वेस्ट इंडिजच्या महिला संघापाठोपाठ वेस्ट इंडिजच्या पुरूष संघानेही ट्वेन्टी-२० विश्वचषक स्पर्धेच्या विजेतेपदावर कब्जा केला आहे. कोलकाताच्या इडन गार्डन्सवर रंगलेल्या रोमांचक सामन्यात वेस्ट इंडिजने इंग्लंडवर चार विकेट्सने विजय साजरा केला. मार्लन सॅम्युअल्स वेस्ट इंडिजच्या विजयाचा शिल्पकार ठरला. त्याने ६६ चेंडूत नाबाद ८५ धावा ठोकल्या, तर सामन्याच्या महत्त्वपूर्ण क्षणी कालरेस ब्रेथवेटने अखेरच्या षटकात ६ चेंडूत १९ धावांची गरज असताना लागोपाठ चार खणखणीत षटकार ठोकून संघाला विजेतेपद गाठून दिले. त्यानंतर स्टेडियमवर ‘चॅम्पियन्स’चा जल्लोष सुरू झाला. या विजयासह वेस्ट इंडिजच्या क्रिकेट इतिहासात यंदाच्या वर्षाची सुवर्ण अक्षरांनी नोंद केली जाईल. कारण, २०१६ मध्ये वेस्ट इंडिजच्या १९ वर्षाखालील संघाने विश्वचषक जिंकला. त्यानंतर आज महिला संघाने ऑस्ट्रेलियावर मात करत आणि पुरूष संघाने इंग्लंडवर मात करत ट्वेन्टी-२० विश्वचषक स्पर्धेचे विजेतेपद काबीज केले आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
