जगमोहन दालमियांवर आधारित कार्यक्रम

क्रिकेट असोसिएशन ऑफ बंगालचे माजी दिवंगत अध्यक्ष जगमोहन दालमिया यांचे क्रिकेट विश्वात एक प्रशासक म्हणून अढळ स्थान आहे. त्यांनी आयसीसी आणि बीसीसीआयचेही अध्यक्षपद भूषवले होते. त्यांच्या कामाचा मागोवा घेणारा एक छोटेखानी कार्यक्रम या वेळी ईडन गार्डन्सवर होणार आहे. महिलांचा सामना संपल्यावर हा पाच मिनिटांचा कार्यक्रम होईल. यामध्ये दालमिया यांच्या कामाला उजळणी देऊन त्यांना श्रद्धांजली वाहण्यात येईल. भारतीय संघ अंतिम फेरीत नसल्याने सर्वाचाच हिरमोड झाला आहे. त्यामुळे कोणताच मोठा कार्यक्रम अंतिम फेरीच्या वेळी करण्यात येणार नाही. विंडीज-इंग्लंड यांच्या सामन्यातील मध्यंतराच्या वेळी पाच मिनिटांचा पारंपरिक नृत्याचा कार्यक्रम आयोजित करण्यात येणार आहे.