Instagram वापरत असाल तर वेळीच व्हा सावध! तुमच्या प्रत्येक गोष्टीवर ठेवली जातेय नजर; पासवर्डही आहे असुरक्षित

आपल्या ब्राउझरचा करतात वापर

तसंच, MacRumors यांच्या अहवालानुसार बहुतेक अॅप्स वेबसाइट लोड करण्यासाठी ॲपलच्या Safari ब्राउझरचा वापर करतात, परंतु इन्स्टाग्राम आणि फेसबुक त्यांचे स्वतःचे इन-अॅप ब्राउझर वापरून वेबसाइट लोड करतात. तुमच्या लक्षात आले असेल की जेव्हा तुम्ही वेबसाइट लिंकवर टॅप करता, लिंक स्वाइप करता किंवा इन्स्टाग्रामवर जाहिरातींद्वारे काहीही खरेदी करण्यासाठी लिंक टॅप करता तेव्हा ते डीफॉल्ट ब्राउझर गुगल क्रोम किंवा सफारी मध्ये उघडते.

( हे ही वाचा: ३ हजार रुपयांपेक्षा कमी किमतीत मिळतोय iPhone 13! लवकरच घरी आणा तुमच्या स्वप्नातला फोन)

सर्व वेबसाइट्सवर इंजेक्ट केले जातात कोड

इन्स्टाग्राम अॅप सर्व वेबसाइट्समध्ये त्याचा ट्रॅकिंग कोड इंजेक्ट करते, जे फोटो शेअरिंग साइटला वापरकर्त्यांनी जाहिरातींवर क्लिक केल्यावर सर्व परस्पर संवादांचे निरीक्षण करण्यास अनुमती देते. यामध्ये पासवर्ड, पत्ता, प्रत्येक टॅप, मजकूर निवड आणि स्क्रीनशॉट यासारखे सर्व फॉर्म इनपुट समाविष्ट आहेत.

मेटाने दिले यासंदर्भात स्पष्टीकरण

मेटा म्हणते की ‘मेटा पिक्सेल’ हे तुमच्या वेबसाइटवरील विजिटर एक्टिविटी ट्रॅक करण्यासाठी तयार केले गेले आहे. जे त्याच्या कस्टम-बिल्ट ब्राउझरवर वापरकर्त्यांच्या सर्व क्रियाकलापांवर लक्ष ठेवते. कंपनीचं म्हणणं असं आहे की, असा कोणताही पुरावा नाही आहे की, मेटाने यूजर्सचा डेटा क्लेक्ट केला आहे. किंवा ते वापरकर्त्यांचा डेटा संकलित करण्यास सक्षम आहेत.