लसिथ मलिंगा विश्वचषकातून बाहेर

घोटीव यॉर्कर आणि फसवे स्लोअर वन चेंडू टाकण्यात वाकबगार असलेला श्रीलंकेचा वेगवान गोलंदाज लसिथ मलिंगा दुखापतीमुळे ट्वेन्टी-२० विश्वचषकात खेळू शकणार नाही.
सहभागाबाबत साशंकता असल्याने मलिंगाने ट्वेन्टी-२० संघाचे कर्णधारपद सोडले. डाव्या गुडघ्याची दुखापत पूर्ण बरी न झाल्याने मलिंगाने मायदेशी परतण्याचा निर्णय घेतला आहे. मलिंगाऐवजी अद्याप बदली खेळाडू निवडण्यात आलेला नाही.