Apple iphone 14 emergency sos feature : अलीकडेच अ‍ॅपल आयफोनच्या क्रॅश डिटेक्शन फीचरने अपघात झालेल्या महिलेची मदत केल्याचे समोर आले होते. आता पुन्हा आयफोनमुळे दोन लोकांचा जीव वाचल्याचे समोर आले आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

मॅकरुमर्सनुसार, अ‍ॅपलच्या एका फीचरने कॅलिफोर्नियामध्ये खोल दरीत पडलेल्या दोन लोकांचे प्राण वाचवले आहेत. ही घटना कॅलिफोर्नियातील अँजेलेस नॅशनल फॉरेस्टमधील अँजेलेस फॉरेस्ट हायवेवर घडली. वाहन दरीत सुमारे ३०० फूट खोल अंतरावर कोसळल्यानंतर लवकरच आयफोन १४ स्मार्टफोनला क्रॅश झाल्याचे कळताच त्याने सॅटेलाइट कनेक्टिव्हिटीद्वारे बचावकर्त्यांना आपत्कालीन एसओएस पाठवले.

आणखी वाचा

(Instagram account उघडत नाहीये? ‘Hack’तर झाले नाही ना? खाते परत मिळवण्यासाठी तातडीने करा ‘हा’ उपाय)

आयफोन १४ स्मार्टफोनच्या आपात्कालीन एसओएसने अ‍ॅपलच्या रिले सेंटरला सॅटेलाइटच्या माध्यमातून संदेश पाठवला. हा संदेश नंतर एलए काउंट शेरिफला मदतीसाठी पाठवण्यात आला. आपात्कालीन कॉलनंतर मोंट्रोस संशोधन आणि बचाव पथक घटनास्थळी गेले आणि त्यांनी दोन्ही अपघातग्रस्त व्यक्तींना वाचवले. नंतर दोघांनाही उपचारासाठी स्थानिक रुगणालयात दाखल करण्यात आले.

मोंट्रोस संशोधन आणि बचाव पथकाच्या ट्विटनुसार, त्यांना १४ डिसेंबरला अ‍ॅपलकडून आपात्कालीन सॅटेलाइट कॉल आला. ज्याचा उपयोग अपघातग्रस्तांच्या ठिकाणाची माहिती करण्यासाठी करण्यात आला. बचावकार्य कॅमेरामध्ये रेकॉर्ड करण्यात आले.

(Heart fail कधी होणार? या बाबत काही आठवड्यांपूर्वीच कळणार! ‘या’ तंत्रज्ञानाची जगात चर्चा, असे करते काम)

यापूर्वीही संकटात अडकलेल्यांची केली मदत

अॅपलच्या फीचरद्वारे लोकांना अडचणीत असताना मदत झाल्याची ही पहिली घटना नाही. रेड्डिट पोस्टनुसार, अलीकडेच झालेल्या एका अपघातात, iPhone 14 मधील क्रॅश डिटेक्शन फीचरने विवाहीतेचा अपघात झाल्यानंतर ताबडतोब तिच्या पतीला अलर्ट केले. क्रॅश डिटेक्शन फीचरमुळे पतीला अपघाताचे नेमके स्थळ मिळण्यासाठी मदत झाली.

रेड्डिटनुसार, अपघात झाला तेव्हा पती त्याच्या पत्नीसोबत फोनद्वारे संपर्कात होता. मात्र, क्रॅश डिटेक्शन फिचरमुळे त्याला अपघात स्थळी पोहोचण्यात मदत झाली आणि रुग्णवाहिका येण्यापूर्वी तो पत्नीला मदत देऊ शकला.

(Samsung पुन्हा चर्चेत, फ्लिप फोन नसल्याची अ‍ॅपलला करून दिली आठवण, पाहा नवीन जाहिरात)

मी माझ्या पत्नीशी फोनवरून बोलत होतो तेव्हा ती स्टोअरवरून घराकडे येत होती. या दरम्यान मी तिची किंकाळी ऐकली आणि लाइन डेड झाली. त्यानंतर काही सेकंदातच मला माझ्या पत्नीच्या आयफोनवरून एक सूचना मिळाली की, ती क्रॅश झाली आणि तिचे अचूक स्थान मिळाले, असे व्यक्तीने रेड्डिटवर लिहिले आहे.