दिवाळीच्या तोंडावर अनेक कंपन्यांनी वस्तूंवर तगडा डिस्काउंट देणं सुरु केला आहे. आता अॅपल देखील या ट्रेंडमध्ये सामील झाले आहे. देशातील अनेक स्मार्टफोन युजर्स आयफोनसाठी अक्षरशः वेडे आहेत. आता आयफोन घेण्यासाठी हीच संधी तुमच्यासाठी उत्तम आहे. अॅपलने भारतात दिवाळीच्या मुहूर्तावर मोठी विक्री सुरू केली आहे. सेल दरम्यान कंपनी आयफोन, आयपॅड, मॅकबुक इत्यादी अॅपलच्या अनेक उत्पादनांवर मोठी सूट देत आहे. कंपनी नुकत्याच लाँच झालेल्या Apple iPhone 15 सीरीजवरही सूट देणार आहे.
Apple Diwali Sale मध्ये अनेक उत्पादने स्वस्तात खरेदी करता येतात. या सेलमध्ये ग्राहकांना १०,००० रुपयांपर्यंत सूट/कॅशबॅक मिळू शकतो. कंपनीने iPhone 15 Pro आणि iPhone 15 Pro Max वर ६,००० रुपयांची कॅशबॅक ऑफर दिली आहे. त्याच वेळी, ग्राहकांना iPhone 15 आणि iPhone 15 Plus वर ५,००० रुपयांपर्यंतचा कॅशबॅक मिळू शकतो. कंपनी iPhone 14 आणि iPhone 14 Plus वर ४,००० रुपयांपर्यंतचा कॅशबॅक देत आहे. त्याच वेळी, ग्राहकांना iPhone 13 वर ३,००० रुपयांपर्यंत सूट मिळू शकते. iPhone SE खरेदी करून तुम्ही २००० रुपये वाचवू शकता.
(हे ही वाचा : फक्त ९९९ रूपयांमध्ये लॉन्च झाला नोकियाचा 105 Classic फोन; UPI फीचरसह मिळणार… )
iPhone 15 ची सुरुवातीची किंमत ७९,००० रुपये ठेवण्यात आली होती. तर iPhone 15 Plus ८९,९०० रुपयांना लाँच करण्यात आला होता. कंपनीने iPhone 15 Pro १,३४,००० रुपयांना सादर केला, तर iPhone 15 Pro Max १,५९,९०० रुपयांना सादर केला. कंपनीने आता iPhone 13 ला ५९,९०० रुपयांना लिस्ट केले आहे.
MacBook Air M2 वर देखील सूट आहे ज्या अंतर्गत कंपनी १०,००० रुपयांपर्यंत कॅशबॅक देत आहे. ही ऑफर केवळ १३ इंच आणि १५ इंच मॉडेल्सवर उपलब्ध आहे. 13 MacBook Air M2 सुरुवातीला १,१४,९०० ला लाँच करण्यात आला होता. MacBook Air M1 बद्दल बोलायचे झाले तर, कंपनी त्यावर ८,००० रुपयांपर्यंत कॅशबॅक देत आहे. कंपनी २४ इंच iMac आणि Mac mini वर ५,००० रुपयांचा कॅशबॅक देत आहे.
ग्राहक iPad Pro (११ इंच आणि १२.९ इंच मॉडेल) आणि iPad Air वर ५,००० रुपये वाचवू शकतात. कंपनी 9व्या आणि 10व्या जनरेशनच्या iPad वर अनुक्रमे ३,००० आणि ४,००० रुपयांची सूट देत आहे. आयपॅड मिनी दिवाळी सेलमध्ये ३,००० रुपयांनी स्वस्तात खरेदी करता येईल. ऑफरबद्दल अधिक माहितीसाठी तुम्ही Apple अधिकृत वेबसाइटला भेट देऊ शकता.
