भारतीय स्मार्ट वेअरेबल ब्रँड बोल्टने भारतात पहिले-वहिले साउंडबार लाँच केलं आहे. कंपनीने हा साउंडबार लाँच करून स्मार्ट होम उपकरणांमध्ये प्रवेश केला आहे. हा नवीन साउंडबार लाँच करून कंपनी ग्राहकांचा टीव्ही पाहण्याचा अनुभव आणखीन खास करणार आहे. पार्टी असो किंवा सोलो म्युझिक ऐकण्याचा आनंद घेणे असो, साउंडबार वापरकर्त्यांना एक खास ऑडिओ अनुभव प्रदान करेल. तर आज आपण या लेखातून नवीन साउंडबारची किंमत, फीचर्सबद्दल अधिक जाणून घेणार आहोत.

आर्काइव्हमधील सर्व बातम्या मोफत वाचण्यासाठी कृपया रजिस्टर करा

कंपनीने साउंडबार दोन प्रकारांमध्ये सादर केला आहे. एक म्हणजे Boult BassBox X120 आणि दुसरं म्हणजे BassBox X180 साउंडबार. एक्स १२० (X120) ची किंमत ४,९९९ रुपये, तर एक्स १८० (X180) ची किंमत ५,९९९ रुपये आहे. तुम्ही या साउंडबारची खरेदी अधिकृत वेबसाइट boultaudio.com आणि Flipkart वरून करू शकता.

हेही वाचा…विना इंटरनेट करा फोटो,व्हिडीओ शेअर; ‘या’ ॲपमध्ये मिळणार सोय

बोल्ट BassBox X120 दोन साउंड ड्रायव्हर्स आणि 120 RMS च्या ऑडिओ आउटपूटने सुसज्ज आहे; ज्यामुळे ते लहान खोल्यांमध्ये ऑडिओ वाढवण्यासाठी योग्य बनतात. तसेच वापरकर्ते तीन EQ मोडसह ऑडिओ सेटिंग्जसुद्धा करू शकतात. चित्रपट, संगीत, बातम्या डिव्हाइस रिमोट किंवा त्याच्या नियंत्रण पॅनेलद्वारे कंट्रोल केल्या जाऊ शकतात. हे ऑडिओचा आवाज सुधारण्यासाठी किंवा त्यावर प्रक्रिया करण्यासाठी डिजिटल सिग्नल प्रोसेसिंग तंत्रज्ञानाचा वापर करतात.

दोन्ही मॉडेल्स 2.1 चॅनेल सेटअप देतात आणि त्यात ब्लूटूथ ५.३, एयूएक्स (AUX) , यूएसबी (USB), ऑप्टिकल आणि एचडीएमआय (HDMI) कनेक्टिव्हिटीसह परिपूर्ण आहे आणि स्मार्ट टीव्ही, संगणक, मोबाइल आणि गेमिंग कन्सोल यांसारख्या विविध उपकरणांशी कनेक्ट होऊ शकतो.

स्मार्ट होम ऑडिओ उद्योगात BOULT च्या प्रवेशाविषयी बोलताना, BOULT चे सह संस्थापक वरुण गुप्ता म्हणाले, “TWS विभागातील ग्राहकांकडून प्रचंड पाठिंबा आणि प्रेम मिळाल्यानंतर, आम्ही स्मार्ट होम ऑडिओ उद्योगात पदार्पण केलं आहे. BassBox लाँच आमच्या प्रवासातील एक महत्त्वाचा टप्पा आहे. कारण आम्ही आमच्या प्रोडक्टच्या ऑफरचा विस्तार करून ऑडिओ गुणवत्ता प्रदान करण्याचे आमचे ध्येय आहे’, असे ते यावेळी म्हणाले. तर स्वस्तात मस्त बोटचा हा साउंडबार तुम्ही घरी आणू शकता.

मराठीतील सर्व तंत्रज्ञान बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Boult launches smart home audio devices first soundbars bassbox x series in india only 4 9 rupees new sound system asp