BSNL (भारत संचार निगम लिमिटेड ) ही एक सरकारी टेलिकॉम कंपनी आहे. आपल्या ग्राहकांसाठी कंपनी नवनवीन प्लॅन्स लॉन्च करत असते. सध्या कंपनीकडे सर्वात स्वस्त असे दोन प्लॅन व्हाउचर आहेत. त्यातील एक प्लॅन हा १,१९८ रुपयांचा असून त्याची वैधता एका वर्षासाठी आहे. तर दुसरपलं हा १,४९९ रुपयांचा असून त्याची वैधता ३३६ दिवसांची आहे. या प्रीपेड प्लॅनमध्ये ग्राहकांना व्हॉइस कॉलिंग, डेटा आणि एसएमएससाठी विस्तारित वैधता आणि चांगले फायदे मिळतात. या दोन्ही प्लॅन्सविषयी जाणून घेऊयात.
१,१९८ रुपयांचा BSNL व्हाउचर प्लॅन
BSNL च्या १,१९८ रुपयांच्या प्लॅनमध्ये रिचार्ज केल्याच्या तारखेपासून एका वर्षाच्या वैधतेसह येतो. याचा अर्थ ग्राहकांना वर्षभर सारखे सारखे रिचार्ज करावे लागत नाहीत. या अंतर्गत वापरकर्त्यांना ३०० मिनिटे कोणत्याही नेट व्हॉइस कॉल आणि ३ जीबी महिन्याला डेटा मिळतो. याशिवाय संपूर्ण एका वर्षाच्या कालावधीसाठी ग्राहकांना प्रत्येक महिन्याला ३० एसएमएस प्राप्त होणार आहेत. हे पॅकेज केवळ होम लोकेशन मर्यादित नसून तर मुंबई आणि दिल्लीच्या MTNL क्षेत्रांसह राष्ट्रीय रोमींगपर्यंत विस्तारित आहे. याबबातचे वृत्त telecomtalk ने दिले आहे.
१,४९९ रुपयांचा BSNL व्हाउचर प्लॅन
कंपनीकडे दुसरा व्हाउचर प्लॅन आहे तो म्हणजे १,४९९ रुपयांचा. ग्राहकांना ३३६दिवसांची वैधता मिळते. कमी वैधता असली तरी हा प्लॅन परिपूर्ण आहे. या प्लॅनमध्ये अनलिमिटेड व्हॉइस कॉलिंग ऑफर करते. अनलिमिटेड व्हॉइस कॉलिंगशिवाय ग्राहकांना संपूर्ण ३३६ दिवसांमध्ये दररोज १०० एसएमएस करण्यास मिळतात. हा प्लॅन २४ जीबी हाय स्पीड डेटासह येतो.
BSNL वापरकर्ते बीएसएनएलच्या अधिकृत वेबसाईट, मोबाइल App, किरकोळ अधिकृत विक्रेते आणि ऑनलाईन रिचार्ज प्लॅटफॉर्मसह विविध चॅनेलद्वारे संबंधित र्केटसह रिचार्ज करून हे प्लॅन सहजपणे सक्रिय करता येऊ शकतात.
