनीवरील ‘सारं काही तिच्यासाठी’ मालिकेत झळकलेली अभिनेत्री खुशबू तावडे काही दिवसांपूर्वी दुसऱ्यांदा आई झाली. ऑक्टोबर महिन्याच्या सुरुवातीलाच तिने एका गोंडस मुलीला जन्म दिला. ही आनंदाची बातमी खुशबूची मैत्रीण अभिनेत्री वैशाली भोसलेने सोशल मीडियाद्वारे जाहीर केली होती. खुशबूबरोबरचा फोटो शेअर करत लिहिलं होतं, “मुलगी झाली…अभिनंदन.” त्यानंतर नुकतीच खुशबू तावडेने स्वतः पोस्ट करत लेकीचं नाव जाहीर केलं आहे.