Samsung ची Samsung Galaxy S23 सिरीजमधील मधील स्मार्टफोनचे फीचर्स व त्याची किंमत ऑनलाईन लीक झाली आहे. सॅमसंग कंपनीचा Unpacked इव्हेंट १ फेब्रुवारी २०२३ रोजी होणार आहे. ज्यात Samsung Galaxy S23 सिरीजचा टिझर जाहीर करण्यात आला असून , Galaxy S23, Galaxy S23+ आणि Galaxy S23 Ultra असे तीन स्मार्टफोन्स लाँच होणार आहेत. मात्र लाँच होण्यापूर्वीच याचे फीचर्स आणि किंमत लीक झाली आहे.
काय आहेत फीचर्स ?
लाँच करताना हे सॅमसंगचा तीनही स्मार्टफोन्स One UI 5.1 हे अँड्रॉइड १३ वर ओफर केले जाणार आहेत. गॅलॅक्सी एस २३ या फोनला ६.१ इंचाचा फुल एचडी प्लस एमओएलईडी २ एक्स डिस्प्ले मिळणार आहे. तर गॅलॅक्सी एस २३ प्लस या फोनला एचडीआर १० प्लस गोरिला ग्लास असलेला ६.६ इंचाचा डिस्प्ले मिळणार आहे. तीनही फोन हा Snapdragon 8 Gen 2 प्रोसेसर असणारे असतील आणि यामध्ये ८ जीबी रॅम मिळणार आहे.
या सिरीजमधील पहिल्या दोन स्मार्टफोन्समध्ये तीन रियर कॅमेरा मिळणार आहेत. ज्यात ऑप्टिकल इमेज स्टॅबिलायझेशन (OIS) साठी ५० मेगापिक्सलची प्रायमरी लेन्स असणार आहे. दुसरी लेन्स ही १२ मेगापिक्सलची आहे. या फोनला १२ मेगापिक्सलचा सेल्फी कॅमेरा मिळणार आहे.
काय असणार किंमत ?
9to5Google च्या अहवालानुसार, Galaxy S23 ची (१,३५०ऑस्ट्रेलियन डॉलर) म्हणजेच ८०,००० रूपये असेल तर Galaxy S23+ (१,६५० ऑस्ट्रेलियन डॉलर) नुसार ९५,००० रूपये असेल. Galaxy S23 Ultra ची किंमत (१,९५० ऑस्ट्रेलियन डॉलर) म्हणजेच १,११,५०० रूपये असेल.
