Windows AI laptops at lower price: सध्या लॅपटॉपचा वापर प्रचंड वाढला आहे. संगणकापेक्षा जास्तीत जास्त वापर आता लॅपटॉपचा केला जातो आहे. कारण वर्क फ्रॉम असो किंवा ऑफिसमधून काम करणं असो, हा लॅपटॉप प्रवासात घेऊन जाणं, ऑफिसमध्ये किंवा घरी बसून यावर काम करणं अगदीच सोप्प जातं. त्यामुळे या लॅपटॉपमध्ये आणखीन काही खास करता येईल किंवा देता येईल यासाठी सगळ्या टेक कंपन्यांमध्ये शर्यत चालू असते. तंत्रज्ञानावर भर देऊन आता प्रत्येक कंपनी त्यांच्या नवनवीन मॉडेलमध्ये एआयचा समावेश करू पाहते आहे, तर मायक्रोसॉफ्ट विंडोज (Windows) ने २०२४ च्या सुरुवातीला AI लॅपटॉप जास्त किमतीत बाजारात आणले. पण, आता एआय फीचर्ससह विंडोज लॅपटॉप लवकरच एक लाखांपेक्षा कमी किमतीत उपलब्ध होणार आहेत. क्वालकॉमच्या प्रमुख यांनी अलीकडेच या गोष्टीची घोषणा केली आहे… त्यांनी म्हटले आहे की, 'आम्हाला आशा आहे की लवकरच आमच्याकडे विंडोजवर चालणारे AI लॅपटॉप आणि त्याचा स्नॅपड्रॅगन एक्स एआय लॅपटॉप प्रोसेसर बाजारात एक लाख किंवा अगदी ८० हजार रुपयांपेक्षा कमी किंमतीचा असेल.' हेही वाचा…Aadhaar Card : आधार कार्ड हरवल्यावर काय करायचं? चिंता सोडा! फक्त ‘या’ सहा स्टेप्स फॉलो करा परवडणारे AI लॅपटॉप : लवकरच स्नॅपड्रॅगन एक्स सीरिज वेगवेगळ्या प्रोसेसरसह लॅपटॉप विस्तारित करेल. म्हणजेच क्वालकॉम एक प्रोसेसर सादर करू शकते, जो स्नॅपड्रॅगन एक्स एलिट चिपद्वारे कोपायलट (Microsoft Copilot AI) चालविण्यास सक्षम असेल, ज्यामुळे पुढील वर्षाच्या सुरुवातीला म्हणजे २०२४ मध्ये लॅपटॉपच्या किमती अंदाजे ५७ हजार रुपयांपेक्षासुद्धा खाली येऊ शकतात. त्यामुळे भारतातील ग्राहकांना नवीन प्रोसेसरसह सुमारे ८० हजार रुपयांमध्ये Windows एआय लॅपटॉप ऑफर करतील, अशी अपेक्षा करू शकतात. कंपनीच्या प्रमुखाने म्हटले की, एआय लॅपटॉप्सचे बजेट विभागामध्ये वर्गीकरण केले जाईल असे म्हणणे गमतीचे ठरेल. पण, या Windows AI लॅपटॉपच्या सध्याच्या किमती पाहता, पाच अंकांमध्ये एआय लॅपटॉपची किंमत पाहून ग्राहक नक्कीच उत्साहित होतील. सर्व्हिस, फीचर्सने परिपूर्ण असा हा एआय लॅपटॉप आपल्याला स्वस्तात खरेदी करण्याची संधी मिळणार आहे.
