Take home iPhone for free and use it freely for 45 days: प्रत्येक मोबाईल वापरकर्त्याच्या मनात एक तीव्र इच्छा असते की त्याच्याकडेही अॅपलचा आयफोन असावा. मात्र महाग असल्याने अनेकदा लोक ते घेणे टाळतात. ग्राहकांची ही समस्या सोडवण्यासाठी अॅपलने 'बाय नाऊ पे लेटर' ही क्रेडिट योजना आणली आहे. या अंतर्गत ग्राहकांना आयफोन खरेदी करण्यासाठी कर्ज दिले जात आहे, जे नंतर सोयीस्करपणे भरता येईल. 'बाय नाऊ पे लेटर' स्कीम कशी आहे? अॅपलच्या या नव्या सेवेच्या मदतीने युजर्स अॅपलचे आयफोन किंवा आयपॅडसारखे उपकरण कोणतेही पैसे न भरता खरेदी करू शकतात. ही योजना अशा ग्राहकांसाठी आहे, ज्यांचे मासिक उत्पन्न कमी आहे. या योजनेमुळे अॅपल उपकरणांची विक्री वाढण्याची अपेक्षा आहे. याचा फायदा कंपनीला विक्री वाढवण्यासाठी मिळू शकतो. (हे ही वाचा : खुशखबर! नुकताच लाँच झालेला Google Pixel 7 खरेदी करा स्वस्तात, पाहा कुठे मिळतेय शानदार डील ) ही स्कीम कशी चालेल? सोप्या भाषेत सांगायचे तर ही अॅपलने ऑफर केलेली कर्ज योजना आहे. यामध्ये देखील तुम्हाला हप्त्याने पैसे भरावे लागतील, परंतु या योजनेमध्ये वापरकर्त्यांकडून व्याजासह इतर कोणतेही शुल्क घेतले जाणार नाही. यामध्ये ग्राहकांना ४ हप्त्यांमध्ये पेमेंट करण्याचा पर्याय मिळेल. समजा तुम्ही ६०००० मध्ये iPhone घेतला असेल तर तुम्ही १५००० च्या चार हप्त्यांमध्ये संपूर्ण रक्कम भरू शकता. हे लक्षात ठेवले पाहिजे की, उत्पादन खरेदी केल्यानंतर ६ आठवड्यांनंतर म्हणजेच सुमारे ४५ दिवसांनी तुम्हाला पहिला हप्ता भरावा लागेल. किती कर्ज मिळेल? अॅपलच्या मते, ग्राहक या योजनेअंतर्गत ८२,२७१ रुपयांचे कर्ज घेऊ शकतील. यासाठी तुम्हाला Apple Pay द्वारे पैसे द्यावे लागतील. बाय नाऊ पे सेवेचा लाभ कंपनी ऑनलाइन आणि आयफोन आणि आयपॅडच्या मदतीने घेऊ शकते. (हे ही वाचा : नवीन लॅपटॉप खरेदी करायचाय? मोबाईलच्या बजेटमधील ‘हे’ आहेत बेस्ट लॅपटॉप्स, ऑफिसच्या कामासाठी होईल उपयोग ) काही अटी पूर्ण करणे आवश्यक अॅपलच्या योजनेचा लाभ फक्त त्या ग्राहकांनाच मिळणार आहे ज्यांचा क्रेडिट स्कोअर चांगला आहे. अॅपल यासाठी ग्राहकांचा सिबिल स्कोअर तपासेल. आणि हे सुनिश्चित करेल की ज्या वापरकर्त्याला कर्ज दिले जात आहे तो ते परत करण्यास सक्षम असेल की नाही.
