कर्णधार म्हणून धोनीने खेळत राहावे -चॅपेल

भारतीय खेळाडूंवर बऱ्याच वेळा टीका करणाऱ्या इयान चॅपेल यांनी भारताचा कर्णधार महेंद्रसिंग धोनीवर स्तुतिसुमने उधळून आश्चर्याचा धक्का दिला आहे. धोनीने कर्णधार म्हणून आणखी खेळत राहावे, अशा शब्दांत त्यांनी धोनीचे कौतुक केले.
‘‘ट्वेन्टी-२० सामन्यांमध्ये कर्णधार व खेळाडू या दोन्ही भूमिका धोनीने यशस्वीरीत्या पार पाडल्या आहेत. तो जरी कसोटी सामन्यांसाठी योग्य कर्णधार नसला तरी ट्वेन्टी-२० सामन्यांकरिता तो अतिशय हुकमी कर्णधार आहे. वेस्ट इंडिजविरुद्ध भारताने केलेल्या १९२ धावा काही कमी नव्हत्या. दुर्दैवाने त्या धावसंख्येला साजेशी गोलंदाजी भारताकडून झाली नाही,
यामध्ये धोनीचा दोष नाही,’’ असे ते म्हणाले.