फ्लिपकार्टचा बिग दिवाळी सेल हा २ नोव्हेंबर म्हणजेच गुरुवारपासून सुरु झाला असून हा सेल ११ तारखेला संपणार आहे. फ्लिपकार्टच्या बिग दिवाळी सेलमध्ये तुम्हाला अन्य प्रकारच्या इलेट्रॉनिक्सची उत्पादने कमी किमतीत खरेदी करता येते. यातच आता फ्लिपकार्ट दिवाळी सेलमध्ये iPhone 14 सर्वात स्वस्त दरात उपलब्ध झाला आहे. ग्राहक Apple iPhone 14 फक्त २०,४०० रुपयांमध्ये खरेदी करू शकतील. या आयफोनवर दिवाळी सेलमध्ये आजपर्यंतची सर्वाधिक सवलत दिली जात आहे. त्यामुळे जर तुम्हाला iPhone 14 स्वस्तात घ्यायचा असेल तर तुमच्यासाठी चांगली संधी आहे.
किंमत आणि ऑफर
Apple iPhone 14 Plus भारतात ८९,९०० रुपयांना लाँच करण्यात आला आहे, परंतु फ्लिपकार्ट सेलमध्ये, iPhone 14 ६३,९९९ रुपयांच्या डिस्काउंटवर लिस्ट करण्यात आला आहे. फोनच्या खरेदीवर १५,९०१ रुपयांची सूट दिली जात आहे. याशिवाय, वापरकर्ते एसबीआय कार्ड ईएमआय कार्ड पर्यायावर १,५०० रुपयांच्या इन्स्टंट डिस्काउंट ऑफरचा आनंद घेऊ शकतील. यानंतर Apple iPhone 14 Plus ची किंमत ६२,४९९ रुपये राहिली आहे. याशिवाय यूजर्स हा फोन जास्तीत जास्त ४२,००० रुपयांच्या एक्सचेंज ऑफरवर खरेदी करू शकतील. सर्व प्रकारच्या ऑफर्स आणि बँक डिस्काउंटनंतर Apple iPhone 14 Plus ची किंमत २०,४०० रुपये आहे, असे वृत्त डीएनए इंडियाने दिले आहे.
(हे ही वाचा : ‘या’ स्मार्टफोन युजर्सना झटका, फोनमध्ये बंद होणार Google Chrome; काय होणार परिणाम? पाहा डिटेल्स… )
Apple iPhone 14 Plus चे फीचर्स iPhone 14 सारखे आहेत, iPhone 14 Plus मध्ये मोठा डिस्प्ले आणि मोठी बॅटरी देण्यात आली आहे. Apple iPhone 14 Plus स्मार्टफोन ब्लू, पर्पल, मिडनाईट, स्टारलाइट आणि रेड या ५ कलर पर्यायांमध्ये येतो. फोनमध्ये ६.७ इंचाचा सुपर रेटिना XDR डिस्प्ले आहे. फोन A१५ बायोनिक चिपसेट सह येतो. फोनच्या मागील बाजूस ड्युअल कॅमेरा सेटअप देण्यात आला आहे. त्याचा मुख्य कॅमेरा १२MP आहे.
